Nekemiya 9:29 - Ala Wone Peenok Peebi Mbanak

²⁹ Eeko logorak wone lengganogo yorage nagagindak mbo pereegwaarak nogo, yungguninuk mugurok nawak nduk, kurumbi yorage keegak kwe, iniki wogoppako logonet, Yogop ee'nu ndogop ee'nu, yoragagindak nogo, Eeriyak nineebi o, yinuk, yogwe, ndi, eeko logorak wone nogo eekwi iinok, ineenik logorak op kwe, taganogo punuk, maluk eerit nogwe, inanobak yugum pogom a'nuk, koone koneniyak, Nineebi o, yinuk, inogogumbuk logonet, inambokan mbo pagagwi, eereegwaarak wonogwe iigak,

Nekemiya 9:29 ပူးပေါင်းရင်းမြစ်များ

2 Endagembogut 17:13

Anini mbake nagagerik, Ala wone yoraga inom, inabinggaanggo kaga inom, Aliku ALA nen yorage kagak, it nen aakumi Iterali inom, Yekura inom, yorogo logonet, “Kinombomini, E o, yinuk, eeko logowak nduk, wone lengganak liiru mbanak abok aret yorage, ndi, at Aliku ALA nen yorage kagak yoraga ayeloman mini nogo nen yokkiraawak nduk yorage, eereegerak nogo ndak-ndak eerit nogo logonet, aaninggin kinoba arukwak, kit maluk eeko monggotak nogo mbo punuk, Yogop ee'nu, ndogop ee'nu, yokkirage inom, wone lengganogo yokkirage inom, liippunuk, eerit nogo logonip o,” yinuk, yorogo nogogwaarak kwe,

2 Endagembogut 17:14

Yorogo nogogwaarak kwe, “Ninaruk koneniyak nineebi o,” yinuk, inombomini inanobak yugum pogom me, iniki Aliku ALA oba panggombunuk, abet mbarulik ti kokwak, inombowologwe kunduk, inanobak yugum pogom kumbunuk,

2 Mbinineegwaarak 24:19

it eekwi ti mbo punuk, nomoniren Ala owagam woraawak nduk, aap Aliku ALA nen yorage kagak yoraga nappiya wagagerak nogo nen kurumbi yorogo nogogwaarak kwe, koneniyak ineebi mbako nogogwaarak.

2 Mbinineegwaarak 33:10

At Aliku ALA nen aap Manate inom, aakumi at abu'me menggaarak inom, wone yoragagerak kwe, liippega'lek mbareegwa,

2 Mbinineegwaarak 36:15

Togop aret eerit nogwe iigak, inombomini inogoba Aliku Ala nen at apuri inabuwa mbake, o at wonage menggim iniki kunik eeke, eereegerak me, wone yora wogo logowak nduk, kulinik-kalinik nappiya waga'mban eeke nagagerak kwe,

Nekemiya 13:15

Ti eyom paga o Yekura time it aakumi nen nogo 6 yippunuk, ko'lu yonggonggologo logorak wone yugu kagak anggur anggen aambiranggwi, ndi, it ando nen gandum anggen inom, anggur amburu toolak inom, anggur anggen mbanak inom, eyo wuliinggen inom, yi mendek ndi mendek eegu ambik aret inom, waganogo keledai paga nippunuk, nogo 6 yippunuk, ko'lu yonggonggologo logorak yugu ti paga wonok, o Yerutalem pi wogwe, eekwi iige nagagirik, “Nogo 6 yippunuk, ko'lu yonggonggologwe paga onggo kuniyak ti mage o,” yoragagirak.

Nekemiya 9:10

Eeke nagagindik, it Metit mendek nen iniki wogoppako logonet, ninombomini eeppiigo nogogwaarak nogo kat keenu me, aap endagembogut Pirawun inom, at inom eeko menggaarak inom, at o unde menggim aakumi abok aret inom, eerubok mendek eeppiige, inagabiti aruwak nduk eeppiige, eereegindak paga kendage wigak yereegerak me, o yogondak wonage aret o.

Nekemiya 9:16

Ti eereegindak kwe, it ninombomini nen kat, Yogop ee'nu ndogop ee'nu, yoragagindak nogo eeko logolik. Inanobak yugum pogom a'nuk, wogoppako logonet,

Nekemiya 9:26

Kat togop aret eeppiige keegak kwe, inogogumbuk a'nuk, koone yorage nogo, Eeriyak nineebi o, yinuk, eeko logorak wone lengganogo yorage nagagindak nogo inambokan mbo punuk, it yungguninuk kowagam woraawak nduk, koone yoraga nen yorogo nogogwaarak nogo inookwi, ndi, kat meek eerogo pagarak meek aret kwe, mondok iya tit miyuk-meya eerogo pagagwi, eeko mbareegwa,

Nekemiya 9:30

yi tahun ndi tahun paga kat kiniki yanggo yinuk, teppiige nagagindak o. Kaberiniki nogo paga it kat koone yoraga nogo yorage keegak yorogo nogogwaarak kwe, it ninombomini nogo inaruk logu negen liippega'lek wonogwe me, kat Ala nen it aakumi o yime wonogwe nogo ineenggime piyareegindak kwe,

Wundeegwaarak 10:3

Nappege mbareegi, Muta Karun imbirak Pirawun owagam nogo nogogwaarik, at yogo logonet, “Aakumi Iberani inogoba Aliku Ala nen ari logonet, At Pirawun wogoppake logonet, eewa yaga'lek ti, ne mande logonuk, an nabu'me iniki tebeppatinuk logogin o? An napuri aakumi Iterali mendek ti, nalut eeri nawak nduk teppiyaawak o.

Yeremiya 17:23

inaruk konenggwi, liippugwi, eeka'lek tagambunuk inanobak yugum pogom logonet, noone konenggwi, iniki koonnaruwak nduk, yorage nogo waganggwi, eeka'lek mbo pereegwaarak o,” yinuk, yegerak o.

Yeremiya 19:15

“At Omaawi Lombok Menggerak Iterali inogoba Aliku ALA nen yegerak nogo yi aret. It o kota yime menggaarak inom, o Yerutalem enaagan-ambokan yaga'lelo-yaga'lelo wonogwe inom, inanobak yugum pogom kumbunuk iigak, yorage nagarak nogo, Koneniyak nineebi o, yinuk, yagaarak me, aaninggin-paaninggin inoba piyoorak yoragarak nogo abok aret inoba kwippiigak eeke logogin, yegerak me, yokkiragi o,” yinuk, yoragagerak.

Yeremiya 42:19

Kit aakumi Yekura eegu yumbunik yi wae. Aliku ALA nen, “O Metit noorak mage o,” yinuk, yegerak me, abet aret mbarubagip nduk, an nen o yogondak kurumbi yokkirage yi, liippinip o.

Yeremiya 43:2

Kotaya aput Atariya inom, Kareya aput Yokanan inom, it aakumi iniki tiyappaka abok aret inom, nen Yeremiya yogo logonet, “Ninogoba Aliku Ala nen, It o Metit ye mbambatinuk logowak nduk, noorak mage, yora nak o, yinuk, yegerak, yo'niragandak ti, at yuulik kagak, yo'niragandak me, pilit aret ari agandik o.

Yeremiya 44:10

Aa'nduk nen nok, o yogondak kuli iniki tebeppakwi, nayuk wukwi, eeka'lek logonet, eeko logorak wone yoragagirak Muta liiru mbaneegerak inom, it inombomini inom eeko logorak wone lengganogo yoragatak inom, liirogon mugurok naga'lek aret agaarik o,” yinuk, yegerak me yokkiragi o.

Yeremiya 7:26

an yorage nogo inaruk konenggwi, iniki liippugwi, eeka'lek inogogumbuk logonet, inombomini maluk eeko nogogwa kwak lek it yogondak wonogwe yi, abunuk nggwok lombok eeko menggaarak,” yegerak me, yokkiragi o.

Yetikiyen 20:11

Piya wagagirak wonogwe iigak, wone lengganak inom, nawone yugu inom, eekwi iinok, ineenik aret logogun me, ineenik logowak nduk, wone lengganogo yorage, eeko logorak wone nogo yorage, eereegirak o.

Ndaniyen 5:20

Togop aret eeke nagagerak kwe, at iniki mondok tiyappake, anobak yugum pogom kumbunuk iniki abu alik negen wogoppatit nage, eeke paga endagembogut logonet, wone lengganogo yorage nagagim nen tebek ari, endage mondok tiyanak nogo lek age, eereegerak o.

Oteya 6:5

Togop me, it aap an yorage neegak yoraga nen inoone andiigwi yorogo logowak nduk nappiya wage, Noone ari minggirak paga nen inoorogo negen piige, O yabok aakumi inoba pindanogo piige menggi kwak, eekaatak onggo eeppiyoorak koonogo pigirak nogo ti, togop aret inoba kwippiige, Eereegirak o.

Ala Unde 18:5

Naliku ALA an aret me, wone lengganogo yorage nogo inom, eeko logorak wone nogo inom, it mondok porogo logonet, liirogon eerit nugwi paga ineenik aret logogun o.

Matiyut 19:17

Yoge mbareegi, Yetut nen, “At ambiret mban obeelom menggerak nogo kagak, nonggop nduk, Obeelom mendek ngge eeri, yinuk, an kin wo'neege agandik? Keenik mondok mendek kolaakit, mbake keenok, Yogop ee'nu, ndogop ee'nu, wone yugu nogo aret mondok ndak-ndak eeke logot o.”

Lukat 10:28

Yoge mbareegi, at Yetut nen, “Op yagan o. Yagandak nogo ndak-ndak eeke keenok, keenik aret logomunggun o.”

Oroma 10:5

Ala nen, “Yogop ee'nu, ndogop ee'nu,” yereegerak wone nogo liirogon eerit nugwi paga obeelom eekkoloorak mbakwi kenok, at Muta nen liiru mbangge logonet, “Eeko logorak wone liiru mbanak ndak-ndak eerit nugwi ti paga nen ineenik aret logogun o,” yinuk, liiru mbaneegerak kwe,

Nggalatiya 3:12

Eeko logorak wone yugu liiru mbanak panggombunuk, “Obeelom eerogo pinaniyak o,” yinuk, eekkoloorak wone ti, abet mbakwi paga ee'ninaburak wone ndak-ndak lek alom alik aret kagak kwe, “Eeko logorak wone nogo it mondok porogo logonet, liirogon eerit nugwi paga ineenik aret logogun o,” yinuk, liiru mbanak me, aap ambi wone ti, abu ndak-ndak eeke kenok, at abet aret eenik logogin o.

Pelaareegerak 31:21

aaninggin-paaninggin inoba kwi'nage, inawi maluk age, eeke kagak, ndawi liiru mbanak yi, it inapuri-inombowologwe nen mari eerogo pugun lek me, inikime logonet, aberiragak mban eeke logogin o. An nen nggween, Wokkiraagin o, yinuk, abuk nggaruk togon kumbuk mbanogo yoragagim time awo wogoren piya naga'lek neegak kwe, it iniki mba'nuk eeriyak nogo muk neenu aret me, yagi o,” yinuk, yoreegerak.

Pelaareegerak 31:27

It aakumi yi, wone yugu tagangga inanobak yugum an abu neenu aret o. An neenik neegak togon Aliku ALA oone taganggwi iige nagarak me, an kambiminggirak neegak ti, abunuk aret eeko logogun o.

Pelaareegerak 4:26

O kit unde a'nuk logowam niyo Yoraran mbanogo ene paga time wunda nogo logomonggotik, wonogo logonet, wone an yokkiragarak yi, liirogon eerumunggup lek kenok, kit kineebe logonuk lek aret kanggwi, kineebe lek aret ogwe, eerumunggup o, yinuk, mbogut inom, nggween inom, inigen iigak, o yogondak yi paga yokkiragi o.

Owak Loongga 6:10

yokkirage logonet, Naliku kinogoba Ala an aret me, it aakumi Amori inanggween paga wonogo logonet, nobaane'me inagugi mugurok nogo logobok o, yinuk, liirogon aret yokkiragagerak kwe, kit at oone abu konengga'lek aret monggotak o,” yinuk, yoragagerak.