Nekemiya 7:73 - Ala Wone Peenok Peebi Mbanak

⁷³ It aap Ala unde inom, Lewi mendek inom, tungga'nggi arum menggaarak inom, ndawi tiyangga inom, Ala awi wurik me yabu eeko menggaarak inom, it aakumi Iterali we ugun mendek ando inom, it Iterali abok aret inawi kota-kota wonogogwam lombok arit wa'nuk, ye mbambatinuk wonogogwaarak liiru mbanak kagagirak nogo ti aret.

Nekemiya 7:73 ပူးပေါင်းရင်းမြစ်များ

2 Endagembogut 7:10

Yogo nogogwaarik, iniyokan o Tamariya woraanuk inoone nggwok paga it aap o kota tu unggwogo menggam arum menggaarak nogo yorogwe, “Nit nogo aakumi Aram mendek inawooliya wuppunuk wonogwe me unggwi nogo nogoorik, inawooliya enaani wonage kagak, aakumi ineebe inom, inoone inom, abu lek we kuda inom, keledai inom, ti mban mbarenak wonogwe iigoorak o.”

1 Mbinineegwaarak 9:2

Ti'nuk peebi, inaa'nduk lombok iniyokan inanggween wonogogwam inawi kota-kota ari wogogwaarak nogo ti, it Iterali ando we ugun mendek inom, Ala unde inom, Lewi mendek inom, Ala awi wurik me yabu eeko menggaarak inom, aret wogogwaarak.

Etara 2:70

Ndi, it aap Ala unde inom, aap Lewi mendek inom, aap ndawi tiyangga inom, tungga'nggi arum menggaarak inom, aap Ala awi wurik me yabu eeko menggaarak inom, aakumi ando we ugun mendek inom, wogo nogogwaarik, inawi kota-kota lombok ye mbanggo'net nogwe iigak, it aakumi Iterali ando nogo inawi kota-kota wonogogwam inalitik-inalitak arit nanuk, ye mbambatinuk, wonogogwaarak.

Etara 3:1

It aakumi Iterali mendek nogo it logowam o kota-kota nogome ye mbambatinuk wonogwe iigak, tut 7 penengge mbareegi, iniki ambit eeppunuk, ambugwi aret o Yerutalem kuwak ari wogogwaarak.

Nekemiya 11:3

It aakumi Iterali we ugun mendek inom, aap Ala unde inom, aap Lewi mendek inom, Ala awi wurik me yabu eeko menggaarak inom, at Talomo ayeloman mini paga wiganak mendek inom, o Yekura it inanggween paga inawi kota-kota lombok wonogwe iigak, it inanebunu Yekura mendek inom, inanebunu Mbeniyamin mendek inom, it aakumi inarum menggaarak inoweewi o Yerutalem inom wonogogwaarak inendage yi o. At Yekura anebunu mendek ti, Aap Peret paga wiganak Makalalen nen Tepata ndake, Tepata nen Amariya ndake, Amariya nen Takariya ndake, Takariya nen Utiya ndake, Ndi, Utiya nen Ataya ndake, eereegwaarak me, aap Ataya inom,

Nekemiya 7:72

ndi, it aakumi ando nen wu mbuti emas aaninggin 170 inom, perak aaninggin seribu seratus inom, aap Ala unde nen inayum yirikak 67 inom, wogorogwe, eereegwaarak.