Nekemiya 5:11 - Ala Wone Peenok Peebi Mbanak

¹¹ O yogondak aret inanggween inom, ineyabu anggur yarak inom, eyo tayitun yarak inom, inawi inom, inawu lek kenok, luulu unde eeppinagareegwaarak nogo obaane'me wogoraanip o. Ndi, wogorogo logonet, 100 wonage kenok ambiret oba lunogo wo'niraanip o, yorogogutak kira wogogwaarak wu inom, gandum inom, anggur amburu ngget toolak inom, wam amburu inom, abok aret obaane'me wogorogo logonip o.”

Nekemiya 5:11 ပူးပေါင်းရင်းမြစ်များ

Nekemiya 5:10

It aakumi nen, Kinamendek luulu wo'niraanip o, yinuk, yo'nirogwe iinok, an togon, noreewi togon, nawuri ninom eeko menggaarak togon, nen wu inom, gandum inom, wogorogo monggoorak me, Oba lunogo inom wo'niraanip o, yorogwe nogo ambinom yorogo logorak mage o.

Nekemiya 5:12

Yorage mbareegi, it nen, “Wone yo'niragandak ti ndak-ndak, it inamendek obaane'me wogorogo logonet, Waganggotak oba lunogo wo'niraanip o, yinuk, yoraagun lek o.” Yogo mbareegwa, Ala unde woraawak nduk, wiiragagirak wogo mbareegwa, inenggaanom paga it aap inengga warak inoweewi nogo inom, it o unde inom eeko menggaarak nogo inom, eeko logorak yereegwaarak nogo ndak-ndak, kumbuk mbanuwak nduk, yorage mbareegi, “Eeko logowok o,” yinuk, wone kumbuk mbaneegwaarak.

Yetaya 58:6

It aakumi maluk eerulik iigak mbutigeele maarogo piigaarak nogo piinogo piigwi, Tapi eyo aaninggin inuut paga piigo mengga kwak it aakumi togop eeppiinok wonogwe nogo piinogo wumbiya wogwe, It aakumi tebembiinok wonogwe nogo wondet eerogo piigwi, Aaninggin-paaninggin inoba wonage nogo teeluk eerogo piigwi, Eeriyak nogo ti, Aakumi inambe mage negen logonet eeko logorak koonogo pereegirak ti aret nogo lek a?

Lukat 3:8

Kit maluk eeko monggotak nogo, kiniki koombunuk mbo pogotak kenok, eyo anggen abe yi'nage menggi kwak, ndak-ndak aret eeko logonip o. Kit kinikime nen mbako logonet, Ninombo ti, Abarakam aret me, nit obeelom aret o, mban mbakwi ti mage o. At Ala nen, Yugum yi, at Abarakam ombowologwe aret a'nip o, yinuk, yorage kenok, ariyak op aret iigak, kit mban iya lek me, nonggop nduk yogo ogotik?

Pelaareegerak 6:11

kinawi logowam time yi mendek ndi mendek obeelom mendek apit yagabit aago wonage me, kit nen ambi pati unggwoge, niyo nenggak yuurak nggween abu kabunik wonage me, kit nen ambi kabunggologwe, ndi, eyo anggur inom, eyo tayitun inom, abu yarak wonage me, kit nen ambi yakwi, eerumunggup lek abu aago wonage me nogome wokkiren pinagi namenggerak wonogo logonet, yi mendek ndi mendek nonggo logomonggotik, ndonggoppinagage kenok,

1 Tamuwen 12:3

Ndi, yogondak at Aliku ALA inom, aap leenogo amburu kilippogotak inom, inenggaanom paga an mi'ndak wonage me, an maluk eeppinagage logonet, aap ambi aanggo lembu wagangge, aap ambi aanggo keledai wagangge, aap ambi wi-wi eeppege, aap ambi tebenogo pege logonet, noone omaawi yoge, aap ambi eekerak kagaarogo pikit nduk, wu wo'niri wage kenok wagangge, ti mendek ambi eeke neegotak nogo yo'nugwi kiinok, an nen obaane'me pikit nduk, yo'ninip o.”