Nekemiya 9:6 - Ala Wone Peenok Peebi Mbanak

⁶ Kaliku ALA kalik aret menggendak o. Kat nen mbogut inom, mbogut ta'mbanak irimbaga inom, laaluguragan abinak kwindagala eeke nogo inom, o nggween inom, yi mendek ndi mendek nggween paga wonage inom, niyo yenggenak laut inom, niyo yenggenak laut inikime menggaarak inom, abok aret ogobakkigirogo pit nagagindak o. Yi mendek ndi mendek abok aret ki logowak nduk, eerogo piige, nit aakumi nineenik logowok nduk, eerogo pinanege, eeke menggendak me, it mbogut paga menggaarak abok aret inendobanggun yindumbunuk kalut eeko menggaarak o.

Nekemiya 9:6 ပူးပေါင်းရင်းမြစ်များ

Wakkagagerak 1:1

O maan aa'nduk at Ala nen mbogut inom, nggween inom, wakkagagerak.

Wakkagagerak 1:9

Ti age mbareegi, at Ala nen niyo mogonogo o oolo yime nenaarak abu'me pereegerak nogo, nggween kenom aruwak nduk, “Ambit me kuwak aruwak o,” ari mbareegi, aret agagerak.

Wakkagagerak 2:1

Ti eeppege nagagerik, mbogut inom, nggween inom, yi mendek ndi mendek abu tigitogon aret wakkagagerak nogo ti aret.

Wakkagagerak 32:2

At Yakup nen malayikat nogo iige nagagerik, ari logonet, “Yi Ala awuri yigin unde aret iigi o,” ari nagagerik, “O yi endage Makanayim o,” yinuk, tooneegerak.

1 Endagembogut 22:19

Ari kagak kwe, aap Mika nogo nen, “Aliku ALA wonage me, eeke kagarak nogo yokkege me, karuk konengge logot o. At Aliku ALA agi mbogut paga taati wone lengganogo yorage menggim kwi'ndak wonage kagak, wim eeka mbogut paga mendek abok aret eenggi abeme-kwaare'me mi'ndak wonogwe iigirak o.

1 Endagembogut 8:27

Togop aret kwe, kat Ala o nggween paga yime logorak op mbaken? O mbogut paga inom, mbogut irimbaga kunduk inom, abok aret ti nggwok aret wonage kwe, kat logorak endak lek me, kat logorak kawi wurogo pagagirak yi ti, abunuk mbuuluk aret o.

2 Endagembogut 19:15

Mbiganogo punuk, tamban paga Aliku ALA yoge logonet, “Kaliku Iterali inogoba Ala o. Malayikat kwak kerub aru-ogwe iigak, kat oolo wone lengganogo yorage menggenom wonage, kat Ala kalik aret me, o nggween paga yime yi aakumi ndi aakumi abok aret inabu'me piigo menggam kat mban kabu'me piinok wonage, eeke menggendak o. Mbogut-nggween kunduk, kat nen aret wakkagagindak me,

2 Endagembogut 19:19

Kaliku ninogoba Ala kat perak, yi aakumi ndi aakumi inabu'me piigo menggam o nggween paga wonogwe yi, abok aret Ala kalik aret wonage ineenu aruwak nduk, Kaliku ALA nen aap ti, eenggime nen ninagap ndaru o, nogoba,” yinuk, tamban eereegerak.

Nekemiya 9:5

ti'nuk, it Lewi mendek ando Yetuwa, Karimiyen, Mbani, Katabeneya, Terebiya, Koriya, Tebaniya, Petaya, nen wone yorogo logonet, “At o aa'nduk nen nok, peebi mondok-mondok logorak Aliku kinogoba Ala endage tiyappuwok nduk, mi'nanip o,” yinuk, yorogogwaarak. Yorogogwaarak mi'na'nuk Ala yogo logonet, “At ambi nen at ambi ale'nggen oba pegak eekwi, at mbi nen at ambi endage tiyappegak eekwi, eekwi ti, iya aret kwe, kat perak, it inirimbaga kendage mondok iya tiyanak lombok aret.

Ndawi 102:25

O maan aa'nduk nggween yi alom kwippege, Kat keenggi paga nen mbogut ogobakkigirogo pege, Eereegindak o.

Ndawi 103:21

Kit at ayeloman mini at mbake eeka awuri wim eeka yi wae. At Aliku ALA tiyappugwi,

Ndawi 115:15

Mbogut-nggween wakkagagerak Aliku ALA nen ale'nggen kinoba pinagage, Eeke logowak o.

Ndawi 124:8

Mbogut-nggween wakkagagerak Aliku ALA endage kunogo yogwi niinok, At nen yeenggwa nirage menggerak o.

Ndawi 146:6

Mbogut inom, nggween inom, niyo kole laut inom, Yi niyo ndi niyo inikime menggaarak abok inom, Ogobakkigirogo piyareegerak inogoba Aliku Ala aret o. Aliku ALA yorage nagaatik, Li'lak mondok-mondok eeppiinet wundi wage,

Ndawi 24:10

At Endagembogut abu tiyanak wonage ti ta o? Lek o. At Endagembogut abu tiyanak wonage ti, At Mondok Omaawi Menggerak Aliku ALA aret o.

Ndawi 33:6

At Aliku ALA oone ari kagak, Mbogut-nggween aret age, At ambe aagi wungge kagak, Laaluguragan ninggirogo piinet nage,

Ndawi 36:6

Kat abu obeelom mban menggendak ti, Puut-puut abu tiyanak kwak wonage, Eekaatak a'me nggelok eeppiige menggendak ti, Yi nggwok yenggenak laut alobok ambik kwak wonage, Eeke menggerak. Aakumi inom, wam inanebunu abok aret inom, Kaliku ALA nen ndegeninake menggendak o.

Yetaya 37:16

“Komaawi Lombok Menggendak Iterali inogoba Kaliku Ala o. Malayikat kwak kerub aru-ogwe iigak, kat oolo wone lengganogo yorage menggenom wonage, kat Ala kalik aret me, o nggween paga yime yi aakumi ndi aakumi abok aret inabu'me piigo menggam kat mban kabu'me piinok wonage, eeke menggendak o. Mbogut-nggween kunduk, kat nen aret wakkagagindak me,

Yetaya 37:20

Kaliku ninogoba Ala kat perak, yi aakumi ndi aakumi inabu'me piigo menggam o nggween paga wonogwe yi, abok aret Ala kalik aret wonage ineenu aruwak nduk, Kaliku ALA nen aap ti, eenggime nen ninagap ndaru o, nogoba,” yinuk, tamban eereegerak.

Yetaya 43:10

Aliku ALA nen ari logonet, “It an napuri ti, an eeke inigen neenok yoraga it aret o. It an liippanugwi, abet nombakwi, ndi, an Ala nalik aret ineenu ogwe, Eeruwak nduk, An nen leenogo piyareegirak nayeloman mini aret agaarik o. An aa'nduk nalik nitok neegak, Ala alik ambi logolik o. Ndi, an peebi logogin lek kenok, Ala alik ambi wonage logogin lek mban.

Yetaya 44:6

Iterali inowe endagembogut wondet eerogo pinagareegerak Omaawi Lombok Menggerak Aliku ALA nen wone yegerak nogo yi aret. “Aa'nduk togon wonagagirak peebi irip paga mondok logogin ti, an nalik aret o. An Ala wonage neegak, at alik ambi wonage mondok lek aret o.

Yetaya 44:8

An o aa'nduk nen wone yi agan nage, Eeriyak nogo eeka'lek kagak yorage, Eerulik ya? Noone yorage liirogon koneneegwaarak nogo it aret me, Inaganak wake, inagabiti mbakwi, eerugwaarik o. An wonage neegak, an kwak Ala alik ambi wonage mbakop? Lek aret o! An yugum kwak nomaawi minggirak kokwak, ambi wonage an kaga'lek aret o,” yinuk, yegerak me, yokkiragi.

Yetaya 45:12

An nen aret o nggween yi wakkage, Aakumi nggween yi paga logowak nduk ogobakkigirogo piige, An neenggi lombok paga nen mbogut neyanogo pege, Oonegen inom, tut inom, laaluguragan inom, mbogut paga ninggirik logonip o, yorage, Eereegirak o.

Yeremiya 32:17

“Kaliku Kitok Menggendak ALA ai. Kat nen eeriyak meek ambi lek ti lek abok op mban aret o. Keenggi omaawi paga eeriyak kobam aret me, nggween inom, mbogut inom, wakkagagindak o.

Yetikiyen 20:11

Piya wagagirak wonogwe iigak, wone lengganak inom, nawone yugu inom, eekwi iinok, ineenik aret logogun me, ineenik logowak nduk, wone lengganogo yorage, eeko logorak wone nogo yorage, eereegirak o.

Yunut 1:9

Yogo mbareegwa, it yorage logonet, “An aap Iberani mendek aret me, niyo nggwok yenggenak laut inom, nggween inom, wakkagagerak mbogut unde menggerak Aliku Ala ayuk wuke minggirak an aret o,” yinuk, yoragagerak.

Yaya 10:30

An nogoba nimbirak ambit aret o,” yinuk, yoragagerak.

Nappiigak 4:24

Yorogwe nogo it inaruk konenggo nogogwaarik, it inom iniki lambunna'nuk tamban eeko logonet, “Kaliku ninogoba Ala o. Mbogut-nggween inom, yi yenggenak laut inom, yi mendek ndi mendek abok kat nen mban wakkagagindak o.

Pelaareegerak 10:14

Mbogut inom, mbogut irimbaga inom, nggween inom, yi mendek ndi mendek nggween paga wonage inom, abok aret at Aliku kinogoba Ala alik unde wonage o.

Pelaareegerak 32:39

Ala lombok ambit an aret kinigen pe'neyaanip o. Ala alik ambi wonage lek, nalik aret logonet, Aakumi inoorogo piige, ineenik agago piige, Inawinde-inobaande agago piige, lek eerogo piige, Eeke minggirak an aret me, Aap ambi nen, Eeppiyoorak mage, yo'niriyak meek o.

Pelaareegerak 6:4

Kit nowe-nawot aakumi Iterali mendek yi wae! Kinaruk liirogon konenggo logonip o. At Aliku ti, ambit aret o. Ndi, at Aliku nogo ti, ninogoba Ala aret.

Iberani 1:3

Ogoba mondok tiyanak eebe eya ndelenak-welenak aago kenok, “Wi!” ugwi nogo kokwak, aput ndak-ndak aret menggerak. Aput nogo ti, ogoba iniki ndak-ndak aret. Yi mendek ndi mendek wakkagagerak nogo abok aret, at oone omaawi paga pipporogo menggerak. Ninomaluk abok aret lek eerogo mbo nappege nagagerik, at agi mbogut paga mondok tiyanak menggerak nogo, eenggi abe'nggan paga tiyarogon kwi'nari laganeegerak wonage o.

Iberani 1:6

Ata, Ala nen at aput ambolom ndarak nogo, o nggween paga yime wuppi woraakit nduk, eeke logonet, “Kit an nayonggo nugu monggotak malayikat abok aret at mban alut eeko logonip o,” yinuk, yorage,

Wayu 14:7

ari nagaarik, “Mbogut inom, nggween inom, niyo nggwok yenggenak laut inom, niyo eneeri wundit nage menggim inom, at Ala nen mban wakkagagerak me, yogondak Ala nen kinowak loongginaburak eyom abu koorok panggo yegerak me, kinagabiti nen at Ala mban ayuk wuko logonet, at abu'me tebe yinuk, endage tiyappogo logonip o,” yinuk, oone nggwok paga agan nage kagarak.