Nekemiya 4:18 - Ala Wone Peenok Peebi Mbanak

¹⁸ ndi, it aap pak wukwi nogo nen inobaloowi inaa'ndok paga keele nggerembunuk wukwi, eeko nogogwaarak. Ndi, at aap oone nggwok eeka trompet oone pu eeka nogo nimbirak aret wonagagirak.

Nekemiya 4:18 ပူးပေါင်းရင်းမြစ်များ

Nekemiya 4:13

it aakumi inawuri ndegek lombok inobaloowi inom, inawooluwak inom, ineegin inom, porogo logonet tum wako logowak nduk, an nen yugum pak uum pega'lek ambokan nogome piinet nagagirak.

Nekemiya 4:17

Ndi, it aap yi mendek ndi mendek kaganogo ira wogwe nogo nen ineenggi peenok yigin porogo logonet, ineenggi peenok yi mendek ndi mendek kaganogo ira wogwe,

Nekemiya 4:19

Togop eekwi me, an nen it aap inoweewi inengga warak nogo inom, o unde inom eeko menggaarak nogo inom, it aakumi ando nogo inom, yorage logonet, “Pak mondok akom tayorogon ninigen yobok yagak wurit nogo logonet, at ambi nen at ambi kagak eeka'lek me,

Yetikiyen 33:3

aakumi nen wooluwak wonok wogwe enegen iige kenok, Wogwe yi aret o, yinuk, kurumbi yorage logonet, oone nggwok eeka trompet nogo oone eeremenggerak

Linggineegwaarak 10:9

Kit kiname wonogwe me, it kinawim nen kinooriyak eekwi nogo muguret wundi nogo logonet, trompet oone pu eekwi kiinok, Naliku kinogoba Ala an nen kinoba abeppunuk kinagap ndarigin o.