Nekemiya 5:9 - Ala Wone Peenok Peebi Mbanak

⁹ Puk aret ogo mbareegwa, an nen ambinom yorage logonet, “Kit eekwi ti, eeriyak lek mendek aret eeko ogotik! Yi aakumi ndi aakumi inambik ninawim nogo nen ninendage maluk eerogo pinanukwak, ninogoba Ala ninagabiti mbako logonet, eerit nogo logorak lek mbakop?

Nekemiya 5:9 ပူးပေါင်းရင်းမြစ်များ

Wakkagagerak 20:11

Yoge mbareegi, at Abarakam nen, “An niniki mbake logonet, It aakumi yime Ala inagabiti mbaka'lek me, an nooko logonet, nakwe ndinogo wagun ilik? mba'nuk, yagarak o.”

Wakkagagerak 42:18

Nogome keele maarogo mambiyareegerak nogo mbere yippunuk, ko'lu paga at Yutup nen it nogo yorage logonet, “An togon Ala nagabiti mbake minggirak me, kineenik op logorak nduk, yogop ee'nip o.

2 Tamuwen 12:14

kat eekendak paga at Aliku ALA awim nen, At Aliku ALA ti, meek aret kogoo, yinuk, agi'ndok kanggwi me, kapuluk kobaane'me pakendak nogo ti, kambigin areto,” yinuk, yoreegerak.

Nekemiya 4:4

“Ai, nogoba Ala o. It miyuk-meya eerogo pinanugwi yi, karuk konenu o. Nit yagat wukwi niigak, miyuk-meya eerogo pinanugwi nogo ti, maluk aret me, inomaluk tebenogo piige, lek eerogo piige, eeriyak mage o. Ata, inomaluk abeke logonet, it miyuk-meya eerogo pinanugwi iigak kwe, melak togon inoba kwippiige, it inamendek kugun waganggo logomenggaarik, keele maageren nawak nduk, eeppiige, eeru o,” yinuk, tamban eereegirak.

Nekemiya 5:10

It aakumi nen, Kinamendek luulu wo'niraanip o, yinuk, yo'nirogwe iinok, an togon, noreewi togon, nawuri ninom eeko menggaarak togon, nen wu inom, gandum inom, wogorogo monggoorak me, Oba lunogo inom wo'niraanip o, yorogwe nogo ambinom yorogo logorak mage o.

Nekemiya 5:15

an o unde mippanega'lek kagak inaa'nduk o unde wonogogwaarak nogo nen it aakumi aaninggin-paaninggin inoba piigo logonet, “Mbi inom, anggur amburu toolak inom, wo'nira wogo logonet, wu mbuti perak aaninggin oolo wakkagak inom wo'nira wogo logonip o,” yinuk, yorogwe, ndi, inawuri kunduk, inoone omaawi paga yorogo logonet, tebenogo piigwi, eeko nogogwaarak kwe, an perak, Ala nagabiti mbake minggirak me, togop eeke logolik.

Ndawi 90:11

Kanini mondok iya lombok menggendak nogo, Aap ta nen eenu age, Kat kanini mondok iya eeppiige ndak-ndak it aakumi inagabiti kombakwi me, Ta nen aganak nuk ega'lek lambek puk wonage, Eerigin mbaken? Lek aret o!

Kini Wuppiige 16:29

Aap ogogumbuk nogo nen oreeluk ambokan lagangge nagaatik, At eebe wonok tu maluk me pi nage menggerak.

Kini Wuppiige 17:26

Aap maluk eeka'lek obeelom wonage kagak, maluk onggo eeppugwi, Aakumi inoweewi koonak eeppiigwi iigak, yawi inookwi, Eeriyak ti, maluk aret o.

Kini Wuppiige 18:5

Aap maluk mendek inom a'nuk, inaana'le mbanggwi, Ndi, aap maluk eeka'lek ugun wonogwe iigak, “Maluk eekotak o,” yinuk, yorogwe, Eekwi ti, maluk aret o.

Kini Wuppiige 19:2

Iniki liippega'lek logonet, oone aganggen kereembu agan nage, Mbet-mbet eerit nage logonet, irip paga ninggin aret ari nage, Eeke nogo ti, maluk aret o.

Kini Wuppiige 24:23

Aap iniki warak nen yogo menggaarak wone ando yi o. Aap inowak loonggo logonet, inetenggen maloppunuk eekwi ti, maluk aret o.

Yetikiyen 36:20

Yi aakumi ndi aakumi inenggela'me time arit nogo nogogwaarik, wonogwe iigak, it nogogwam nogome nen yogo logonet, At Aliku ALA apuri yi aret kwe, inanggween wogoragagim nogome nen wumbiigerak yi, iyaanip o, yinuk, yogo nogogwaarak paga nendage abu abe alik leenak wonage nogo, maluk eerogo pogo nogogwaarak.

Ala Unde 25:36

Aap nogo inenggela'me logonet op logowak nduk, yeenggwaago logonet, wu wogoremenggaarak nogo obaane'me wogora wage kenok, it nen inogoba Ala an inagabiti nombako logonet, Oba lunogo ambi inom wo'niroorak, yoriyak mage o.

Nappiigak 9:31

Nappogo nogogwaarik, nogome logonet, it Ala apuri o Yureya kuwak eerit nogwe inom, o Nggalileya kuwak eerit nogwe inom, o Tamariya kuwak eerit nogwe inom, ale-pale eeginabit naga'lek iinok, inikiigun logonet, iniki kole ogwe, Aberiniki nen yeenggwaarage kagak inogoba Ala inagabiti mbako logonet, ineebe ambik wigannogwe, eereegwaarak.

Oroma 2:24

“Kit eekwi paga it endekem konenggulik mendek nen Ala endage miyuk-meya eerogo pogo agaarik o,” yinuk, liiru mbanak wonage nogo kit Yakuri nen aret eekwi kiigi o.

1 Timotiyut 5:14

Togop me, it kumi ti nen ambi eeremenggaarak paga it ninom ogoorak nogo nen ninenggali wappinanukwak, it kumi ndugum me togwe piyamenggerak nogo, inogonggelomini kologwe, inaagalogwe ndaganakwi, inamelak wogo eekwi, eeko logorak op aret mbake agarik o.

1 Peterut 2:12

It aap endekem iniki abet mbaka'lek mendek nogo nen, “It maluk eerit nugwi o,” yinuk, kinabok mbaniyak nduk eeremenggaarak kwe, obeelom mban eerit nogwe liippinagago logomenggaarik, Yetut wage eyom paga Ala wogoppuwak nduk, inenggela'me logonet, kiniki mondok liippunuk eeko logonip o.

1 Tamuwen 2:24

Kit eerit nugwi paga Aliku ALA apuri nen, Nit maluk togop aret eerit nogo logowok o, yinuk, wiganit nogwe konenggirak me, Togop ambinom eerugup o, napuri!