Nekemiya 8:6 - Ala Wone Peenok Peebi Mbanak

⁶ Mbiningge nagagerik, “Kaliku Ala mondok nggwok kat aret o,” yinuk, alut eeke kagak, it aakumi abok aret ineenggi nippunuk, yogo logonet, “Abet aret o. Abet aret o,” yinuk, inendobanggun yindumbunuk, inetenggen nggween paga wanduk yagak yogo logonet, Aliku ALA alut eeko nogogwaarak.

Nekemiya 8:6 ပူးပေါင်းရင်းမြစ်များ

Wakkagagerak 14:22

Yoge mbareegi, at Abaram nen wone onggo yoge logonet, “Kat nen, An namendek waganggerak paga aap Abaram nogo eenggi warak aga o, agan nege logokwak me, at mbogut-nggween wakkagagerak Agi Mondok Tiyanak Menggerak Ala nogo enggaanom paga abu aret kumbuk mbanggirak me, kat kamendek ti, yi mendek ndi mendek mbuulogwe we ligiwut logwe nduk, an ambi waagin abu lek aret o.

Wakkagagerak 24:26

Ari mbareegi, at Abarakam ayeloman nogo endobanggun yindumbunuk, “Kaliku ALA wa,” yinuk, alut eereegerak.

1 Mbinineegwaarak 16:36

Iterali inogoba Aliku Ala ti, Aa'nduk nen nok age yobok kuli Endage mondok-mondok tiyanak menggerak me, Alut eekak mban yogo logowok o,” yinuk, ari mbareegi, it aakumi abok aret, “Ti abet aret yagan o,” yinuk, Aliku ALA alut eereegwaarak.

1 Mbinineegwaarak 29:10

At Ndawut nen aakumi kuwak eerak nogo abok inenggaanom paga Aliku ALA alut eeke logonet, “Kaliku nogoba ALA wa! Ninombo Iterali ogoba kat aret o. Aa'nduk nen nok, peebi kuli, Kendage mondok-mondok tiyappogo logowak o.

1 Mbinineegwaarak 29:20

Tamban eeke nagagerik, at Ndawut nen aakumi apit kuwak aago nogo yorage logonet, “Aliku kinogoba Ala endage tiyappogo logonip o,” yorage mbareegi, it aakumi abok nen inombomini inogoba Aliku Ala endage tiyappogo logonet, abu'me tebe yinuk, alut eekwi, inowe endagembogut abu'me tebe yinuk, ayuk wukwi, eereegwaarak.

2 Mbinineegwaarak 20:18

Yorage mbareegi, aap Yotapat endobanggun yindumbunuk, etenggen nggween paga wanduk yinuk, Aliku ALA alut eeke mbareegi, it aakumi Yekura mendek inom, Yerutalem mendek inom, abok aret Aliku ALA abu'me tebe yinuk, alut eereegwaarak.

2 Mbinineegwaarak 29:10

Togop aret eereegwaarak me, at Aliku ALA anini kani kunik negen ninoba pinanege yi, tayo yuwak nduk, at Iterali inogoba Aliku Ala ninom wone abuk nggaruk togon koonogo puurak mbakirak me,

2 Mbinineegwaarak 29:30

Ayuk wuko nogogwaarik, aap endagembogut Kitikiya inom, at inom eeko menggaarak inom, nen it Lewi mendek yorogo logonet, “At Ndawut inom, abinggaanggo kaga Atap inom, nen ndawi pereegwaarak nogo paga Aliku ALA alut eeko logonip o,” yorogogwaarak ndawi wakwi iigak, it abok aret inale'nggen nen Ala endage tiyappugwi, inendobanggun yindumbunuk, ayuk wukwi, eereegwaarak.

2 Mbinineegwaarak 6:4

“At Aliku aakumi Iterali inogoba Ala oone lombok paga nen nogoba Ndawut koonogo yoreegerak nogo, at nen aret a'me nggelok togon eerogo pereegerak me, endage tiyappuwok o. At Aliku ALA nen ari logonet,

Nekemiya 5:13

Kumbuk mbanggo mbareegwa, an nayum nggorek yungguk-pangguk eerak nogo, yumbuk-yumbuk eeke logonet yorage, “Aap ambi wone yegerak yi, ndak-ndak eeka'lek kenok, yum yungguk-pangguk eerak yumbuk-yumbuk eekirak ti kokwak, at Ala nen aap ti togop aret eeppege logonet, ame nen wumbege, anggween paga nen mugogo nappege, eerigin aret o.” Yorage mbareegi, it kuwak eeri wogogwaarak abok aret, “Abet aret yagan o,” yinuk, Aliku ALA alut eereegwaarak. Eeko nogogwaarik, wone yereegwaarak nogo ndak-ndak eeko nogogwaarak.

Nekemiya 8:7

Eeko nogogwaarik, inobaane'me lombok mi'na'nuk wonogwe iigak, it aap Lewi mendek Yetuwa, Mbani, Terebiya, Yamin, Akup, Tabetayi, Koriya, Maateya, Kelita, Atariya, Yotabat, Kanan, Pelaya nogo nen eeko logorak wone yugu liiru mbanak nogo mamunirogo logonet,

Ndawi 134:2

At awi wurik alik leenak menggim nen kineenggi nippugwi, Nippunuk, Aliku ALA tiyappugwi, Eeko logonip o.

Ndawi 141:2

Obari abe kaga kani kunggwi iinok, Kale'nggen mbake menggen kwak, An tamban eeke nogo ti, karuk konengge, O kiyoma age paga ndomba warogo kani kunggwi iinok, wagangge menggen kwak, Neenggi nippunuk yokkege nogo liippanege, Eerumunggun o.

Ndawi 28:2

“Yeenggwa niru o,” yinuk, noone nggwok yokkege, Mage Lombok Menggim pa'nggwe neenggi nappege, “Nabuwa mbaru o,” yinuk, tamban eeke, Eeke neegak, Karuk konengge logot o.

Ndawi 41:13

Togop aret me, Iterali inogoba Kaliku ALA nogo o! O aa'nduk nen, yogondak nen nok, peebi nen Mondok-mondok kendage tiyanak aret logowak o. Abet aret yagi o. Abet aret yagi o.

Ndawi 63:4

An kambuurak kuli ari nage kagak, tiyappagit nage, Neenggi nippege logonet, “Nogoba Ala o,” yinuk, nggino yokkege, Eeke logogin o.

Ndawi 95:3

Aliku ti, mondok nggwok Ala aret wonage, Aakumi inagugi abok aret inirimbaga at endagembogut abu tiyanak aret wonage,

Wundeegwaarak 12:27

kit nen onggo yorogo logonet, At Aliku ALA nen aakumi o Metit mendek inapuri manggu ndarak kenok inoorit nage logonet, nit Iterali mendek niname o Metit wonogwe nogo ninili eerogo teppinaninuk, ninobaga mbo nagagerak eyom kenok, abeko logonet, Aliku ALA ake ndomba yi warogo lako ogoorik o, yinuk, yorogo logomunggup o,” yinuk, yoragagerak. Yoragagerak nogo yorogo mbareegwa, it aakumi Iterali nogo inendobanggun yindumbunuk Ala alut eereegwaarak.

Wundeegwaarak 4:31

it aakumi Iterali yo'nggok nogo nen, “Aaninggin-paaninggin ninoba pinanege nogo, Aliku ALA nen enegen niige nagaarik, koonggerak kogo o,” yinuk, iniki abet mbako logonet, inendobanggun yindumbunuk, alut eereegwaarak.

Yeremiya 28:6

“Abet aret yagan o! Yagandak ti, Aliku ALA nen togop aret eeruwak o! At Aliku ALA nen yokkege kagak, yo'niragandak nogo a'me aret nggelok ari logonet, yi mendek ndi mendek Aliku ALA awi wurik me eekak inom, it aakumi piya nogogwaarak nogo inom, abok aret o Mbaben nen wogoren o yime piya woraawak o!

Leendawi 3:41

At Ala mbogut paga wonage me nineenggi nippugwi, niniki wogogwi, eeppunuk, at yogo logonet,

Ala Unde 9:24

enggela'me nen kani omoonuk wunuk agan wundi wage logonet, ake warak kani nawak nduk kani kunggo menggam pugu nogo inom, amok leenak pugu nogo inom, abok aret ne ambit wunuk togon nengge it aakumi nogo inigen kogo nogogwaarik, inale'nggen nen keekok yogo nogogwaarik, inendobanggun yindumbunuk, alut eereegwaarak.

Matiyut 26:39

Yoraanuk, nirurogon nage nagagerik, enete wanduk togon nggween paga ngginna'nuk, Ala yoge logonet, “Ai, nogoba. An ee'naburak yiiwa'na toolak kwak yi, noorak lek teppaniyak op mbake keenok, teppanu o. Ndi, lek kenok, an niniki mbake eerigin ti lek o. Ata, kat kiniki mbake aret eerigin o,” yinuk, tamban eereegerak.

Matiyut 6:13

Ninabut mbanuwak nduk, pinani nagun o. Ndi, at abu maluk mendek nogo nen maluk ee'ninake kero, ninagap ndaru o. (Kabu'me piinok menggenom arum wonage, Komaawi ambik lombok wonage, Kat mondok tiyanak wonage, Eerak menggendak me, Yogondak inom, peebi inom, lek arigin lek mondok-mondok aret logogin o. Amin.) yinuk, yogo logonip o.

1 Korindut 14:16

Ala alut eeko logonet, kiniki abe'naga'lek kagak, ambi inoone lalin negen woppunuk, tamban eekwi kiinok, it aakumi ando kinom kuwak eeppunuk, tamban eekwi nogo, kat ari it kobak ariyak me, nonggop togon, “Abet aret yigi o,” yinuk, “Amin,” yugun mbakop?

Epetut 1:3

Ala wonage menggim mbogut paga mendek eeppinaniyak mbake menggerak nogo mendek abok aret, Keritut ninom kumbinaneegerak paga nen eeppinanege me, ninowe Yetut Keritut ogoba Ala mondok alut eeko logowok o.

1 Timotiyut 2:8

Togop me, it aap yi awi ndi awi abok aret inanini mbakwi, wone wakwi, eeka'lek obeelom mban logonet, ineenggi nippunuk, tamban eeko logowak nduk, “Ao!” lombok inombake minggirak.

1 Peterut 1:3

At ninowe Yetut Keritut ogoba Ala nen ninabuwa nggwok lombok mbake nagagerik, obeelom eeppinanege logonet, at Yetut Keritut kambunuk nogo menggam nen eenik agago mippereegerak nogo paga ninake punik nineyate kokwak pili age, yi'mbaani kungge, lek age, eekeelik mondok mbogut paga pinanogo wonage niniki lunik wonogwe nogo, kola nawok nduk, niniki ngget nda'ninabeegerak me, “Ninogoba Ala wa,” yinuk, endage tiyappogo ogoorik o.

Wayu 7:11

at wone lengganogo yorage menggim inom, it mbogut paga wonogwe inoweewi ineebe 24 nogo inom, it aakumi nen iigulik mendek ineebe 4 nogo inom, oolo wonogwe iigak, it malayikat yendok-wandok aago mi'ndak wonogwe nogo abok aret at wone lengganogo yorage menggim kwi'ndak wonage nogo, abu'me tebe yinuk, Ala alut eeko logonet,