Nekemiya 9:5 - Ala Wone Peenok Peebi Mbanak

⁵ ti'nuk, it Lewi mendek ando Yetuwa, Karimiyen, Mbani, Katabeneya, Terebiya, Koriya, Tebaniya, Petaya, nen wone yorogo logonet, “At o aa'nduk nen nok, peebi mondok-mondok logorak Aliku kinogoba Ala endage tiyappuwok nduk, mi'nanip o,” yinuk, yorogogwaarak. Yorogogwaarak mi'na'nuk Ala yogo logonet, “At ambi nen at ambi ale'nggen oba pegak eekwi, at mbi nen at ambi endage tiyappegak eekwi, eekwi ti, iya aret kwe, kat perak, it inirimbaga kendage mondok iya tiyanak lombok aret.

Nekemiya 9:5 ပူးပေါင်းရင်းမြစ်များ

1 Endagembogut 8:14

It aakumi Iterali wonogwe abok aret awo mi'ndak wonogwe me, at Talomo nen ena mela yinuk, ale'nggen inoba piige logonet,

1 Endagembogut 8:15

“At Aliku aakumi Iterali inogoba Ala oone lombok paga nen nogoba Ndawut koonogo yoreegerak nogo, at nen aret a'me nggelok togon eerogo pereegerak me, endage tiyappuwok o.

1 Endagembogut 8:22

Yorage nagagerik, at Talomo nogo Aliku ALA ake warogo wogogo logowam ogobakkigirik me enaame taa'nogo mi'nari nage nagagerik, aakumi Iterali wonogwe abok aret inenggaanom paga eenggi mbogut paga nippege nagagerik,

1 Endagembogut 8:27

Togop aret kwe, kat Ala o nggween paga yime logorak op mbaken? O mbogut paga inom, mbogut irimbaga kunduk inom, abok aret ti nggwok aret wonage kwe, kat logorak endak lek me, kat logorak kawi wurogo pagagirak yi ti, abunuk mbuuluk aret o.

1 Mbinineegwaarak 16:36

Iterali inogoba Aliku Ala ti, Aa'nduk nen nok age yobok kuli Endage mondok-mondok tiyanak menggerak me, Alut eekak mban yogo logowok o,” yinuk, ari mbareegi, it aakumi abok aret, “Ti abet aret yagan o,” yinuk, Aliku ALA alut eereegwaarak.

1 Mbinineegwaarak 29:11

Kaliku nogoba ALA o. Mbogut-nggween unde wonage kat aret me, Yi aap ndi aap iigak, Kat mondok iya, komaawi ambik, Kendage tiyanak, kayuk warak, Aakumi nen wiigugo agaarik o. Kaliku nogoba ALA o. Yi aap ndi aap inabu'me piinok, Wonogo menggam tebenak iigak, Kat kabu'me piinok, Wonage menggenom abu tiyanak aret o. Yi mendek ndi mendek abok tebenak iigak, Kalik mban tiyanak inarum wonage o.

1 Mbinineegwaarak 29:13

Togop aret me, nogoba Ala o. Yogondak, Wa, lombok yokkugwi, Kat kendage tiyanak mondok iya me, Kalut eekwi, Eeko ogoorik o.

1 Mbinineegwaarak 29:20

Tamban eeke nagagerik, at Ndawut nen aakumi apit kuwak aago nogo yorage logonet, “Aliku kinogoba Ala endage tiyappogo logonip o,” yorage mbareegi, it aakumi abok nen inombomini inogoba Aliku Ala endage tiyappogo logonet, abu'me tebe yinuk, alut eekwi, inowe endagembogut abu'me tebe yinuk, ayuk wukwi, eereegwaarak.

2 Mbinineegwaarak 20:13

Tamban eeke mbareegi, it aap Yekura mendek inakuwi inom, inapuri wologwe-komologwe inom, elege-aabologwe inom, abok aret Aliku ALA enggaanom paga taati mi'ndak wonogwe me,

2 Mbinineegwaarak 20:19

Alut eeko mbareegwa, it aap Kekat Kora mendek paga wiganak aap Lewi mendek ando mi'na'nuk, inoone nggwok lombok paga Iterali inogoba Aliku Ala alut eereegwaarak.

Etara 3:11

Mi'nogo nogogwaarik, “Kaliku ALA kawi wuriyak nogo owak abu aret wurako o,” yinuk, ndawi wako logonet, Aliku ALA alut eekwi, “Wa!” yogwi, eereegwaarak. Ndi, eeko logonet, “Kat obeelom aret o. Nit Iterali mendek yi, Mondok-mondok kiniki kunik ee'ninake logomunggun o,” yinuk, it aakumi abok nen, “Kaliku ninogoba ALA wa,” yinuk, keekok yogogwaarak.

Nekemiya 9:4

it aap Lewi mendek Yetuwa, Mbani, Karimiyen, Tebaniya, Mbuni, Terebiya, Mbani, Kenani, eyo tiyarogon ndoonogo pereegwaarak nogo paga mi'ndak logonet, inoone nggwok paga Aliku inogoba Ala yogo nogogwaarik,

Nekemiya 9:6

Kaliku ALA kalik aret menggendak o. Kat nen mbogut inom, mbogut ta'mbanak irimbaga inom, laaluguragan abinak kwindagala eeke nogo inom, o nggween inom, yi mendek ndi mendek nggween paga wonage inom, niyo yenggenak laut inom, niyo yenggenak laut inikime menggaarak inom, abok aret ogobakkigirogo pit nagagindak o. Yi mendek ndi mendek abok aret ki logowak nduk, eerogo piige, nit aakumi nineenik logowok nduk, eerogo pinanege, eeke menggendak me, it mbogut paga menggaarak abok aret inendobanggun yindumbunuk kalut eeko menggaarak o.

Ayup 1:21

Alut eeke logonet, “Nagalo inikime nen we nagap mbelanak nda'nagagirak me, Kambunuk, we nagap mbelanak aret nagin o. Kaliku ALA nen wo'nege, Kaliku ALA nen mban wogonake, Eekendak me, Kaliku ALA kendage mban tiyappege logokit o,” yinuk, yoreegerak.

Ndawi 106:2

At Aliku ALA iya tit eeke menggerak nogo aap ta nen yoranet nage, Ta nen at endage ndak aret tiyappege, Eeriyak op mbakop? Lek aret o!

Ndawi 134:1

Kit Aliku ALA ayeloman mini yi wae. Kit abok Aliku ALA tiyappugwi, Oonikiya paga Aliku ALA awi wurik me ake eekwi yi, At alut eekwi, Eeko logonip o.

Ndawi 145:2

Ko'lu-kii'me, “Wa,” mban yokkege, Mondok-mondok kendage wogoppagit nage, Eeke logogin o.

Ndawi 145:5

Kat tiyanak kobaanggi-kobaangge li'luk eerak keenok, Aakumi nen, “Wi,” yogwe nogo yorogwe, Eekwi iigak, Eerubok mendek eeke menggendak nogo ninikime koonit nage,

Ndawi 146:2

An neenik wonage logonet, Aliku ALA tiyappege, An kangga'lek awo wonage logonet, nogoba Ala konenuwak nen ndawi paga anep pege, Eerigin o.

Ndawi 16:2

An nen Kaliku ALA yokkege logonet, “Kat nogoba aret me, An abe mendek porogo minggirak nogo ti, Yi mendek ndi mendek lek o. Kat keebe mban aret porogo minggirak o,” Yinuk, yokkigirak o.

Ndawi 66:2

At endage abu tiyanak me, ndawi paga anep pugwi, Endage tiyappit nogo logonet, alut eekwi, Ee'nip o.

Ndawi 99:3

At kikak nakeelik alik leenak endage mondok nggwok iya lombok me, Yi aakumi ndi aakumi at endage tiyappogo logowak o.

Wundeegwaarak 15:11

Kat kikak nakeelik wonage keenok tiyappagagwi, Eerubok mendek eeke menggendak keenok, Wi, yinuk, kayuk wukwi, Eeko menggaarak me, Kat pogom ta wonage o? Yi kugi ndi kugi Kaliku ALA kat pogom ambi wonage abu lek aret o.

Wundeegwaarak 15:6

Kaliku ALA keenggi abe'nggan ti, Omaawi abu iya lombok menggerak me, Kaliku ALA keenggi abe'nggan paga nen kawim yigirik-noonom eerogo piigendak o.

Ndaniyen 2:20

Alut eeke logonet, “Iniki warak inom, omaawi lombok menggerak inom, at Ala alik aret me, at endage mondok-mondok tiyanak logowak o.

Matiyut 11:25

O ti eyom paga Yetut nen at ogoba yoge logonet, “Mbogut-nggween unde nogoba wa! Kat eeriyak yi nogo, it aap iniki warak inom, iniki ngget inom, ineenu ogwe iyo, nobappunuk, it elege-aabologwe kwak mban paganogo yoragagindak me, wa!

2 Korindut 4:6

At Ala nen ari logonet, “O apit me eya aruwak o,” yinuk, eya eereegerak nogo inom, ndi, Ala mondok tiyanak, “Wi!” ugwi nogo, Keritut enete liippunuk, yelok kogo logowok nduk, ninikime eya ee'ninabeegerak nogo inom, ti eebe ambit Ala nen mban aret eereegerak o.

Pelaareegerak 28:58

Ndi, kit nen eeko logorak wone yugu mbuku paga liiru mbanak wonage yi apit aret, kiniki liippunuk mugurok nogwe, at Aliku kinogoba Ala endage abu tiyanak aakumi iya mbakwi yi, ayuk wukwi, eeka'lek aret logomunggup kenok,

1 Peterut 1:3

At ninowe Yetut Keritut ogoba Ala nen ninabuwa nggwok lombok mbake nagagerik, obeelom eeppinanege logonet, at Yetut Keritut kambunuk nogo menggam nen eenik agago mippereegerak nogo paga ninake punik nineyate kokwak pili age, yi'mbaani kungge, lek age, eekeelik mondok mbogut paga pinanogo wonage niniki lunik wonogwe nogo, kola nawok nduk, niniki ngget nda'ninabeegerak me, “Ninogoba Ala wa,” yinuk, endage tiyappogo ogoorik o.

Owak Loongga 13:18

Yoge mbareegi, Aliku ALA yonggo nogo nen, “An nendage ti, aakumi nen liippaniyak meek aret me, Kat kendage ngge, nonggop nduk yo'nege agandik?”