Nekemiya 5:1 - Ala Wone Peenok Peebi Mbanak

¹ Ti'nuk, peebi nen aap inom, it ando inakuwi inom, nen it Yakuri mendek inoweewi yorogwe nogo ineebi mba'nuk, inoone nggwok paga yogo logonet,

Nekemiya 5:1 ပူးပေါင်းရင်းမြစ်များ

Nekemiya 4:23

Ndi, an togon, noreewi togon, nawuri yabu eeka togon, ninarum menggaarak togon, ninayum yirik nggoorogo pega'lek nineegin nineenggime mban wonogogurak.

Ayup 34:28

It aap ti nen ineenggi lek maluk eeppiigwi paga, Eeppinanugwi yi iyet o, yinuk, Ala yogwi iinok, it, Ai ao, yogwe nogo At aruk konengge menggerak kwe,

Wundeegwaarak 3:7

Nobakkolage mbareegi, at Aliku ALA nen at yoge logonet, “An napuri o Metit wonogwe nogo it aap Metit mendek nen inayeloman eeppiinok, aaninggin-paaninggin inoba piigwi iinok, yagan wako logonet, inoone nggwok paga nggino yo'nugwi nogo, muk naruk konenggirak me, Yeenggwaaraakit, mbake agarik o.

Yetaya 5:7

At Omaawi Lombok Menggerak Aliku ALA eyabu anggur yarak nogo ti, kit Iterali mendek aret. Ndi, kit aap Yekura mendek ti, anggur awi yarak at inikilom mbake kwak aret me, “Eekaatak a'me nggelok eeppiigwi iyaamun ilik?” yinuk, tokkiige nagagerak kwe, kit mban-mban kinamiya wun-wun yogwe, “Obeelom mban eerit nugwi iyaamun ilik?” yinuk, tokkiige nagagerak kwe, at ambi nen at ambi maluk eeppegak eerit nogo logonet, leenggu maakwi, Eekwi kiige nagaarak o.

Yeremiya 34:8

At aap endagembogut Terekiya nen it aakumi Yerutalem wonogwe nogo abok aret inayeloman mini wondet eerogo piigo logorak inom wone koonogo pogo mbareegwa, Aliku ALA nen at Yeremiya wone yoreegerak.

Yetikiyen 45:9

At Aliku Itok Menggerak ALA nen yegerak nogo yi aret. “It Iterali inoweewi nagawan-nagawan nen an napuri eeppiinet nogwe ti, abu kuli aret o. Inogogumbuk logonet, aakumi maluk eeppiinet nugwi, tebenogo piinet nugwi, eekwi ti, mbo puwak o. Mbo punuk, obeelom mban eeppiinet nugwi, a'me nggelok mban eeppiinet nugwi, eeko logowak o. It an napuri inanggween unde eeppatinuk wonogwe me nen mugogo wumbiigwi ti, ambinom eerugwaarik o, yinuk, Naliku Nitok Minggirak an ALA nen aret yagi o.

Maleyaki 2:13

Ndi, ambi eekwi kiigirak nogo ti, at Aliku ALA ake warogo wogogo menggaarak eerak nogo paga kinale amburu paga miin nggulu eerogo pogo monggotak. Pogo logonet, Nit Aliku ALA wogori wogwe nogo liippege, nineenggi lombok paga nen iri wogwe kwe, ale'nggen nen wagangge, eeka'lek o, yinuk, le yogwe, kiniki wakkologo logonet, leenggu maakwi, eeko monggotak o.

Lukat 18:7

Togop ndak-ndak Ala nen at apuri miirinabeegerak nogo inoone ko'lu-kii'me at yogwi iinok, inowak loonogo inawone abe amburu mbanigin lek mbakop? Logonuk negen inawone mbaniyak mbakop?

Nappiigak 7:26

Nogo ambi yippunuk, ko'lu nen at awuri Iterali mendek mbere yawi pugwi enegen iige nagagerik, ogoorinake logonet, Nawuri o. Kit kimbirak nore-kore aret kwe, nano nduk yawi wat-wat yogo ogotik o? yinuk, yorage mbareegi,

Yakobut 5:4

It kineyabu eeppinagagaarak nogo, onggo ndak-ndak wogoroorak kagak eeko nogogutak me, it inoone mumun kokop yokkirogwe yi, iyaanip o. It ando anggen yugu wonok kira wogwe nogo kunduk, inoone yogwe at Omaawi Lombok Menggerak ninogoba nogo, muk aruk konengge agaarik o.