Nggalatiya 1:11 - Ala Wone Peenok Peebi Mbanak

¹¹ An wone obeelom wone yoranet nege minggirak nogo ti, it aakumi nen iniki koombunuk agan nugu menggaarak nogo mendek wagangge nagagirik, yoranet nege logolik o, yinuk, kineenu arubagip nduk yokkiragi o, noreewi.

Nggalatiya 1:11 ပူးပေါင်းရင်းမြစ်များ

Oroma 2:16

An wone obeelom wone yorage minggirak ndak-ndak at Ala nen it aakumi inikime kote koonggwi nogo Yetut Keritut nen owak looninaburak nduk mippereegerak nogo owak looninake eyom paga, “Ti obeelom eekirak kagi, ti maluk eekirak kagi,” yinuk, inikime nen abe'nage kaagun o.

1 Korindut 11:23

At ninowe nen eeko logorak yo'nereegerak wagangge nagagirik, yokkiragagirak nogo eebe yi aret. At ninowe Yetut waruwok nduk awo pigagangga'lek iigak, ne ti eyom oonikiya paga roti mbi eenggime wagangge nagagerik,

1 Korindut 3:4

Kit nen yogo logonet, “An nogoba Pawulut. An nogoba Apolot,” yinuk, yogwe ti paga nen, it aakumi nggween paga mendek yogo mengga kwak kit ndak-ndak agan nugwi nogo lek a?

1 Korindut 9:8

An wone yokkirage ti, nit aakumi abok eeko monggoorak nogo mban wakkagak yokkirage ti lek o. Ata, maan Ala nen Muta wone yoreegerak nogo, togop aret liiru mbanak wonage nogo lek a?

Nggalatiya 1:1

It aakumi nen mippanugwi, aap ambi iniki koombunuk, mippanege, eerulik o. Ata, at Yetut kambunuk nogo menggam nen eenik agago mippereegerak ninogoba Ala ninowe Yetut Keritut imbirak nen, nappiigak mendek agago mippaneegwaarak an Pawulut nogo nen, kit Ala apuri o Nggalatiya kuwak eerit nogo monggotak nogo, wone ambi yokkira o. Noreewi apit ninom wonogwe nogo nen keyage wakkinako o.

Nggalatiya 1:6

At Keritut kinabuwa mba'nuk kambeegerak nogo paga, Ala nen obeelom eerogo pinagakit nduk miikkinabeegerak nogo kagak mbo punuk, wone alik mendek ambi mbet-mbet woorak eekwi kiige nagarik, “Wi!” kirage agarik o.