Nekemiya 6:3 - Ala Wone Peenok Peebi Mbanak

³ an nen wone eerogo nappiige logonet, “An yabu mondok nggwok aret eeke me, alom ngge kenok, an yabu eeke yi, mbo punuk iya noorak, yo'negaarak? At woroorak meek aret, yegerak, yora nanip o,” yinuk, yorage nagagirik, nappiyareegirak.

Nekemiya 6:3 ပူးပေါင်းရင်းမြစ်များ

Nekemiya 4:13

it aakumi inawuri ndegek lombok inobaloowi inom, inawooluwak inom, ineegin inom, porogo logonet tum wako logowak nduk, an nen yugum pak uum pega'lek ambokan nogome piinet nagagirak.

Nekemiya 6:2

at Tambalat Nggeteyem imbirak nen aap yonggo nappiya wogogwaarak nowagam wogo nogogwaarik, an yo'nogo logonet, “At Tambalat Nggeteyem imbirak nen o Ono kobappaga yaga'lelo Kepirim time wone mbaniyak me, yori nanip o, yo'nirogo mbaka, yokkiri wogo o,” yinuk, yo'nereegwaarak kwe, it nen an maluk eerogo paniyak mba'nuk nayonggo pegaarak yelok iige nagagirik,

Nekemiya 6:4

Ne 4 kuli wone ti mban eerogo nayonggo pegak mban eeko nogogwaarak kwe, an nen wone aa'nduk eerogo nappereegirak nogo ndak-ndak mban aret eerogo nappege nagagirak.

Kini Wuppiige 14:15

Aap iniki yuundurak nogo nen yi wone ndi wone ugun aret wagangge menggerak kwe, Aap iniki penenak nen perak, liippunuk eerit nage menggerak.

Wone Alom Kibingga 9:10

Kambunuk namenggenom time nen yabu eekwi, eeriyak koonogo pugwi, yi wone ndi wone ineenu arit nogwe, iniki warak eekkologwe, eekulik me, yi mendek ndi mendek abok aret eeriyak kage kenok, keenggi mondok omaawi paga eerit nage logot o.

Matiyut 10:16

Wone ambinom yorage logonet, “Kit ndomba kokwak yi, it aakumi nggeewo endekem mendek pogom wonogwe me, inowagam nappinagage agarik o. Nappinagaminggirak inenggela'me logonet, waalo yimela-nimela nege menggi kwak nugu logonet, towe puume enegen waanggo pogom nugu logomunggup o.

Yaya 9:4

Oonikiya paga yabu eeriyak meek me, o kiip ariyak abu panggo yi wage kwe, awo waga'lek kagak, at nappani wagagerak eeke menggerak nogo, o eya paga mbet-mbet aret eeko logowok o.