Nekemiya 9:13 - Ala Wone Peenok Peebi Mbanak

¹³ Kat puut Tinayi paga wambi wage nagagindik, puut irimbaga tiyarogon nen wone yorage logonet, eekwi ndak-ndak eeppiigo logorak wone yugu inom, abe a'me nggelok mban eeko logorak wone inom, wone lengganak inom, Yogop ee'nu ndogop ee'nu, wone yugu inom, abok aret li'lak eerogo wogoragagindak o.

Nekemiya 9:13 ပူးပေါင်းရင်းမြစ်များ

2 Endagembogut 17:37

Wone lengganak inom, wone yugu eeka'lek iinok aaninggin inoba piigo logorak wone inom, eeko logorak wone inom, Yogop ee'nu ndogop ee'nu, yugu inom, liiru mbanogo wokkiragagirak nogo liirogon porogo logonet, eerit nogo logonip o. Ndi, an nobaane'me kugi alut eeriyak perak, mondok mage o.

Etara 7:6

At Etara nogo eeko logorak wone Iterali inogoba Aliku Ala nen wone yoragagerak Muta liiru mbaneegerak nogo at abok li'lak mamuneegerak me, yi wone ndi wone era'nggup-alom abok aret eenu wonagagerak. At Etara nogo Aliku ogoba Ala eenggi omaawi paga nobapporogo wonagagerak me, woraakit nduk, aap endagembogut nggino yoreegerak nogo at nen abok aret wogoreegerak.

Ndawi 119:137

Kaliku ALA wae. Kat kiniki abe koonak mban menggendak me, Eekaatak ndak-ndak eeppiigo logorak koone yugu ti, Abet mban aret wonage menggerak o.

Ndawi 119:160

Koone ari menggendak abok ti, abet aret o. Eekaatak a'me nggelok eeppiigo logorak wone Koonogo pereegindak nogo ti, Lek arigin lek mondok-mondok aret logogin o.

Ndawi 119:4

Kaliku ALA wae. Eeko logorak koone yugu nogo Liirogon woppunuk eeko logowak nduk, yereegindak o.

Wundeegwaarak 16:23

Yori wogo mbareegwa, at Muta nen it yorage, “At Aliku ALA nen ari logonet, O ko'lu ti, yabu eeka'lek yonggonggologo logonet, an mban nalut eeko logorak nduk, nake leenogo pateegirak me, yogondak mban inambi worakkoloorak inikilom mbakwi kenok worakkologwe, ndi, lakkoloorak inikilom mbakwi kenok lakkologwe, eeppunuk, nonggo logonet, eegu kenok ko'lu noorak ake teppatuwak, yegerak o,” yinuk, yoragagerak.

Wundeegwaarak 20:1

Ala nen eeko logorak wone yoragagerak nogo yi aret o.

Wundeegwaarak 20:22

Ari nage mbareegi, Aliku ALA nen Muta yoge, “Kat nen it aakumi Iterali mendek wone yi yoret o. An Ala mbogut paga nen ari neegaarak nogo ti,

Yetaya 64:1

Ai, nogoba. Kat mbogut paga tu paarogo punuk, keebe aret wura wage keegak, Puut-puut na'ndo-wa'ndo ari kane!

Yetaya 64:3

Iya eeriyak mendek nogo nit nen eeriyak mbaka'lek niigak eeri wambi wagagindak paga Puut-puut na'ndo-wa'ndo eeke nagagerak nogo o!

Abakuk 3:3

Tamban eeke mbareegi, at Ala nogo o Teman nen wage, At Kikak Nakeelik abu obeelom menggerak nogo puut Paran nen wage, At abu tiyanak me, “Wi!” yogwe nogo, o mbogut paga ndak warak wonage, O nggween paga kunduk, at alut eekwi nogo ndak warak wonage, Eerak aret agaarik o.

Oroma 7:16

An eeke minggirak ti, neebi mbake logonet kwe, eeke minggirak kenok, eeke minggirak ti paga, wone Muta yoreegerak nogo ti, “Op aret kagi,” mba'nuk, wone ti aret omaawi eerogo pege minggirak.

Pelaareegerak 33:2

“Kat Kaliku ALA puut Tinayi paga nen wage, O Teyit paga nen eya inoba pindanogo piige, Puut Paran paga nen eya pindanogo nappi wage, Eereegindak o. Iniki kikak naka'lek kake leenak ineebe lingginiyak meek lombok aago wonogwe iigak, Inenggela'me nen wage keegak, Keeben abe'nggan paga kani omoonuk wunuk agan wage keyareegwaarak o.

Pelaareegerak 4:36

Agi mbogut paga nen at oone ari kinaruk konenumunggup nduk, kinaruk wake, ndi, o nggween paga yime nen kinigen kaamunggup nduk, kani omoonuk iya negen wuninogo pege, kani omoonuk enggela'me at oone ari kinaruk konenggwi, eerumunggup nduk, eereegerak kineenu nogo o.

Pelaareegerak 4:8

Ndi, an nen wone lengganak inom, eeko logorak wone inom, a'me aret nggelok ari menggerak kit unde wonogwe nogo, an yogondak kin eerogo mamunggirage yi kokwak, it inanebunu nggwok ngge nen wone togop ambi unde agaarik mbakop? Lek aret o.

Pelaareegerak 5:4

Kani wunuk ari enggela'me at Aliku ALA puut paga nen kinom kinengga kunna'nuk wone mbaneegerak nogo o.