Nekemiya 8:9 - Ala Wone Peenok Peebi Mbanak

⁹ Ndi, eeko logorak wone yugu liiru mbanak yorogwe nogo inaruk konenggo nogogwaarik, le yogo mbareegwa, it aap o unde menggerak inowe Nekemiya inom, aap Ala unde liiru mbangga Etara inom, it Lewi mendek nen it aakumi wone mamunirogwe nogo inom, nogo nen it aakumi abok aret yorogo logonet, “O yogondak yi ti, Aliku kinogoba Ala ake punik aret me, kit kiniki puru yogo logonet le yogwe ti mage o.”

Nekemiya 8:9 ပူးပေါင်းရင်းမြစ်များ

2 Endagembogut 22:11

Aap endagembogut ake liiru mbangga Tapan nen wone eeko logorak Ala yereegerak mbuku paga liiru mbanak mbinineegerak nogo, aap endagembogut aruk konengge nagagerik, ayum nibinogo pateegerak.

2 Mbinineegwaarak 15:3

It Iterali nogo Ala lek alik kagak mugurok nogwe, aap Ala unde nen mamuniroorak inenggela'me lek aret wonogwe, ndi, eeko logorak wone yugu liiru mbanak nogo pekkaga'lek wonogwe, eekwi iigak, yi tahun ndi tahun eereegerak kwe,

2 Mbinineegwaarak 30:22

It aap Lewi mendek abok aret Aliku ALA ake eeko logorak nogo iniki warak lombok logonet, eekwi at Kitikiya nen iige nagagerik, “Op lombok eekotak o,” yinuk, wogoppiyareegerak. Ndi, Ala ake warogo wogogo logonet, Ndi mendek mbanak kenok Lewi mendek inake wogorogo logorak, yugu nogo ndak-ndak nunggwi, Ala inom lambunik logorak ake warogo wogogwi, eeko logonet, inombomini inogoba Aliku Ala, “Wa,” yinuk, alut eekwi iigak, nogo 7 yereegwaarak.

2 Mbinineegwaarak 34:19

Aap endagembogut ake liiru mbangga nen eeko logorak Ala yereegerak mbuku paga liiru mbanak mbinineegerak nogo, aap endagembogut aruk konengge nagagerik, ayum nibinogo pateegerak.

2 Mbinineegwaarak 34:21

“Ninombomini nen Aliku ALA yereegerak nogo konembunuk eekwi, nit eeppinaniyak mbuku kwaakkogoorak yi paga mbanak wonage nogo it ndak-ndak eerulik muunogo mbo pugwi, eereegwaarak paga Aliku ALA anini mondok alik negen ninoba pinanege me, an inom, aakumi Iterali piinok nogogwaarak ninom wonogwe inom, aakumi o Yekura paga wonogwe inom, ninake Ala yereegerak mbuku kwaakkogoorak yi paga liiru mbanak nonggop yo'nirage nogo, Aliku ALA nen yokkiraawak nduk, yori nanip o.”

2 Mbinineegwaarak 35:3

It aap Aliku ALA ake leenak logonet, it Iterali abok aret mamuninako menggaarak aap Lewi nogo yorage logonet, “Ala aloobut mbanak alik leenak ti, kit nen eewu'nuk ambime pegak eeriyak mage o. Ata, aap Ndawut aput Iterali inowe endagembogut Talomo nen o wurogo pereegim time aret logowak nduk, pinip o. Pogo logomonggotik, Aliku kinogoba Ala ake eekwi, at apuri Iterali inake eekwi, eeko logonip o.

Etara 2:63

Teppiigo mbareegwa, aap o Yekura unde inowe nen ari logonet, “Aap Ala unde ambi nen yugum Urim-Tumim paga yelok koorak nduk, nggino yoriyak waga'lek kagak, it aap ti, Ala ake pugu nonggo logorak lek o,” yinuk, yoragagerak.

Etara 7:11

Wone, “Yogop ee'nu ndogop ee'nu,” yugu inom, at Aliku ALA nen Iterali wone lengganogo yoragagerak inom, era'nggup-alom abok aret eenu me, mamuniraga Ala unde Etara nogo aap endagembogut Aratakata nen liiru mbanogo wogoreegerak eebe nogo yi aret.

Nekemiya 10:1

Wone koonogo pogo nogogwaarik, ineenggi amburu pereegwaarak inendage yi o. An o unde minggirak Kakaliya aput Nekemiya inom, it Ala unde menggaarak Terekiya,

Nekemiya 7:65

Teppiigo mbareegwa, aap o unde inowe nen ari logonet, “Aap Ala unde ambi nen yugum Urim-Tumim paga yelok koorak nduk, nggino yoriyak waga'lek kagak, it aap ti, Ala ake pugu nonggo logorak lek o,” yinuk, yoragagerak.

Nekemiya 7:70

It ndarak ndegek inoweewi ando nen yabu eeriyak ake pereegwaarak. At o unde menggerak inowe nogo nen wu mbuti emas aaninggin 9 negen inom, niyo kilirogo pit nagak togolowak 50 inom, aap Ala unde inayum yirikak lima ratus tiga puluh inom, pogo menggam logowak nduk, wogorage,

Nekemiya 8:2

Yogo mbareegwa, tut 7 penenak tanggal 1 paga it kuwak ari wogogwaarak aap inom, kumi inom, it wone op woorak abok aret inom, inigen iigak, aap Ala unde Etara nen eeko logorak wone yugu liiru mbanak nogo wonok wage nagagerik,

Wone Alom Kibingga 3:4

Leenggu maariyak eyom wonage, i'ndok kambuurak eyom wonage, Iniki puru yuurak eyom wonage, kwirabik-kwirabok yuurak eyom wonage,

Oteya 4:6

Ndi, it an napuri kunduk, neebe liippanega'lek me, ineebe lek aret arugun o. It neebe unde nen an liippaniyak wone nogo, it yoraga'lek mbo pereegwaarak paga an nen it mbo piige, Eeko logorak wone an inogoba Ala nen yoragagirak nogo, Mari eerogo pereegwaarak paga an nen it inapuri liippiyaagin lek mbo piige, Eerigin o.

Ala Unde 23:24

“It aakumi Iterali wone yoroorak nogo yi aret. Tut 7 Penenak tanggal 1 paga ari wage kenok, tat yonggonggologo logonet, kuwak eeppunuk, nalut eeriyak ake leenak nogo aberuwak nduk, oone nggwok eeka trompet nogo oone pu kunik-kunik eeke kenok,

Maleyaki 2:13

Ndi, ambi eekwi kiigirak nogo ti, at Aliku ALA ake warogo wogogo menggaarak eerak nogo paga kinale amburu paga miin nggulu eerogo pogo monggotak. Pogo logonet, Nit Aliku ALA wogori wogwe nogo liippege, nineenggi lombok paga nen iri wogwe kwe, ale'nggen nen wagangge, eeka'lek o, yinuk, le yogwe, kiniki wakkologo logonet, leenggu maakwi, eeko monggotak o.

Oroma 3:20

Togop me, Ala nen wone lengganogo Muta yoreegerak eekwi paga Ala nen, “Kat aap obeelom aret o,” yinuk, yigin lek aret. Ata, “An maluk eeke minggirak aret kagi,” yinuk, yelok kogo logowak nduk, lengganogo Muta yoreegerak o.

Oroma 7:9

Aa'nduk ti, Ala nen wone Muta yoreegerak nogo, an neenggo'lek logonet, ninikiigun teeluk nege nagagirak kwe, wone, “Eeriyak mage,” yugu nogo kin age mbareegi perak, maluk eeriyak ee'nake alom nogo ninikime pilak ari nagagerik, noorogo negen paneegerak o.

Pelaareegerak 12:12

Pi nogo logonet, kit inom, kinapuri wologwe-komologwe inom, kinayeloman kumi-aap inom, aap Lewi mendek yate kokwak nggween mbanak ambi unde arugun lek kinenggela'me kinom logomunggup nogo inom, abok aret at Aliku kinogoba Ala enggaanom kiniki ale'nggen paga aret eeko logomunggup o.

Pelaareegerak 12:7

At Aliku kinogoba Ala ale'nggen kinoba pinagage kagak, yi mendek ndi mendek kineenggi paga nen eerumonggotak nogo obeelom eerigin me, at Aliku kinogoba Ala enggaanom paga time nen kinakuwi-kinapurilogwe kinom kiniki ale'nggen paga nonggo logomunggup o.

Pelaareegerak 16:11

Pi wogo logomonggotik, kit inom, kinapuri wologwe-komologwe inom, kinayeloman mini kumi-aap inom, aap Lewi mendek kinawi kota kinom logogun nogo inom, aap nggiru inom, elege moono inom, kumi nanu kinom logomunggup nogo inom, abok aret at Aliku kinogoba Ala nen, O yime nen mban nendage ki logowak o, yinuk, leenogo patemenggim at enggaanom paga time nen kinale'nggen paga laago lako logomunggup o.

Yakobut 4:9

Kiniki puru yogo logonet, le yogwe, leenggup maakwi, eeko logonip o. Kit i'ndok kanggwi, kinale'nggen yogwe, eekwi ti mbo punuk, kiniki puru yogo logonet, leenggu maako logonip o.