Nekemiya 4:9 - Ala Wone Peenok Peebi Mbanak

⁹ nit nen ninogoba Ala yogwi, ndi, it wogwe iyo, ko'lu-kii'me tum logowak nduk, aap mippiigwi, eereegurak.

Nekemiya 4:9 ပူးပေါင်းရင်းမြစ်များ

Wakkagagerak 32:28

Yoge mbareegi, at aap nogo nen, Yakup yoge, “Ala inom, aakumi inom, kinom wuk eekkolage logonet, yambunogo piige menggendak me, kat kendage aa'nduk nen Yakup aret kwe, yogondak nen perak, Iterali aret yokkogo logogun o.”

Nekemiya 4:10

Mippiyareegurak ninarum wonogwe iigak, it aakumi o Yekura wonogwe nogo nen yogo logonet, “O langgu-langgu wambit wagagerak logonak ti, iya negen wonage, ndi, nit piyaniyak kunduk ninomaawi lek age, eeke me, yugum pak wuriyak meek ee'ninake o,” yinuk, yogwe,

Nekemiya 4:11

ndi, ninawim nen kunduk yogo logonet, “Ineenu ogwe, inigen niigwi, awo eeka'lek iigak, it inenggela'me unggwi nanuk, inoorogo piigwi niinok, it eekwi ti, lek eerogo piyaagun o,” yinuk, yogwe,

Ayup 5:12

Iniki ngget paga maluk eeriyak koonggwi nogo, at nen lek eerogo piige, It eeriyak koonggwi nogo, ale-pale aruwak nduk eeppiige,

Ndawi 33:10

Yi aakumi ndi aakumi eeriyak koonogo pegaatak nogo At nen lek eerogo pege, It aakumi inanebunu lombok nen, “Ndogop eeruwok,” mbakwi nogo At nen non mbanogo piige, Eeke menggerak kwe,

Ndawi 50:15

Eekwi me, maluk eeppinagarak eyom panggoni wage kenok, Ninagap ndaru o, yinuk, nggino yo'nugwi kiinok, An nen kinagap ndake neenok, Kit an nendage tiyappanggo logomunggup o,” Yinuk, yoraagin o. Ti yorage kagak kwe, aap maluk mendek nogo yorage logonet,

Kini Wuppiige 22:12

It aap yi wone ndi wone alom liippunuk yorogwe iigak, Aliku ALA nen enegen wogonake menggerak kwe, Aap wone abe kagak alik agan nugwi iinok perak, inoone lek eerogo piige menggerak.

Matiyut 26:41

Niniki nen obeelom eeriyak mbakwi kwe, nineebe nen eeriyak meek ee'ninake menggerak me, maluk eeriyak kinikime nggagani wage kero, tum wako logonet, tamban eeko logonip o.”

Lukat 21:36

Ti eekkinaburak nogo kinomaawi togon kinogogumbuk logonet, waganggo logomonggotik, an aap aret nda'nagagirak nenggaanom paga mi'narubagip nduk, tamban mban eeko logonet, kiniki tum wakkologo logonip o,” yinuk, yoragagerak.

1 Peterut 5:8

Kit kinom ogoorak monggotak Tile nogo nen maluk eekkinabikit nduk, nggeewo anini warak pogom nibingginaburak eyak nde agan kwaakkinabit nege me, kit mondok kiniki warak a'nuk, kinagaket paga logonet, tum wakkologo logonip o.