Nekemiya 8:14 - Ala Wone Peenok Peebi Mbanak

¹⁴ Kuwak ari wogo nogogwaarik, it eeko logorak Aliku ALA nen Muta yoge kagak liiru mbaneegerak nogo pekkogo logonet, “Tut 7 penenak paga it Iterali abok aret inawooliya wuppatinuk logonet, laago lakwi,

Nekemiya 8:14 ပူးပေါင်းရင်းမြစ်များ

Wakkagagerak 33:17

Nage kagak, at Yakup nogo perak, o endage Tukot wage nagagerik, nogome logonet, at logorak awi wuke, at aanggumi logorak inawi wuke, eeppunuk wonagagerak me, o nogo endage Tukot aret yogo nogogwaarak.

Etara 3:4

Ti eeko logonet, liiru mbanak nogo ndak-ndak laago endage Ooliya-Ooliya Wurit Wogogwaarak nogo aberogo inale'nggen nen lakwi, ndi, “Ne ti paga ari wage kenok, kinaanggumi ndi kuli warogo Ala ake kani kunggo logomunggup o,” yugu nogo ndak-ndak aret ko'lu-kii'me warogo ake kani kunggwi, eeko nogogwaarak.

Nekemiya 8:13

Tut 7 penenak tanggal 2 paga aap ndarak ndegek inoweewi inom, aap Ala unde inom, it Lewi mendek inom, eeko logorak wone yugu liiru mbanak nogo liirogon mamunggolaawok nduk, at liiru mbangga Etara owagam kuwak ari wogogwaarak.

Yaya 7:2

Nagagerak wonage me, it Yakuri inawooliya wurit wogogwaarak aberogo laago lariyak eyom panggoni wage mbareegi,