Nekemiya 2:6 - Ala Wone Peenok Peebi Mbanak

⁶ Yoge mbareegi, aap endagembogut akwe kwe nggwok nogo, imbirak taati kwi'ndak logonet, aap endagembogut nen an yo'nege, “Kat nogo mande yegak tu paga nage logomenggendik, ne mande logonuk, kiyokan woraamunggun o?” Yo'nege mbareegi, an nen, “Ne ndi paga woraagin o,” yoge mbareegi, “Togop kenok noorak op aret o,” yinuk, nappani woroorak mbareegerak.

Nekemiya 2:6 ပူးပေါင်းရင်းမြစ်များ

Nekemiya 1:11

nogoba wae. An kayeloman tamban eeke yi inom, it kayeloman mini iniki nen kayuk wuko logonet, tamban eekwi ti inom, karuk liirogon konenu o. Ndi, konengge logomenggendik, o yogondak aret an aap ti, yori unggwage neegak, E o, yuwak nduk, an kayeloman yi, nabuwa mbaru o,” yinuk, tamban eereegirak. An ti, aap endagembogut ake agi toolak wonok nega aret wonagagirak.

Nekemiya 13:6

Ti eekwi iigak, an o Yerutalem wonage logolik. An nogo, aap Aratakata it Mbaben mendek inowe endagembogut wonage kagak, tahun 31 eeppunuk, ambi age paga niyokan aap endagembogut nogo owagam nagagirak me, we mbuuluk wonagagirik, woraakit nduk, aap endagembogut nogo yo'nuk,

Nekemiya 2:4

Yoge mbareegi, at endagembogut nogo nen an yo'nege logonet, “Togop kenok, kat nen an nano eeppagarak uugwe mbaken?” Yo'nege mbareegi, an ninikime nen at mbogut paga menggerak Ala endage kunogo

Nekemiya 2:5

aap endagembogut nogo yoge logonet, “Kat kendagembogut nen an kayeloman yi, nombomini kambeegwaarak piya unggwogogwam o Yekura kota Yerutalem obaane'me wuriyak op aret mbake, ndi, At nen aret wuri nagin, nombake, eeke keenok, an aret nappanu o.”

Nekemiya 5:14

Aap Aratakata nogo endagembogut wonage kagak tahun 19 eeppunuk ambi eerak nen nok, tahun 32 ari nage kagak, an o Yekura unde logokit nduk, mippaneegerak wonage neegak tahun 12 aret agagerak. Age kagak, aap o unde menggerak ake mbi punik nogo an inom, noreewi inom, nonggo logolik kwe,

Yetaya 58:12

O aa'nduk lombok ogowa pugu langgunogo pereegwaarak nogo inapuri nen obaane'me pit nogwe, O maan togon yigirik-noonom eerogo pereegwaarak nogo obaane'me wukwi, Eerugun o. Ti eeremenggaarak paga it aakumi nen, Yugum Pak Wurik Langgunik Obaane'me Wuka, yorogwe, Aakumi Logorak Tu Koonogo Piinet Naga, yorogwe, eeko logogun o,” yinuk, yegerak me, yokkiragi o.

Yetaya 61:4

O maan togon kota-kota langgu-langgu eerogo pereegwaarak nogo obaane'me wukwi, O maan togon yi oone ndi oone lek wonagagim aa'nduk wonagagi kwak eerogo pugwi, Eerugun me, Kota-kota maluk eerogo pereegwaarak yi oone ndi oone lek kagak inapuri nda'narit wundi wogo nogogwaarak nogo, aa'nduk wonagagi kwak aret arigin o.

Yetaya 65:24

It awo nggino yo'nega'lek iigak, yo'niriyak mbakwi nogo onggo muk yorage, Ndi, awo tamban eekwi iigak, an muk aret naruk konengge, Eeke logogin o.

Ndaniyen 9:25

Wone yokkege yi, kinikime mondok liippege, liirogon wagangge, eeke logot o. O Yerutalem obaane'me mondok wuriyak o, yinuk, wone lengganogo wumbemenggerak kuli nen nok, at Ala nen leenogo punuk amburu eeppereegerak aap endagembogut nogo woroorak eyom kuli ti, tujuh kali tujuh inom, enam puluh dua kali tujuh inom, eerigin o. Ti eerit nage kagak, o Yerutalem maluk aago wonage nogo obaane'me wuko logonet, tu koonogo yarit nogwe, yugum pak yengget-wangget wurogo pit nogwe, eerugun kwe, aaninggin inoba piigwi iigak eeko logogun o.