Nekemiya 7:70 - Ala Wone Peenok Peebi Mbanak

⁷⁰ It ndarak ndegek inoweewi ando nen yabu eeriyak ake pereegwaarak. At o unde menggerak inowe nogo nen wu mbuti emas aaninggin 9 negen inom, niyo kilirogo pit nagak togolowak 50 inom, aap Ala unde inayum yirikak lima ratus tiga puluh inom, pogo menggam logowak nduk, wogorage,

Nekemiya 7:70 ပူးပေါင်းရင်းမြစ်များ

1 Endagembogut 7:45

togolowak tenggap kwak eege, nggween tege eege, togolowak niyo kilirogo pit nagak eege, ogobakkigireegerak inom, yi mendek ndi mendek Aliku ALA awi wurik me logorak at Kuram nen eeruwak nduk, aap endagembogut Talomo nen yoge mbareegi, mbuti tembaga paga mban ogobakkigirogo pit nagagerak nogo ti aret.

1 Mbinineegwaarak 28:17

pelaakak paando negen inom, niyo toologo werenggak inom, togolowak amburu tookak inom, mbuti emas at mendek paga mban ogobakkigiriyak me, “Ambiret kenok, mbuti emas aaninggin ndogop paga ogobakkigiriyak,” yoge, ndi, ando mbuti perak paga ogobakkigiriyak me, “Mbuti perak aaninggin ndogop paga ogobakkigiriyak,” yoge,

2 Mbinineegwaarak 4:11

Ndi, at nen togolowak tenggap kwak inom, nggween tege inom, togolowak niyo kilirogo pit nagak inom, ogobakkigirogo pereegerak. Aap Kuram nen Ala awi wurik me logorak yi mendek ndi mendek eeriyak aap endagembogut Talomo nen yoreegerak nogo wobok togon eerogo pereegerak nogo yi aret.

2 Mbinineegwaarak 4:8

Eerogo pege nagagerik, eyo tabak 10 ndoonogo punuk, 5 waganogo Ala awi wurik o ame pa'nggwe pege, ndi, 5 nogo o omarip paga pa'nggwe pege, eeke nagagerik, mbuti emas paga niyo kilirogo pit nagak togolowak mbuulogwe 100 inom ogobakkigirogo pereegerak.

Nekemiya 10:1

Wone koonogo pogo nogogwaarik, ineenggi amburu pereegwaarak inendage yi o. An o unde minggirak Kakaliya aput Nekemiya inom, it Ala unde menggaarak Terekiya,

Nekemiya 7:65

Teppiigo mbareegwa, aap o unde inowe nen ari logonet, “Aap Ala unde ambi nen yugum Urim-Tumim paga yelok koorak nduk, nggino yoriyak waga'lek kagak, it aap ti, Ala ake pugu nonggo logorak lek o,” yinuk, yoragagerak.

Nekemiya 7:69

unta ti, empat ratus tiga puluh lima, ndi, keledai nogo ti, enam ribu tujuh ratus dua puluh aret wonok wogogwaarak.

Nekemiya 7:71

ndi, it ndarak ndegek inoweewi ando nen yabu eeriyak ake pogo menggam puwak nduk, wu mbuti emas aaninggin seratus tujuh puluh inom, perak aaninggin seribu lima ratus inom, wogorogwe,

Nekemiya 8:9

Ndi, eeko logorak wone yugu liiru mbanak yorogwe nogo inaruk konenggo nogogwaarik, le yogo mbareegwa, it aap o unde menggerak inowe Nekemiya inom, aap Ala unde liiru mbangga Etara inom, it Lewi mendek nen it aakumi wone mamunirogwe nogo inom, nogo nen it aakumi abok aret yorogo logonet, “O yogondak yi ti, Aliku kinogoba Ala ake punik aret me, kit kiniki puru yogo logonet le yogwe ti mage o.”

Wundeegwaarak 12:22

amiya togolowa'na tooppunuk, iri'ngga wumokot negen paga amiya nogo labumbunuk tunggambe peenok-peenok paga inom, irimbaga inom, labunogo punuk, kiname nen wundi naga'lek time mban kiigak o aret weeruwak o.

Wundeegwaarak 24:6

at Muta nen amiya nogo wagangge nagagerik, eegu togolowa'na toologo pege, ndi, eegu nogo Ala aanggo warogo kani kunggo menggam taati werenogo pege, eeke nagagerik,

Yeremiya 52:19

aap endagembogut eebe wonok nega inowe nogo nen yi mendek ndi mendek mbuti perak-emas paga ogobakkigirik togolowak kole tenggap kwak inom, kaninggen ndoongga inom, niyo kilirogo pit nagak togolowak inom, togolowak tabak inom, ndi wuninik alom ogobakkigirik inom, ake kilirogo pegak amburu tookak inom, abok aret waganeegerak.