Nekemiya 5:12 - Ala Wone Peenok Peebi Mbanak

¹² Yorage mbareegi, it nen, “Wone yo'niragandak ti ndak-ndak, it inamendek obaane'me wogorogo logonet, Waganggotak oba lunogo wo'niraanip o, yinuk, yoraagun lek o.” Yogo mbareegwa, Ala unde woraawak nduk, wiiragagirak wogo mbareegwa, inenggaanom paga it aap inengga warak inoweewi nogo inom, it o unde inom eeko menggaarak nogo inom, eeko logorak yereegwaarak nogo ndak-ndak, kumbuk mbanuwak nduk, yorage mbareegi, “Eeko logowok o,” yinuk, wone kumbuk mbaneegwaarak.

Nekemiya 5:12 ပူးပေါင်းရင်းမြစ်များ

Etara 10:12

Yorage mbareegi, it aakumi kuwak aago nogo ambugwi aret inoone nggwok paga onggo yogo logonet, “Wone yagandak ti abet aret me, nit ndak-ndak aret eeruwok o.

Etara 10:5

Yoge mbareegi, at Etara nogo mi'nage nagagerik, it aap Ala unde inengga warak inom, Lewi mendek inom, it Iterali abok aret inom, yoreegerak nogo ndak-ndak it eeko logorak kumbuk mbanuwak nduk, yorage mbareegi, “Eeko logowok o,” yinuk, kumbuk mbaneegwaarak.

Nekemiya 10:29

abok aret inoweewi inengga warak ninom a'nuk, yogo logonet, “Eeko logorak Ala nen ayeloman Muta yoge kagak, yo'niragagerak liiru mbanak nogo mugurok nogwe, ndi, Aliku ninogoba Ala nen, Yogop ee'nu ndogop ee'nu, yereegerak inom, eeko logorak wone yugu inom, wone lengganak inom, abok aret liirogon eerit nogwe, eeko logogun o. Ndi, eeka'lek niinok, pulunogo pinaniyak op aret o,” yinuk, kumbuk mbanuwok nduk, niniki ambit eeppunuk, wone abuk nggaruk togon koonogo pereegurak ninendage nogo ti aret.

Nekemiya 10:30

Ndi, eeko logorak wone koonogo pereegurak eebe nogo yi aret. “Nit ninapurilogwe komologwe ti, it aap inanebunu alik mendek wogorogwe, it inapuri komologwe nen nit ninapuri wologwe kologwe,

Nekemiya 10:31

It aakumi alik time wonogwe nogo nen gandum inom, yi mendek ndi mendek inom, kuniyak nduk, nogo 6 yippunuk, ko'lu yonggonggologwe paga inom, Ala alut eeko logorak ne leenak ti paga inom, wonok wogwe iinok, nit kunggologwe, eeko logogun lek o. Tahun 6 eeppunuk, ambi ari wage kenok kunduk, nineyabu eeka'lek puk wonogwe, ndi, ninamendek nomat ambi mbanak wonage kenok, We aret kolaanip o, yorogwe,

Nekemiya 13:25

mberirage, pulunogo piige, it aap ineebe mande negen yawi inooke, ineeruwak wiirogo nappiige, eeke nagagirik, yorage logonet, “Ninapuri komologwe ti, it inapuri wologwe wogorogwe, ndi, it inapuri komologwe nit ninapuri wologwe kolaawak nduk, wo'nirogwe, ndi, nit kunduk kologwe, eeko logogun mondok lek o, yinuk, Ala endage kumbunuk, wone kumbuk mbaninip o.

Nekemiya 5:11

O yogondak aret inanggween inom, ineyabu anggur yarak inom, eyo tayitun yarak inom, inawi inom, inawu lek kenok, luulu unde eeppinagareegwaarak nogo obaane'me wogoraanip o. Ndi, wogorogo logonet, 100 wonage kenok ambiret oba lunogo wo'niraanip o, yorogogutak kira wogogwaarak wu inom, gandum inom, anggur amburu ngget toolak inom, wam amburu inom, abok aret obaane'me wogorogo logonip o.”

Matiyut 26:63

Yoreegerak kwe, at Yetut nogo oone lek puk wonagagerak. Puk aret wonage mbareegi, at Ala unde inowe nggwok nen, “Kat Keritut Ala aput kenok, paganogo yo'niraanok nduk, at Ala eenik menggerak endage kumbunuk yokkigi o.”

Lukat 19:8

Yogo mbareegwa, at Takeyut nen it apit inenggaanom paga Yetut yoge logonet, “Nogoba o. An namindik-namendek mogonogo aap ineenggi lek kenok, wogorage, aap wi-wi aganake nagarak kero, obaane'me onggo 4 aret wogorage, eerikit o.”