Nekemiya 6:6 - Ala Wone Peenok Peebi Mbanak

^6-7 Wonok wagagerak wone eebe liiru mbanak nogo yi aret. “Yi aakumi ndi aakumi inenggela'me nen at ambi yogak ambi yogak agan nogo logonet, At Nekemiya inom, it Yakuri mendek inom, nen, Ninowe endagembogut wone lengganogo yo'nirage logorak nineebi o, yinuk, inalik mi'nariyak koonggo logonet, pak wukwi, ndi, at Nekemiya nen, Inowe endagembogut an aret arikit, mbake logonet, O Yekura time aap endagembogut mi'naga o, yinuk, wone yoranet nugu logowak nduk, aap Ala wone yoraga muk mippiige, eekerak o, yinuk, yogwe ti, at aap Nggeteyem nen, Abet aret yogwe, yegerak me, wone agan nogwe ti, aap endagembogut aruk konenigin aret me, kat ninom wone mbanuwok nduk, mok o,” yinuk, liiru mbanogo wo'nereegwaarak.

Nekemiya 6:6 ပူးပေါင်းရင်းမြစ်များ

Nekemiya 2:19

Ti eeko mbareegwa, aap Koron mendek Tambalat inom, aap Amon mendek inom eeke menggerak Tobiya inom, aap Arap mendek Nggeteyem inom, inaruk konenggo nogogwaarik, ninagi'ndok kanggwi, miyuk-meya eerogo pinanugwi, eeko logonet, nit yo'nirogwe, “Kit nano eeko ogotik? Aap endagembogut wone lengganogo yokkirage nogo, Nineebi o, yinuk, kiniki mi'nage agaarik ya?”

Nekemiya 6:13

“At wone yo'negerak nagabiti nen eeke neenok, maluk eeriminggirak paga it nen nendage maluk eeko logonet, miyuk-meya eerogo panuwak nduk, aap yi onggo wogogaarak kagi,” mbareegirak.

Nekemiya 6:5

Ne 4 paga nappiya wogo nogogwaarik, ne ambi paga at Tambalat awot ambi wone ndak-ndak yo'niruwak nduk, nappi wage mbareegi, it aakumi abok ineenu aruwak nduk, liiru eebe mbanak eenggime wonok wagagerak.

Yeremiya 20:10

It aakumi apit aret nen, Inamineeri ne agan noorak mendek yi o ndi o ndak warit nege o. At eekerak yora nawi, yora nawi, yinuk, Inoone mumun paga yogwe naruk konengge agarik o. Noreewi kunduk nen an ambi eeriminggirak paga yilunnabuwok nduk, to'neego logonet, Ambokan laganemenggaarak paga yigeebu wangge kagak Nit tebenogo punuk, oone omaawi paga yo'nirage nagaarak nogo onggo eeppuwok o, yinuk, yogo agaarik o.

Matiyut 5:11

Kit awo lek kiigak, it aa'nduk Ala nen yorage kagak yoraga nogo piyak-payak aganako nogogwaarak pogom, kit togon, an wo'nakotak paga aakumi nen miyuk-meya eerogo pinagagwi, piyak-payak eekkinakwi, inoone pilit lombok kinoba pinagagwi, eekwi iinok, kiniki ale'nggen aret mbako logonu o. Kinake aago mbogut paga ambik wonage me, kiniki ale'nggen logonet, keyage wako logonip o,” yinuk, yoragagerak.

Lukat 23:2

Wonok nogo nogogwaarik, inoone pilit at oba pogo logonet, “Aap yi, nit aakumi abok ninabut wurit nege logonet, aap endagembogut Kayitat o unde wonage onggo wu wogoriyak mage o. Kinowe endagembogut Keritut an aret o, agan nege me, kwaakkogoorak o.”

Yaya 19:13

Yogwi nogo at Pilatut aruk konembunuk, Yetut wonok wungge nagagerik, wone inowak loonggo menggam endage, Yugum Ndoonak o, yogo nogogwam nogome aret kwi'nagagerak. (Yugum Ndoonak o, yogo nogogwam nogo ti, it Iberani inoone paga Nggabata aret.)

Oroma 3:8

“Obeelom mendek kenom aruwak nduk maluk eeruwok, yogo menggaarak o,” yinuk, nit yaga'lek niigak kwe, ninendage maluk eeruwak nduk, yogwe, ndi, “It abet aret togop yogo menggaarak o,” yogwe, eeko menggaarak ndak-ndak, nit nen, “Obeelom mendek kenom aruwak nduk, maluk eeruwok o,” yinuk, agan nugu logorak op mbakop? Nit ninendage maluk aruwak nduk agan nugwi ti, Ala nen maluk onggo eeppiyaagin ti, op aret o.

2 Korindut 6:8

tiyappinanugwi, tebembinanugwi, ninabok mbanggwi, ninayuk wukwi, abet kenok mban yorogo monggoorak kwe, pilit ninoba pinanugwi,

1 Peterut 3:16

Kit Keritut kinom kunik logonet, obeelom eerit nogwe kiigak, it miyuk-meya eerogo pinagagwi nogo nen, kit obeelom mban eerit nogwe paga, “Ia!” yinuk, inagabiti mbarugun me, kiniki maluk ambi abe'naga'lek kiniki obeelom paga kinoone yanggorogon yorogo logonip o.