Nekemiya 9:19 - Ala Wone Peenok Peebi Mbanak

¹⁹ Inabuwa lombok mbareegindak me, o karume time inoorulik teppiige nagagindik, it tu nigiren woraawak nduk, o liingge ndugwi mippege, ndi, it woraawam tu eya paga woraawak nduk, oonikiya ndugwi kani wuninik negen eerogo pege, eerit wage nogo woolik teppereegindak.

Nekemiya 9:19 ပူးပေါင်းရင်းမြစ်များ

Nekemiya 9:12

O liingge ndugwi paga wogoren wage, ndi, it tu woraawam eya paga woraawak nduk, oonikiya ndugwi kani negen wuninogo punuk, wogoren wage, eereegindak o.

Nekemiya 9:27

inom wim mbanak nogo ineenggime piige mbareegin, it inawim nen nonggop eekkoloobok eerogo piigwi iinok, inoone nggwok yokkogo mbareegwa, kat mbogut paga nen konengge nagagindik, inabuwa mbake logonet, inagap ndaka mippiige mbareegin, it inawim ineenggime nen inagap ndako nogogwaarak.

Nekemiya 9:31

kat aakumi inabuwa mbake, kiniki yanggorogon teppiige, eeke menggendak me, kat ninombomini mondok iya inabuwa mbake logonet, lek eerogo piige, eraangge mbo piige, eerulik o.

Ndawi 106:45

Eeppiyoorak wone abuk nggaruk togon Koonogo punuk yoragagerak nogo abeke, Inabuwa nggwok lombok mbake logonet, Iniki kunik aganake nagagerak paga Anini nen eeppiyoorak nogo tayoppege, Eeke nagagerik,

Ndawi 136:16

At lombok nen tu karume paga Apuri lombok wogoren wagagerak me, “Wa,” yogo logonip o. & Ninabuwa mbake ti, itok kunik wonage o.

Wundeegwaarak 40:36

Ala awooliya wurik magame ndugwi lenggenak wonage nogo lagi nanuk, nage kenok, it aakumi Iterali nogo mugurok nogwe,

Wundeegwaarak 40:38

o liingge kenok, Aliku ALA andugwi nogo awooliya wurik magame irimbaga lenggenak wonage, ndi, oonikiya age kenok, ndugwi nogo aret ndi wuninik pogom eya eerogo pege, eeke kagak, it aakumi Iterali yagak-ndagak nugu logonet, kogo nogogwaarak.

Yetaya 44:21

Ala nen ari logonet, “It Yakup mendek ti, an wone yorage yi, abekwi, It Iterali mendek ti, an nayeloman mini aret me, liippugwi, Eeko logowak o. An nen aret ogobakkigirogo piyareegirak me, it an nayeloman mini aret agaarik o. It Iterali mendek ti, an nami eerogo piyaagin lek o.

Leendawi 3:22

Aliku ALA ninabuwa mbake logonet eeppinanege nogo ti, lek aga'lek eeppinanegak mban eeke, Iniki kunik lombok ee'ninake paga ninoorogo pinanega'lek teppinanege, Eeke menggerak ti aret.

Yetikiyen 20:14

yi aakumi ndi aakumi inigen iigak, Iterali wogoren wundi wagagirak ti nen nendage abe nogo maluk agaarak neyookwak, eeriyak kooneegirak nogo lek eerogo pereegirak.

Yetikiyen 20:17

Kumbuk mbaneegirak kwe, nenegen pegiinok it inabuwa mbake nagagirik, o karume time ineebe pup eerogo piige, inenggaawak abu lek eerogo piige, eerulik o.

Yetikiyen 20:22

neenggi awiippatinuk, puk aret agagirak o. Yi aakumi ndi aakumi inigen iigak Iterali wogoren wundi wagagirak ti nen nendage abe nogo maluk agaarak neegwi iyo, eeppiyoorak kooneegirak nogo lek eerogo pereegirak.

Ndaniyen 9:18

Ninogoba Ala wae. It yo'nugwi ti, konenikit o, yinuk, karuk konengge, ndi, kat kendage kumbunuk kota endage yogo menggam maluk agaarak yi, Pekka o, yinuk, kenegen pekkage, eeru o. Nit nggino yokkugwi yi nogo ti, nit aap abe me nduk yokkugwi lek o. Ata, kat ninabuwa lombok mbake logonet eeppinanit wundi wage menggendak me nduk, yokkogo o.

Ndaniyen 9:9

Kat koone ari nogo, Eeriyak nineebi o, yinuk, mbo pogoorak kagak kwe, kat ninogoba Ala ninabuwa mbake logonet, ninomaluk lek eerogo pinanege menggendak o.

Maleyaki 3:6

“Naliku an ALA alik ageelik nitok minggirak o. Alom ti paga it Yakup paga wiganak nogo lek eerogo piiga'lek aret wonogo agaarik o.

Pelaareegerak 8:2

At Aliku kinogoba Ala nen tu karume wokkiren wage logonet, It aakumi yi, Yogop ee'nu ndogop ee'nu, an yorage nogo liirogon porogo wonogwe iyaamun ilik, lek a? yinuk, kinikime nano wonage nogo eenu arikit nduk, kinabut mbangge, kiniki tebenak logomunggup nduk eeppinagage, eeke kagak, tahun 40 aret eereegerak nogo kiniki abe'nip o.

1 Tamuwen 12:22

At Aliku ALA endage abu tiyanak lombok logowak nduk at Aliku ALA nen inikilom kinombake logonet, apuri iniki kundugu lombok eekkinabeegerak me, mbo pinagagin mondok lek o.