Nekemiya 5:8 - Ala Wone Peenok Peebi Mbanak

⁸ it nogo yorage logonet, “It aakumi alik mendek nen nit ninoreewi Yakuri mendek keele maageren piya nogogwaarak nogo nit nen wakkagak mban eeko logonet, wondet eerogo wogoren piya wogogurak kwe, an nen ambinom wondet eerogo piyaakit lak nonggop nduk, ambinom tebenogo piyoorak nduk, eeko ogotik?” Yorage mbareegi, wone onggo yo'niriyak meek aret me, inoone lek puk aret ogogwaarak.

Nekemiya 5:8 ပူးပေါင်းရင်းမြစ်များ

Nekemiya 5:9

Puk aret ogo mbareegwa, an nen ambinom yorage logonet, “Kit eekwi ti, eeriyak lek mendek aret eeko ogotik! Yi aakumi ndi aakumi inambik ninawim nogo nen ninendage maluk eerogo pinanukwak, ninogoba Ala ninagabiti mbako logonet, eerit nogo logorak lek mbakop?

Ayup 29:10

Aap inoweewi inoone lek puk wonogwe, Inamili inalelan paga nabenak wonage kogwe, Eeko nogogwaarak.

Ayup 32:15

Togop me, Ayup yi, wae. It iniki kobak aganake, wone onggo ambinom yogwe, Inoone ambiriluk ambi yokkugwi,

Wundeegwaarak 21:16

Aap ambi nen aap alik ambi kote kumaake logomenggerik, aap alik ambi inoba onggo mbanggolage a, eebe ame kumaappatogo wonage a, eeke kenok, aap kumaaremenggerak ti, kambuwak nduk mondok warogo puwak o.

Matiyut 22:12

yoge logonet, Wulaga. Laago nunggo logonet, yum yiko menggaarak nogo mendek kat yirik lek nonggop nduk yime unggwi wagandak? Yoge mbareegi, aap nogo oone lek puk agagerak.

Matiyut 25:15

It eeko logorak ineraambe yelok maloppiige nagagerik, aap ambi wu 5 juta wogoge, aap ambi wu 2 juta wogoge, ndi, aap ambi wu 1 juta wogoge, eeppege nagagerik, o ambi me nagagerak.

Matiyut 25:29

Kit kinamendek wonage kenok, ambinom lunogo wokkiramenggerak me, kilu-kilu wundigin o. Ndi, kinamendek lek kenok, mbuuluk porogo wonogwe nogo aret ndinogo kolage kaamunggup o.

Oroma 14:15

Kinoreewi nen, “Noorak lek,” mbakwi iigak, kit nunggwi paga iniki andi eerogo piigwi kiinok, “Inoreewi inabuwa mbaka'lek nunggwi iigo,” kinombarugun o. Togop me, kinoreewi nogo ti, Keritut it togon inake kambeegerak aret me, kit nunggwi paga maluk eerogo piyoorak ti mage o.

Oroma 3:19

Ti kenok, Ala nen, “Yogop ee'nu, ndogop ee'nu,” yinuk, wone Muta yoreegerak nogo abok aret it woppunuk eeko menggaarak ti, inake aret nineenu me, it yi aap ndi aap o yime menggaarak abok aret inoone lek agago piinok, “Nit abok aret maluk eekwi onggo eeppinanigin kogo o,” yinuk, yelok kaawak nduk, wone Muta yoreegerak kogo ogoorik o.

1 Korindut 8:11

it kinoreewi nogo abok inake Keritut kambeegerak kwe, kit alom abu kineenu logonet, kugi aanggo warak ugun namonggotak paga nen kinoreewi iniki awo kole aga'lek nogo maluk eeppiigwi kiyoorak me, liippunuk eeko logonip o.

2 Korindut 8:12

Ninamendek lek me, wogoga'lek kenok ti paga, Ala nen eebi ninombake menggerak lek o. Wonage kagak wogoga'lek kenok perak, eebi ninombake menggerak me, eebe wonage kenok wogogwi, “Wogorikit lak eebe lek me, ao,” mbakwi, ti imbirak wogogwi mban aret me, inikilom mbake menggerak.

Nggalatiya 6:10

It yi aakumi ndi aakumi abok aret obeelom eeppiyoorak, “Nanonggwan aga o,” yinuk, obeelom eeppiinet nogo logonet kwe, it ninom ndak-ndak abet mbakwi kenok perak, logorogon obeelom eeppiyoorak mondok aberak aret logonip o.

Pelaareegerak 24:7

Aap Iterali mendek ambi nen at oreeluk kagak kumaappunuk, ayeloman eekkolage, onggo nggerenggolage, eeke kenok, aap ti mondok warogo pogo logowak o. It aap maluk ti mendek eekwi iinok, kinenggela'me inenggaawak lek eerogo piigo logomunggup o.