Nekemiya 9:1 - Ala Wone Peenok Peebi Mbanak

^1-2 Tanggal 24 tut ti paga it aakumi Iterali mendek mban wiganak mendek nen it aakumi alik mendek inom ogookkologo nogogwaarik, kuwak eeppunuk, inambe mage negen logonet, inayum nibinik maluk mendek yikkologwe, purok inanobak paga yikut eekwi, eeko nogogwaarik, inobaane'me lombok mi'na'nuk, “Ninombomini maluk aret eeko nogogwaarak me, nit kunduk, maluk aret eeko nogoorak o,” yinuk, paganeegwaarak.

Nekemiya 9:1 ပူးပေါင်းရင်းမြစ်များ

2 Tamuwen 1:2

ko'lu nen aap ambi at Tawun awuri inom inawooliya wuppunuk wonogwe me nen ayum nibinggolage, nggween waganogo anobak paga labunggolage, eeppatinuk, Ndawut owagam ari nage nagagerik, enete nggween paga wanduk ari logonet, ayuk wureegerak.

2 Mbinineegwaarak 20:3

Ti yogo mbareegwa, at Yotapat nogo iniki abu lek age nagagerik, “Ninambe mage negen logonet, Aliku ALA yogwi niinok, yo'niraawak o,” yinuk, koongge nagagerik, it aakumi Yekura mendek abok aret yoragagerak.

2 Mbinineegwaarak 7:10

Kuwak eeko mbareegwa, tut 6 penembunuk, ambi penenak tanggal 23 tut ti paga at Talomo nen, “Kiname nanip o,” yinuk, it aakumi nogo iname nappiyareegerak. Nappiyareegerak nogo logonet, “At Aliku ALA nen aap Ndawut inom, at Talomo inom, nit at apuri Iterali mendek inom, mondok iya lombok obeelom eeppinanegi o,” yinuk, iniki ale'nggen mbakwi, keyage wakwi, eerit iname nogogwaarak.

Etara 8:21

Wogo mbareegwa, niyo Akawa mbininik aa'nggi paga time logonet, ninogoba Ala enggaanom paga niniki tebeppatinuk, nit inom, ninapuri inom, ninamindik-ninamendek inom, abok aret at Ala nen, Tu obeelom ndegenniren woraawak nduk, mbi nengga'lek ninambe mage negen logonet, Ala nggino yoruwok o, yinuk, yoragagirak.

Etara 8:23

nit mbi nengga'lek ninambe mage negen logonet, ninogoba Ala mban nggino yoreegurak nogo aruk koneneegerak.

Nekemiya 8:2

Yogo mbareegwa, tut 7 penenak tanggal 1 paga it kuwak ari wogogwaarak aap inom, kumi inom, it wone op woorak abok aret inom, inigen iigak, aap Ala unde Etara nen eeko logorak wone yugu liiru mbanak nogo wonok wage nagagerik,

Etet 4:16

“It aakumi Yakuri mendek o Tutan wonogwe nogo abok aret kuwak eeppiya nage logomenggendik, ko'lu-kii'me niyo inom, mbi inom, nengga'lek kinambe mage negen logonet, an nake tamban eekwi kiigak, nogo kenagan yumunggup o. Ti eekwi kiigak, an togon, it an ndegennako menggaarak kumi tawe togon, togop ndak-ndak aret eeko logogun o. Eeko logomonggoorik, wone yugu nogo an taganogo punuk, aap endagembogut owagam unggwi naminggirak me, Kambuwak o, yo'nugwi iinok ti, an kambuurak op aret o,” yinuk, wone eerogo nappereegerak.

Etet 4:3

Ndi, aap endagembogut nen wone lengganogo wumbereegerak nogo yi o ndi o yorenet nogwe iinok, it aakumi Yakuri mendek abok aret inaruk konenggo nogogwaarik, iniki aaninggin nduguk yinuk, mbi nengga'lek inambe mage negen logonet, le yogwe, leenggu maakwi, it ando apit nen inayum nibinik mendek yippatinuk, wun paga nden-wan yogwe, eereegwaarak.

Ayup 2:12

Ka wogo nogogwaarik, tayorogon nen inigen nakka woraanuk, “Yi Ayup aret ilik?” yinuk, at eebe liippuurak meek aret mbareegi, inayum nibinogo pakwi, wun inanobak irimbaga yumbunogo nippugwi, eeko nogogwaarik, inoone nggwok paga le yereegwaarak.

Yetaya 22:12

Ne ti eyom paga kit le yogwe, leenggu maakwi, Kineeruwak wiirogo nappugwi, purok yikut eekkologwe, Ee'nip o, yinuk, Nomaawi Lombok Minggirak Naliku inogoba an Ala nen yoragagirak kwe,

Yowen 2:12

Aliku ALA nen ari logonet, Ne yogondak yi aret inambe mage negen eeppunuk leenggu maakwi, Iniki wakkologwe, eeko logonet, Iniki mbere lek ambit eeppunuk, iniyokan yungguninuk, an neya wogo logowak o, Yinuk, yegerak o.

Ala Unde 23:39

Togop me, tut 7 penenak tanggal 15 paga yi mendek ndi mendek anggen kole aremenggerak mbanogo iname mambunuk, laago eyo engga kalenogo inawooliya wukko'net wogogwaarak aberogo Naliku ALA nalut eeko logonet, inale'nggen paga lakwi iigak, ne 7 aret ari nawak o. Ti eeko logonet, ne iyaalok inom, ti'nuk, nogo 7 yinuk, ko'lu inom, yabu eeka'lek tat yonggonggologo logorak eyom aret me, yabu eeka'lek tat yonggonggologo logowak o.

Yotuwa 7:6

Inoori wogo mbareegwa, at Yotuwa inom, it aakumi Iterali inoweewi inom, nogo nen inayum nibinik-ndelenak eerogo pakwi, wun waganogo inanobak paga yumbunogo pakwi, eeko nogogwaarik, Aliku ALA aloobut mbanak enaame taati inetenggen wanduk ngginnogogwaarak wonogwe iigak, o aret kiip agagerak.

Wayu 11:3

Ndi, it aap ineebe mbere noone yorogo logowak nduk, nappiyaminggirak nogo nen aakumi iniki puru yogo logonet, inayum nibinik maluk mendek yiko mengga kwak yirik logonet, an noone yorogwe iigak, nogo seribu dua ratus enam puluh yogo logogun o,” yinuk, yo'nege kagarak.

Owak Loongga 20:26

Mbanogo piigo mbareegwa, Iterali nogo abok o Mbeten woraanuk, Aliku ALA enggaanom paga inambe mage negen a'nuk, leenggu maakwi iigak, o kiip age mbareegi, Aliku ALA enggaanom paga ake warogo kani kunggwi, Aliku ALA inom lambunik logowok nduk, at ake warogo wogogwi, eereegwaarak.

1 Tamuwen 4:12

Eeko mbareegwa, ne ti eyom paga aap anebunu Mbeniyamin mendek ambi nen ayum nibinogo pege, anobak paga nggween labuk-mbabuk eerogo pege, ee'nuk, wim nambukwi me nen mbe agan o Tilo wage nagagerik,

1 Tamuwen 7:6

Yorage mbareegi, it apit aret o Mitapa taati kuwak ari nogo nogogwaarik, niyo toologo Aliku ALA enggaanom paga kilirogo punuk, ne ti eyom paga inambe mage negen logonet, “Nit at Aliku ALA maluk nggwok eeppogoorak o,” yinuk, paganggo nogogwaarak. O Mitapa inomaluk paganggwi iinok, at Tamuwen nogo nen aret inowak loonogo, “Yogop ee'nip o,” yinuk, yorage nagagerak.