Nekemiya 6:2 - Ala Wone Peenok Peebi Mbanak

² at Tambalat Nggeteyem imbirak nen aap yonggo nappiya wogogwaarak nowagam wogo nogogwaarik, an yo'nogo logonet, “At Tambalat Nggeteyem imbirak nen o Ono kobappaga yaga'lelo Kepirim time wone mbaniyak me, yori nanip o, yo'nirogo mbaka, yokkiri wogo o,” yinuk, yo'nereegwaarak kwe, it nen an maluk eerogo paniyak mba'nuk nayonggo pegaarak yelok iige nagagirik,

Nekemiya 6:2 ပူးပေါင်းရင်းမြစ်များ

2 Tamuwen 20:9

At Amata nogo, “Yowap mbuti ndut eenggim wonage nogo paga noorigin,” mbarulik we ugun wonage kagak, Yowap nen at yoge logonet, “Noreeluk, kat obeelom wonage ilik?” yinuk, agandin eyak mbanikit nduk, amboro eenggi abe paga pippunuk, mbuti ndut eenggim wonage nogo paga Amata aanogum paga ndanuk togon mambereegerak aanagale kiluk togon nggween paga wambeegerak aret kangge mbareegi, ambinom warulik mbo punuk, awuluk Abitayi imbirak aap Mbikiri aput Teba nogo mugurok nogogwaarak.

2 Tamuwen 3:27

Wonok o Keboron nogo mbareegwa, at Yowap nen imbirak inalik wone mbaniyak negen eeppunuk, wonok tu unggwogo menggam taati ari nanuk, “Nawuluk ane'me wari o,” yinuk, aanogum me ndut kenenak paga linggage mbareegi, taati aret kambeegerak.

1 Mbinineegwaarak 8:12

At Elapaan nen apuri aap ndaganabeegerak nogo ti, Ebet, Mitam, Temet, Mberiya, Tema, aret me, at Temet nogo nen o kota Ono inom, Lot inom, eerogo pege logonet, o kota-kota ti, enaagan-ambokan yaga'lelo mbuulogwe inom aret wurogo pit nage, ndi, at Mberiya Tema imbirak nen it aakumi o Ayalon wonogwe ndarak ndegek inoweewi a'nuk, inarum logonet, it aakumi o Nggat wonogwe nogo, mugogo wumbiigwi, eereegwaarak.

Nekemiya 11:35

o Lot inom, Ono inom, o endage Kobappaga o Wuka Menggam time inom, wonogogwaarak.

Nekemiya 3:22

At eeke nogo panggombunuk, it Ala unde o kobappaga time menggaarak nogo nen ogobakkigirogo pit nogwe,

Nekemiya 6:3

an nen wone eerogo nappiige logonet, “An yabu mondok nggwok aret eeke me, alom ngge kenok, an yabu eeke yi, mbo punuk iya noorak, yo'negaarak? At woroorak meek aret, yegerak, yora nanip o,” yinuk, yorage nagagirik, nappiyareegirak.

Ndawi 12:2

Aakumi abok aret it mban-mban pilit-pilit agan nugwi, Aakumi inambokan laganggo logonet, inoone amburu ndik-ndik agan nugwi, Eeko logonet,

Ndawi 37:12

It aap maluk mendek nen it iniki abe koonak nogo Maluk eeppiyoorak wone koonogo pugwi, Inanini inombako logonet, ineyak nggilik maakwi, Eeko menggaarak kwe,

Ndawi 37:32

It aap maluk mendek nen Aap iniki abe koonak wogwe iyo enaakwi, “Alom ngge paga yilumbunuk inooruwi o?” yogwe, Eeko menggaarak kwe,

Wone Alom Kibingga 4:4

Mbake nagagirik, aap yabu nggwiirit-nggwaarit eekwi, ndi, ineenggi amburu paga eerit nugwi, eekwi iinok, aap ambi nen, “It eekwi ti, an togon eerikit lak, it mban eekwi yi, ao,” yinuk, anini inombake ti paga at ndak-ndak eerit nage kagagirak. Ti eekwi ti kunduk, o wiya mugurok nogwe kwe, pigoorak meek kwak aanom warogo aret eekwi iyareegirak.

Yeremiya 41:2

Netaniya aput Itimayen aap ineebe 10 nogo inom mi'na'nuk, aap Mbaben mendek inowe endagembogut nen o Yekura unde logowak nduk mippereegerak aap Tapan ombooluk Akikam aput Nggeraliya nogo, wooluwak paga mondok aret warogo pereegwaarak.

Yetikiyen 33:31

yogo nagaatik, ineebe an napuri negen a'nuk, ambik aago wogo nagaatik, kat koone konenuwok nduk kowagam kwi'nari wogo menggaarak kwe, kat nen it yorage nogo eekulik aret menggaarak o. It inambe paga, Aakumi niniki kunik eeginako monggoorak o, yinuk, yogwe kwe, iniki perak, aakumi wiwi aganako logonet, ineenggi warak eekkoloorak nogo mendek mban mugurok nogo menggaarak.