Nekemiya 4:17 - Ala Wone Peenok Peebi Mbanak

¹⁷ Ndi, it aap yi mendek ndi mendek kaganogo ira wogwe nogo nen ineenggi peenok yigin porogo logonet, ineenggi peenok yi mendek ndi mendek kaganogo ira wogwe,

Nekemiya 4:17 ပူးပေါင်းရင်းမြစ်များ

Nekemiya 4:13

it aakumi inawuri ndegek lombok inobaloowi inom, inawooluwak inom, ineegin inom, porogo logonet tum wako logowak nduk, an nen yugum pak uum pega'lek ambokan nogome piinet nagagirak.

Nekemiya 4:16

Ne ti kuli nen it an nawuri eegu mogonik yabu eekwi iigak, it ando mogonik nogo inawooluwak waganggwi, inanggeemu waganggwi, ineegin-inomaale kologwe, tin yirikkologwe, eeppunuk, tum wakwi iigak, it inoweewi nogo ti, it aakumi Yekura mendek abok aret pak wukwi nogo inambokan mi'ndak wonogogwaarak.

Nekemiya 4:18

ndi, it aap pak wukwi nogo nen inobaloowi inaa'ndok paga keele nggerembunuk wukwi, eeko nogogwaarak. Ndi, at aap oone nggwok eeka trompet oone pu eeka nogo nimbirak aret wonagagirak.

Ndawi 149:6

Maluk eekwi onggo eeppiigo logorak koonak Liiru mbanak ndak-ndak eeppiinet nogo logonet, Inamee'nggo kolaawok nduk, Yi aakumi ndi aakumi inoorit nogwe, Eeppiyareegwaarak onggo aakumi inanebunu lombok Maluk eeppiinet nogwe, It inoweewi inendagembogut keele maarogo piigwi, Inoweewi nagawan mbutigeele paga maarogo piigwi, Eeko logowak nduk, It Aliku ALA apuri nogo nen ndawi paga Ala tiyappuurak mban inambe paga wonage kagak, Paloowi ngget peenok-peenok maarak ineenggime nutik logowak o. Ti eeppiinet nogo logorak nogo ti, It aakumi at ake leenak menggaarak abok aret inendage tiyak yuwak nduk, eeriyak nogo ti aret o. Aliku ALA tiyappogo logowok o.

Ndawi Iya 3:8

It abok aret ti, oonikiya inamineeri ne agan naga mendek nen aganake kero, Inalitik-inalitak wim inigen amburu mbanak nen mbuti wooluwak li'luk eeppunuk wogwe, Mbuti wooluwak ineenggime nutik wogwe, Eeko agaarik o.

Ndaniyen 9:25

Wone yokkege yi, kinikime mondok liippege, liirogon wagangge, eeke logot o. O Yerutalem obaane'me mondok wuriyak o, yinuk, wone lengganogo wumbemenggerak kuli nen nok, at Ala nen leenogo punuk amburu eeppereegerak aap endagembogut nogo woroorak eyom kuli ti, tujuh kali tujuh inom, enam puluh dua kali tujuh inom, eerigin o. Ti eerit nage kagak, o Yerutalem maluk aago wonage nogo obaane'me wuko logonet, tu koonogo yarit nogwe, yugum pak yengget-wangget wurogo pit nogwe, eerugun kwe, aaninggin inoba piigwi iigak eeko logogun o.

Yowen 2:8

It tu pelen-pelen naga'lek tu inalitak koonak mban wogwe, Inaru non mbanak kagak poloninuk wogwe, Oolo mbannaga'lek mondok kunik-kunik aret wogwe, Eeko agaarik o.

1 Korindut 16:13

Kit kinagabiti lek kinogogumbuk logonet, Ala abet mbakwi nogo paga kiniki kwippunuk, tum pippak wako logonip o.

1 Korindut 9:12

It iyaalok Ala wone kinikime awi yappinagulik mendek nen, “It inamendek ando wo'niraagun,” mba'nuk, kinoba aberak wonogwe iinok, wogorogo monggotak kwe, nit iyaalok yappinagareegurak nogo nen, “Wo'niraanip o,” yinuk, yokkiroorak meek mbakop? Yokkiroorak op aret kwe, obeelom wone Keritut yo'niragagerak wone nogo wiganit nage me, non mbambukwak nduk, “Wo'niraanip o,” yokkiraga'lek nineenggi paga nen mban eekko'net nogo ogoorik o.

2 Korindut 6:7

Ala ari menggerak wone yokkirogwe, Ala omaawi paga eeppinanege kagak eerit nugwi, obeelom mban eerit nogo logonet, wone ti, nineegin-ninomaale kwak li'luk eerak wonok nugwi,

Pilipi 1:28

It kinom ogoorak wonogwe nogo ineebe paga kinagabiti mbarugup o. Kinagabiti mbaka'lek nugwi ti paga, it kinom ogoorak wonogwe nogo nen, “Ia! It abet aret yogwe me, nit perak, lek eerogo pinaniyak kagi,” yinuk, yugun o. Ndi, kit perak, Ala nen abet aret kinagap ndakkinabeegerak kineenu arumunggup o.

2 Timotiyut 2:3

Maluk eeppanugwi iigak, nogogumbuk logonet wagangge minggi kwak, kat Keritut Yetut awot yigin unde abe kwak logonet, nimbirak ndak-ndak waganggo logowok o.

2 Timotiyut 4:7

Nit abet mba'nuk mugurok nogwe nogo kolaawok nduk, wakkagak eeko monggoorak nogo ti, an mondok wakkagak eeke nagagirak o. “Kuli ndi paga mbe agan mi'nari nak o,” yorogwe iinok, mbe agan mi'nari nogo mengga kwak, an abu irip paga kuli mi'nari wagi o. Nit wone abet mba'nuk mugurok nogwe nogo ti, an mondok aret porogo wonagagirak.