Nekemiya 4:11 - Ala Wone Peenok Peebi Mbanak

¹¹ ndi, ninawim nen kunduk yogo logonet, “Ineenu ogwe, inigen niigwi, awo eeka'lek iigak, it inenggela'me unggwi nanuk, inoorogo piigwi niinok, it eekwi ti, lek eerogo piyaagun o,” yinuk, yogwe,

Nekemiya 4:11 ပူးပေါင်းရင်းမြစ်များ

2 Tamuwen 17:2

Yo'nege keenok, an nawuri ninom nen Ndawut kwaappunuk, mugurok nappegak-wappegak eerit nogwe niinok, ogowa lek aremenggerak enegen keme ari wonage me, ogut nak-nak pippunuk, endagembogut Ndawut mban wakwi niigak, at inom nugwi nogo abok aret inalitak mbaganit nagun o.

Nekemiya 4:10

Mippiyareegurak ninarum wonogwe iigak, it aakumi o Yekura wonogwe nogo nen yogo logonet, “O langgu-langgu wambit wagagerak logonak ti, iya negen wonage, ndi, nit piyaniyak kunduk ninomaawi lek age, eeke me, yugum pak wuriyak meek ee'ninake o,” yinuk, yogwe,

Nekemiya 4:12

ndi, nit Yakuri mendek it ninawim inom koorok wonogwe nogo nen kuluk-kuluk aret kurumbi yo'nira wogo logonet, “Ninawim ninaagan-ninambokan wonogwe nogo nen ninoori woraagun o,” yinuk, yo'nirogwe, eekwi iinok,

Nekemiya 4:9

nit nen ninogoba Ala yogwi, ndi, it wogwe iyo, ko'lu-kii'me tum logowak nduk, aap mippiigwi, eereegurak.

Ndawi 56:6

Nenggaawak mbet-mbet lek eerogo panuwok nduk, Wone kote koonogo pugwi, “Nonggop ari kaamun?” yinuk, molok nirit nugwi, An nage neegak, inigen wo'neren nogwe, Eeko menggaarak.

Yetaya 47:11

Togop kwe, aaninggin kat koba arigin nogo ti, tili paganemenggendak paga lek eerogo pake, Maluk koba kwi'nariyak nduk eeke kagak kamendek at ake wogoremenggendak paga woppake, Eerumunggun lek o. Ata, Aaninggin mendek noba arigin, mbaka'lek nogo aret yini-panip koba kwi'nage kaamunggun o.

Nappiigak 23:12

Ko'lu o weege mbareegi, it Yakuri mendek kuwak eeppunuk wone kote mbanggo logonet, “At Pawulut waka'lek kagak, nit mbi inom, yi inom, ti noorak mondok lek o,” yinuk, Ala endage kumbunuk kumbuk mbaneegwaarak.

Nappiigak 23:21

yokkiri wogwe iinok, koneniyak abu lek o. It Yakuri mendek ineebe 40 ando inom nen, At Pawulut waka'lek kagak, mbi inom, yi inom, nit noorak mondok lek o, yinuk, Ala endage kumbunuk, kumbuk mbambunuk enaarak logonet, kat ari keyo mban inaruk agaarik o,” yoreegerak.

1 Tetalonika 5:2

At ninowe woroorak eyom nogo ti, aap yogoot wagangga nen oonikiya wogo menggaarak nogo pogom woraagin ti, muk kineenu aret o.