Nekemiya 9:10 - Ala Wone Peenok Peebi Mbanak

¹⁰ Eeke nagagindik, it Metit mendek nen iniki wogoppako logonet, ninombomini eeppiigo nogogwaarak nogo kat keenu me, aap endagembogut Pirawun inom, at inom eeko menggaarak inom, at o unde menggim aakumi abok aret inom, eerubok mendek eeppiige, inagabiti aruwak nduk eeppiige, eereegindak paga kendage wigak yereegerak me, o yogondak wonage aret o.

Nekemiya 9:10 ပူးပေါင်းရင်းမြစ်များ

Nekemiya 9:16

Ti eereegindak kwe, it ninombomini nen kat, Yogop ee'nu ndogop ee'nu, yoragagindak nogo eeko logolik. Inanobak yugum pogom a'nuk, wogoppako logonet,

Nekemiya 9:29

Eeko logorak wone lengganogo yorage nagagindak mbo pereegwaarak nogo, yungguninuk mugurok nawak nduk, kurumbi yorage keegak kwe, iniki wogoppako logonet, Yogop ee'nu ndogop ee'nu, yoragagindak nogo, Eeriyak nineebi o, yinuk, yogwe, ndi, eeko logorak wone nogo eekwi iinok, ineenik logorak op kwe, taganogo punuk, maluk eerit nogwe, inanobak yugum pogom a'nuk, koone koneniyak, Nineebi o, yinuk, inogogumbuk logonet, inambokan mbo pagagwi, eereegwaarak wonogwe iigak,

Ndawi 83:18

Kat kendage ti, Kaliku ALA aret ineenu ogwe, Ndi, o nggween paga yime abok aret kat kalik Tiyanak Lombok Menggendak liippagagwi, Eeruwak nduk, eeppiyet o.

Wundeegwaarak 18:11

It aakumi Metit mendek iniki wogoppako logonet, aakumi Iterali eeppiigo mbareegwa, at Aliku ALA nen eeppiyareegerak ti paga, yi kugi ndi kugi inomaawi lek tebenak iigak, Aliku ALA alik mban omaawi ambik menggerak neenu agi o.”

Wundeegwaarak 3:20

an neenggi omaawi paga eerubok mendek eeke logonet, it Metit mendek alik negen yigirogo inooke neenok perak, teppinagamenggerak wundi woraamunggup o.

Wundeegwaarak 5:2

Yogo mbareegwa, Pirawun nen ari logonet, “Aliku ALA ti, ta me nduk at oone konembunuk it Iterali ti nappiyoorak yogop? Aliku ALA ti, an abu neenggo'lek o. Ndi, aakumi Iterali nawak nen teppiyaagin mondok lek mban.”

Wundeegwaarak 7:1

Yoge mbareegi, at Aliku ALA nen Muta yoge logonet, “Kat Pirawun enggaanom paga an nen kat Ala negen eerogo pagage, ndi, it aap an nen yorage neegak yorogo mengga kwak koweeluk Karun ti, togop aret yoge keegak yorage, eeko logomunggup nduk, eeppinagagin o.

Wundeegwaarak 9:16

an nomaawi inom, nendage inom, yi aakumi ndi aakumi o nggween paga yime wonogwe nogo abok aret ineenu arit nogo logowak nduk, at eenik teppege agarik o.

Yetaya 42:20

Yi eekak ndi eekak arit wage ambik aret inigen kogo menggaarak kwe, liippega'lek wonogwe, Yi wone ndi wone inaruk ambik konenit wogo menggaarak kwe, inaruk logu negen eeppunuk wonogwe, Eeko agaarik o,” yinuk, yegerak me, yokkiragi o.

Yetaya 63:12

At eenggi omaawi ayuk warak nogo paga Muta panggombege kagak woraawak nduk nappi wage, Endage mondok-mondok wiganinuk nawak nduk, inenggaanom paga niyo mogonogo piige,

Yetaya 63:14

Tapi iri'ngga abe mbanogo nunggwi iinok, kobappaga yonggonggolaawak nduk piya wambi wogo mengga kwak, Aliku ALA Aberiniki nen o yonggonggologo menggam piya wage, Aliku ALA endage abu abe me, tiyappuwak nduk, apuri togop aret ndegeninake, Eereegerak nogo abereegwaarak.

Yeremiya 32:20

Aa'nduk o Metit paga ineenu agak iya eeriyak mendek inom, eerubok mendek inom, eerit wundi wagagindak nen nok, o yogondak yi kuli it Iterali inenggela'me inom, it aakumi abok inenggela'me inom, eeke yi paga o yogondak kendage wigak yegerak yi aret o.

Yetikiyen 20:9

Ti koonogo pereegirak kwe, yi aakumi ndi aakumi inenggaanom paga an nen it Iterali o Metit nen wogoren wundi woroorak wone yereegirak me, yi aakumi ndi aakumi it inom wonogwe ti nen an nendage abe nogo maluk eerogo pukwak, koonogo pereegirak nogo eerulik mbo punuk,

Ndaniyen 4:37

At mbogut paga time endagembogut menggerak nogo, eeke menggerak abok aret abe mban eeke, at eerit nage nogo a'me nggelok mban eerit nage, iniki wogoppakwi iinok tebenogo piige, eeke menggerak me, yogondak an Nebukanetat nen at ayuk wuke, alut eeke, endage tiyappege, eeke agarik o.

Ndaniyen 5:23

Tebeppatiyak op kagak kwe, at mbogut unde menggerak enggaanom paga kat nogoba kiniki tiyappake logonet, niyo toologo nenggak abe Ala awi wurik me menggerak kugun wogo nogo, Wonok woraanip o, yoragandak wonok kiri wogo mbaka, kat inom, kawuri nagawan-nagawan inom, kakuwi abe wogo inom, luulu wogo inom, niyoowak ti paga anggur amburu toologo nonggotak o. Nonggo logonet, kat keenik logorak a, kambuurak a, yinuk, koonogo pagage, kat eerit nage logorak nogo, Op eeriyak o, Eeriyak lek o, yinuk, yokkege, eeke menggerak Ala nogo, ayuk wurogo alut eeriyak op kwe, eeka'lek logonet, kat kagugi mbuti perak paga, emas paga, tembaga paga, mbuti owak paga, eyo paga, yugum paga, ogut aago nogo nen inigen kogwe, inaruk konenggwi, yi wone ndi wone liippugwi, eekulik kagak inalut eeke menggendak o.

Ndaniyen 9:15

Togop me, ninogoba Ala wae. O Metit nen keenggi omaawi paga kapuri nit wo'niren wundi wagagindak o. Ndi, ti eereegindak paga kendage wigak yereegerak me, yogondak awo wigannarit nage kagak kwe, nit maluk eerit wundi wogwe, koone yugu taganogo mbo pugwi, eereegurak o.

Nappiigak 7:36

At nogo, ninombomini o Metit nogome nen wogoren wundi wage logonet, o Metit nen, yi yenggenak Merah ambet paga nen, karume time nen, eerubok mendek eeke, ineenu ariyak inagabiti warak mendek eeke, eerit wage kagak, tahun 40 eereegerak.

Oroma 9:17

Ala nen at Pirawun nogo yoge logonet, “Kat eeppagage nogo paga nomaawi lombok kogwe, ndi, an nendage ineenu a'nuk, yi awi ndi awi wiganit nogwe, eeko logowak nduk, kat mippagareegirak o,” yinuk, yoreegerak liiru mbanak nogo wonage me,

Pelaareegerak 7:19

At Aliku kinogoba Ala nen wokkiren wundi wage logonet, aakumi Metit mendek ti, anggon-panggon iya tit eeppiige, ineenu agak inagabiti aruwak nduk agago piige, tam warak mendek eeppiige, eenggi omaawi paga eeppiige, eenggi titik eeke kenok eeppiige, eeke kit kinigen abe nen kogogutak nogo o. Ti eereegerak pogom, at Aliku kinogoba Ala nen it aakumi inanebunu lombok kit kinagabiti mbakwi nogo abok aret ndak-ndak eerogo piyaagin o.

1 Peterut 5:5

Togop me, kit aap tawe nen eeko logorak wone ambi yokkira o. Kinogobamini nen inoone yokkirogwe iinok, kinaruk liirogon konembunuk eeko logonip o. “It aakumi iniki wogoppako menggaarak kenok, Ala nen tebenogo piige menggerak kwe, Iniki tebenak wonogwe iinok perak, Inabuwa nen obeelom eeppiige menggerak o,” yinuk, yereegerak Ala wone liiru mbanak wonage me, kit abok aret kiniki tebenak logonet, yeenggwa-yeenggwa eeko logonip o.