Nekemiya 9:24 - Ala Wone Peenok Peebi Mbanak

²⁴ O nggween yime it inapuri nen unde eeppatinuk wonogwe iigak, kat kaa'nduk a'nuk, it aakumi inaworak o Kanan ando yime menggaarak nogo tebenogo piinok, ninombomini ineenggime piige logonet, it Kanan mendek inoweewi inendagembogut inom, it aakumi o yime wonogwe inom, it eeppiyoorak mbareegwaarak nogo eeppiyaawak nduk, wogoragagindak o.

Nekemiya 9:24 ပူးပေါင်းရင်းမြစ်များ

1 Mbinineegwaarak 22:18

“At Aliku kinogoba Ala kinom wonage nogo lek a? Aakumi yi o ndi o kinaagan-kinambokan wonogwe nogo, wone ambi kinoba pinagaga'lek kinom op wonogwe nogo lek a? It aakumi o yime wonogwe abok aret Aliku ALA nen an neenggime paneegerak me, aakumi o yime menggaarak abok aret Aliku ALA oone inom, kit at apuri kinoone inom, aret konenggwi me,

Etet 9:5

It Yakuri mendek nen it aakumi ineebi inombakwi nogo, iniki nen eeppiyoorak mbareegwaarak nogo eeppiinet nogo logonet, wooluwak paga inoorit nogwe, ineebe lek eerogo piigwi, eerit nogogwaarak.

Linggineegwaarak 14:31

It ando nogo nen yogo logonet, Nit ninapuri abok aret kugun wogoren nagun o, yagaarak nogo, O nit noorak nineebi o, yinuk, miyuk-meya eerogo pegam nogome it inapurilogwe mban wogoren piya nage neenok, iniki ale'nggen mbakak wonogo logogun o.

2 Timotiyut 2:26

Ala nen togop eeppiige kenok, Ibilit mbake menggerak eeko logowak nduk, keele maarogo piyareegerak kagak, iniki warak a'nuk, keele nogo piinggo'nok wundi wogo logogun o.

Yotuwa 10:40

At Aliku Iterali inogoba Ala nen wone lengganogo yoreegerak nogo ndak-ndak, at Yotuwa awuri inom nen it aakumi puut-puut wonogwe inom, o karume o ame pa'nggwe wonogwe inom, puut nggelok-nggobok me oonegen kilu yi nage menggim pa'nggwe wonogwe inom, puut elan me wonogwe inom, yi awi ndi awi aakumi ineenik wonogwe abok aret inowe endagembogut inom ambit-ambi ineenik teppiyoolik tigitogon aret kalirubu pup eerogo inoorogo piinok, inanggween tebenggologogwaarak.

Yotuwa 11:23

At Aliku ALA nen Muta yoreegerak nogo ndak-ndak aret, Yotuwa awuri inom nen o ti abok aret tebenggologo nogogwaarik, aakumi Iterali inanebunu ndarak ndak-ndak lombok ineyate kwak inanggween unde eeppatinuk logowak nduk, at Yotuwa nen tumburiragagerak. Tumburirage mbareegi, o nogome wim nggoguk yaga'lek abolok lek obeelom aret wonagagerak.

Yotuwa 12:12

Ambi o Egolon mendek, ambi o Nggetet mendek,

Yotuwa 12:24

Ambi o Tirata mendek. Aap inendagembogut apit ti, ineebe 31 aret me, inanggween ndinogo aakumi Iterali mendek tumburiragagerak ti aret.

Yotuwa 18:1

Aliku ALA nen nggween wogoragagim tebenggo'nok wonogo logonet, aakumi Iterali wonogwe abok aret o Tilo paga kuwak eeko nogogwaarik, Ala inom lambungge menggim awooliya nogo mippereegwaarak kwe,

Yotuwa 21:43

At Aliku ALA nen aakumi Iterali inombomini, “Kinanggween wokkiraagin o,” yinuk, wone abuk nggaruk togon kumbuk mbanogo yoragagerak nogo, abok aret aakumi Iterali wogorage mbareegi, kologo nogogwaarik, time aret ye mbambatinuk, wonogogwaarak.

Yotuwa 21:45

Ndi, at Aliku ALA nen aakumi Iterali mendek obeelom eeppiyoorak wone koonogo pereegerak nogo, ambi mbeyok yuulik abok aret a'me nggilik-nggelok eeppiyareegerak.

Owak Loongga 4:23

Ne ti eyom paga Ala nen it Iterali yeenggwaarage kagak, Iterali mendek nen aap Kanan inowe endagembogut Yabin awuri nogo tebenogo piyareegwaarak kwe,