Nekemiya 3:19 - Ala Wone Peenok Peebi Mbanak

¹⁹ at eeke nogo panggombunuk, yigin awi wurik me laganggo menggam enaame nen nok, unggut me kuli aap o Mitapa unde inowe Yetuwa aput Etet nen ogobakkigirogo pit nage,

Nekemiya 3:19 ပူးပေါင်းရင်းမြစ်များ

2 Mbinineegwaarak 26:9

O Yerutalem omaawi logowak nduk, pak wurik tu unggwogo menggam endage ti, Unggu'me inom, Kobappaga inom, pak wurik ena yomonak me inom, o nggayo tum logorak wurogo pit nage, ndi, o Yerutalem endekenggwe karume puut irip pi nagagim inom, kobappaga inom, aanggumi ambik unde wonagagerak me, karume nggayo tum logorak wurogo pit nage, niyo noorak nggween kabunogo pit nage, eereegerak. At yabu eeriyak inikilom me, puut nggelok-nggobok me inom, kobappaga nggween mili wonage me inom, at eyabu yarak me kunduk, anggur awi yarak me kunduk, arum logowak nduk, aap leenogo piinet nagagerak.

Nekemiya 10:9

it aap Lewi mendek Ataniya aput Yetuwa, Kenarat apuri ambi Mbinuwi, Karimiyen,

Nekemiya 12:8

Ndi, it aap Lewi mendek nogo ti, Yetuwa inom, Mbinuwi inom, Karimiyen inom, Terebiya inom, Yekura inom, aap oreewi inom Ala, “Wa!” yogo logonet, ndawi tiyangga Mataniya inom,

Nekemiya 3:15

Tu unggwogo nogogwam endage, Niyo Ti'mbilili Wangge Menggim ti, aap o Mitapa unde Kolokote aput Talum nen obaane'me wurogo punuk, oo'ngget maarogo pege, tungga nggelenogo pege, wa'mbit narogo pege, eeke nagagerik, niyo narak Tilowam aap endagembogut eyabu yarak me nen nok, at Ndawut agota wambi nogo menggam nda'nggi yugum paga pugu kuli owa'nagat wurogo pege,

Nekemiya 3:18

at eeke nogo panggombunuk, it aap Kekila mendek inoreewi ando nen aap o Kekila abeenok unde inowe Kenarat aput Mbinuwi inarum wonage kagak, ogobakkigirogo pit nogwe,

Nekemiya 3:24

at eeke nogo panggombunuk, aap Atariya awi wurik me nen nok, pak wurik unggut yomonak me aap Kenarat aput Mbinuwi nen ogobakkigirogo pit nage,