Nekemiya 3:15 - Ala Wone Peenok Peebi Mbanak

¹⁵ Tu unggwogo nogogwam endage, Niyo Ti'mbilili Wangge Menggim ti, aap o Mitapa unde Kolokote aput Talum nen obaane'me wurogo punuk, oo'ngget maarogo pege, tungga nggelenogo pege, wa'mbit narogo pege, eeke nagagerik, niyo narak Tilowam aap endagembogut eyabu yarak me nen nok, at Ndawut agota wambi nogo menggam nda'nggi yugum paga pugu kuli owa'nagat wurogo pege,

Nekemiya 3:15 ပူးပေါင်းရင်းမြစ်များ

2 Endagembogut 25:4

Aganake mbareegi, it aap Yekura ineegin warak abok aret oonikiya it aap Mbaben mendek o kota wanggeppiinok wonogwe iigak, o kota yugum pak wurik nogo, eno pelembunuk, aap endagembogut eyabu yarak me koorok owa'nagat peenok-peenok wurik kagak, oolo tu unggwogo menggam nogo paga wundi nogo nogogwaarik, kole mbaganit o Araba niyo Yoraran kobappaga ari nawok nduk nogwe me,

2 Mbinineegwaarak 32:30

At Kitikiya nen aret niyo Nggikon eneeri narogo punuk, nage logowak nduk, nggween nenaarit nagagi-nagagi Ndawut agota oonegen kilu yi nage menggim pa'nggwe polonogo wumbi nagagerak. At eeriyak mbake abok aret a'me nggelok yit nage nagagerak kwe,

Nekemiya 12:37

tu unggwogo menggam endage, Niyo Ti'mbilili Wangge Menggim, nen Ndawut agota nda'nggi laganggo menggam lagi nanuk, aap endagembogut Ndawut awi o nggwok abe wurik kagak irimbaga tu unggwogo menggam endage, Niyo Oonegen Lagi Wage Menggim, nogome ari nogogwaarak.

Nekemiya 2:14

Aap Endagembogut Aniyo Narak Me tu unggwi wogo menggam endage, Niyo Ti'mbilili Wangge Menggim nawok nduk, eereegurak kwe, tu abu kagaarogo pereegwaarak me, kuda paga kwi'na'nuk nage nogo, tu ti paga noorak meek age mbareegi, yungguninuk,

Nekemiya 2:17

Ineenggo'lek aret wonogwe me, an nen it yorage logonet, “Aaninggin-paaninggin ninoba kwi'nagaarak yi, kinigen kaanip o. O Yerutalem yinik-minik eerogo pugwi, pak ambe mbanak abok aret kani mbelanogo pugwi, eereegwaarak me, nit ninenggali mbakak logukwak, o Yerutalem pak obaane'me wuruwok o.”

Nekemiya 3:12

it eekwi nogo panggombunuk, o Yerutalem abeenok unde menggerak aap Kaloketi aput Talum apuri komologwe inom nen ogobakkigirogo pit nogwe, eereegwaarak.

Nekemiya 3:14

Tu unggwogo nogogwam, Inambeebuk Pogo Menggam ti, o Mbet-Kerem unde aap Erekap aput Malikiya nen obaane'me wurogo tungga nggelenogo pege, wa'mbit narogo pege, eereegerak.

Nekemiya 3:19

at eeke nogo panggombunuk, yigin awi wurik me laganggo menggam enaame nen nok, unggut me kuli aap o Mitapa unde inowe Yetuwa aput Etet nen ogobakkigirogo pit nage,

Nekemiya 3:7

it eekwi panggombunuk, aap Nggibeyon mendek Melata inom, aap o Meronot mendek Yaron inom, o niyo Eparat oonegen kilu yi nage menggim pa'nggwe yibagan unde inowe abu'me wonogwe it aap o Nggibeyon mendek eege, Mitapa mendek eege, nogo inom, nen ogobakkigirogo pit nogwe,

Nekemiya 3:9

Ti pi nogogwaarak nogo panggombunuk, o Yerutalem peenok unde wonagagerak aap Kut aput Erepaya nen ogobakkigirogo pit nage,

Wone Alom Kibingga 2:6

Eeke nagagirik, yarak nogome mili kwit agan lagangge logowak nduk, niyo kilirogo pit nagak ake nggween kabunogo pit nage,

Yetaya 8:6

“It aakumi yi, niyo Tiyilowa elaganggen abolok lek wage nogo mbo punuk, Aap inendagembogut Eretin inom, aap Eremaliya aput inom, inikilom mbakwi me,

Yeremiya 40:6

Nappege mbareegi, at Yeremiya nogo aap Akikam aput Nggeraliya o Mitipa wonage me, ka nanuk, imbirak it aakumi o time mbo piinok nogogwaarak nogo inom aret wonogogwaarak.

Lukat 13:4

O Tilowam o nggorek wurik ngginnage logonet, it aap 18 aambeleninabeegerak nogo ti, it aakumi ugun Yerutalem wonogwe ti, maluk eekwi lek negen, ndi, it aambeleninabeegerak nogo ti, maluk nggwok eereegwaarak me, aambeleninabeegerak mbakop?

Yaya 9:7

Nabembege nagagerik, “Wulaga! Kat yi yenggenak Tilowam koori nak o.” Yoge mbareegi, koori nage nagagerik, enegen obeelom a'nuk wagagerak. (Yi yenggenak Tilowam yereegerak nogo ti, nit ninoone paga, Nappereegim, aret o.)

Owak Loongga 20:1

Wone mbanggo nogogwaarik, aakumi Iterali nogo apit aret inanebunu Ndan wonogwe me kuli nen nugwa, o Mberetiyeba inom, o Nggileyat mendek inom, aap wim nambuka inawooluwak li'luk aago ineebe empat ratus ribu ambugwi aret at Aliku ALA enggaanom paga o Mitapa aret kuwak eeri wogo logonet, Ala apuri kuwak eerak inanebunu lombok inoweewi inom aret kuwak eereegwaarak.

Owak Loongga 20:3

Ndi, Iterali apit o Mitapa kuwak eekwi nogo aakumi Mbeniyamin mendek inaruk koneneegwaarak. It Iterali nogo kuwak eeko nogogwaarik, aap Lewi mendek nogo yogo logonet, “Eekulik maluk mendek agaarak nogo alom liirogon aret mbininniret o.”