Nekemiya 6:13 - Ala Wone Peenok Peebi Mbanak

¹³ “At wone yo'negerak nagabiti nen eeke neenok, maluk eeriminggirak paga it nen nendage maluk eeko logonet, miyuk-meya eerogo panuwak nduk, aap yi onggo wogogaarak kagi,” mbareegirak.

Nekemiya 6:13 ပူးပေါင်းရင်းမြစ်များ

Nekemiya 6:12

Ari nagagirik, niniki koonit nage logonet, “A puk! Yi Ala nen yogerak paga yo'nege lek aap Tobiya Tambalat imbirak nen onggo wogogaarak paga yo'nege kagi,” mbake nagagirik,

Nekemiya 6:6

Wonok wagagerak wone eebe liiru mbanak nogo yi aret. “Yi aakumi ndi aakumi inenggela'me nen at ambi yogak ambi yogak agan nogo logonet, At Nekemiya inom, it Yakuri mendek inom, nen, Ninowe endagembogut wone lengganogo yo'nirage logorak nineebi o, yinuk, inalik mi'nariyak koonggo logonet, pak wukwi, ndi, at Nekemiya nen, Inowe endagembogut an aret arikit, mbake logonet, O Yekura time aap endagembogut mi'naga o, yinuk, wone yoranet nugu logowak nduk, aap Ala wone yoraga muk mippiige, eekerak o, yinuk, yogwe ti, at aap Nggeteyem nen, Abet aret yogwe, yegerak me, wone agan nogwe ti, aap endagembogut aruk konenigin aret me, kat ninom wone mbanuwok nduk, mok o,” yinuk, liiru mbanogo wo'nereegwaarak.

Kini Wuppiige 22:1

Kineenggi warak eekkoloorak ti, op aret kwe, kinendage obeelom logowak nduk eeko logorak ti perak iya o. Mbuti perak inom, mbuti emas inom, kiniki kundugu eekkoloorak ti op aret kwe, aakumi nen iniki kundugu eekkinaburak ti perak, mondok iya o.

Kini Wuppiige 29:5

Aap ambi nen ore iniki laakot ombake logonet, oone paga mban yoge ti, at iyok aret nggelok yuwak nduk keele kwak eerogo pake menggerak.

Wone Alom Kibingga 7:1

Amburu obari abe eeka ti, iya negen kwe, ninendage abe logorak ti perak, mondok iya o! Nda'nogogurak eyom ti, iya negen kwe, kambuurak eyom perak, iya lombok aret o.

Yetaya 51:7

Kit koonak eeko logorak kineenu monggotak yi wae. Kit an napuri eeko logorak noone yugu kinikime porogo monggotak yi wae. Wone an yokkirage yi, konenggo logonip o. Aakumi nen miyuk-meya eerogo pinagagwi iinok, kinagabiti ogwe, Inoone yi-wu yokkirogwe iinok, kiniki lek-lek age, Eerugup o.

Yetaya 57:11

It ta paga inagabiti mbakwi, inaganak wake, eeko logonet, an mbo paninuk alik mugurok nogwe, Noba abe'nakwi lek kobak eerogo panugwi, An ndogop eeke yi, iya! yinuk, iniki liippega'lek wonogwe, Eeko agaarik? An wone yoraga'lek puk wonage neenok, nayuk wuka'lek agaarik ya?

Yeremiya 1:17

Togop aret eerigin me, pipuk eeppunuk logot o. Ndogop yoret o, yinuk, yokkege neegak yorage logomunggun me, ineebe paga kagabiti mbaka'lek kogogumbuk logot o. Kagabiti mbake keenok, it inenggaanom kagabiti mbariyak nduk, eeppagage neyo, kagabiti mbariyak mage o.

Yeremiya 18:18

Yorage mbareegi, it aap ineebi nombakwi nen yogo logonet, “It aap Ala unde nen eeko logorak wone mamunnirogwe nogo lek age, it aap iniki warak nen ninaruk wakwi nogo lek age, ndi, Ala nen yorage kagak yoraga nen nit yo'nirogwe nogo lek age, eerigin lek me, aap Yeremiya ari menggerak ti, lek eerogo puurak koonuwok nduk, woraanip o. At wone yo'nirage nogo aret abut laganogo at yogwi, ndi, at, Yogop eeriyak, ndogop eeriyak, yo'nirage liippega'lek mbo pugwi, eekwi paga oone lek arigin me, eeruwok aret o,” yinuk, yereegwaarak me,

Yeremiya 20:10

It aakumi apit aret nen, Inamineeri ne agan noorak mendek yi o ndi o ndak warit nege o. At eekerak yora nawi, yora nawi, yinuk, Inoone mumun paga yogwe naruk konengge agarik o. Noreewi kunduk nen an ambi eeriminggirak paga yilunnabuwok nduk, to'neego logonet, Ambokan laganemenggaarak paga yigeebu wangge kagak Nit tebenogo punuk, oone omaawi paga yo'nirage nagaarak nogo onggo eeppuwok o, yinuk, yogo agaarik o.

Yetikiyen 2:6

Aakumi nen ndarak kat yi wae. It ineebe paga inom, inoone yokkugwi paga inom, kagabiti mbake, An muun alok inom, nggonggoondu alok inom, enggela'me wonage, nggitamuru awi mbanak me wonage, eeke agarik, mbarumunggun kwe, kagabiti mbake, it an yorage ineebi mbaka mendek aret me, it inoone yogwe paga kagabiti mbake, kiniki ma'nage, eerubok o.

Matiyut 10:28

It aakumi nen kinagabolo kinooko logonet, kiniki inom kinoorugun lek me, kinagabolo mban kinooko menggaarak nogo paga kinagabiti inombarugup o. Ata, kinagabolo inom, kiniki inom, lek eerogo kani omoonuk wunuk mban ari menggim time pinagarak unde nogo perak, mondok kinagabiti mbako logonip o.

Matiyut 22:15

Ti'nuk, it aap Pariti mendek nen Yetut oone ambi yemenggerak paga yilunogo punuk, waruwok nduk, it mban-mban wone mbani nogogwaarak.

Matiyut 26:59

Kwi'ndak wonage kagak, it Ala unde inoweewi inom, it wone amburu mbanggo menggaarak abok aret inom, “At Yetut waruwok nduk, taani nen pilit wone at oba pugwi iyaamun?” yinuk,

Nappiigak 6:13

Pi nogo mbareegwa, it pilit karerogo yoraawak nduk mippiyareegwaarak nogo nen aap wone amburu mbangga yorogo logonet, “Aap yi, ko'lu-kii'me puk ageelik Ala awi wurik magame inom, Muta nen liiru mbaneegerak wone nogo inom, meek agago pege kogoorak o.

2 Korindut 11:12

An ti eeke logorak yokkiragarak alom ti, it aakumi wone alik yokkirogo menggaarak nen, “Pawulut inom eeko menggaarak nogo nit ndak-ndak aret eeko monggoorak o,” yinuk, wogoppatit nugwi nogo, inoone mondok lek eerogo piyaakit nduk, “An eeke minggirak ti, aret eeke logogin,” mba'nuk, yokkiragarak.

1 Timotiyut 5:14

Togop me, it kumi ti nen ambi eeremenggaarak paga it ninom ogoorak nogo nen ninenggali wappinanukwak, it kumi ndugum me togwe piyamenggerak nogo, inogonggelomini kologwe, inaagalogwe ndaganakwi, inamelak wogo eekwi, eeko logorak op aret mbake agarik o.

2 Timotiyut 1:7

At Ala nen niniki ninagabitinggut mendek wo'niroolik o. Ata, Aberiniki omaawi eeppinanege kagak ninagabiti lek logonet yorogo logorak mendek inom, aakumi niniki kunik aganaburak mendek inom, niniki warak mendek inom, wo'niragagerak o.

Titut 2:8

Ata, kayuk warak logonet, yorage kenok, it aap koone woorak, “Nineebi,” mbakwi nogo nen wone maluk ambi yoramenggendak paga yilunogo punuk, nit tebembinaniyak lek me, it inenggali aruwak nduk, wone koleewak wone kenggali wappagarak lek nogo mendek mban yorage logot o.

Yakobut 4:17

Ndi, kit obeelom eeko logorak kineenu logonet kwe, eeka'lek kiinok, tirogon maluk aret o.

Wayu 21:8

it Ala wone mugurok noorak inagabiti mbaka inom, abet mbariyak ineebi mbaka inom, maluk peyak wurik kagak ugun eerit nega inom, aakumi inooka inom, kumi ugun wurinaka inom, magagirak iyagalo inom, kugiwak amili kungga inom, pilit pugungga inom, it abok aret it logowam pipuk eerogo pereegim kani omoonuk wunuk mban ari menggim nogome mbo nappiyaagin o. Aa'nduk ineenik logonuk, kambemenggaarak kwe, kani omoonu'me nappiyoorak nogo ti, peebi ne ambi kanggwi nogo kokwak aret o,” yinuk, yo'nege kagarak.