Nekemiya 2:17 - Ala Wone Peenok Peebi Mbanak

¹⁷ Ineenggo'lek aret wonogwe me, an nen it yorage logonet, “Aaninggin-paaninggin ninoba kwi'nagaarak yi, kinigen kaanip o. O Yerutalem yinik-minik eerogo pugwi, pak ambe mbanak abok aret kani mbelanogo pugwi, eereegwaarak me, nit ninenggali mbakak logukwak, o Yerutalem pak obaane'me wuruwok o.”

Nekemiya 2:17 ပူးပေါင်းရင်းမြစ်များ

Etara 9:9

Nit aakumi inayeloman agago tebembinanogo wonogwe iigak kwe, kat ninogoba Ala mbo pinanulik obeelom mban eeppinanege logonet, it aakumi Peritiya mendek inoweewi inendagembogut nen inigen niinok ninabuwa mbaruwak nduk, eeppiige, ninogoba kat kawi wurik wonagagim obaane'me wukwi, ndi, langgu-langgu nagagerak nogo ogobakkigikwi, eeruwok nduk, niniki aganggen kerek togon eerogo pinanege, ndi, nit o Yekura wonogwe inom, kota Yerutalem wonogwe inom, niniki ugun tayenak logowok nduk, yugum pak negen wurogo pinanege, eereegindak o.

Nekemiya 1:3

Kin wogonake mbareegi, it nen an yo'nogo logonet, “Lek o. It aakumi wogoren piya wagagerak yime nen o Yerutalem nogogwaarak wonogwe nogo, aaninggin-paaninggin inoba kwi'nagaarak wonogwe, inenggali mbakak nugwi, eeko agaarik o. Ndi, o Yerutalem ti, yugum pak wurik yinik-minik eerogo pugwi, tu unggwogo menggam pak ambe mbanak nogo kani mbelanogo pugwi, eerogo pereegwaarak wonage o,” yinuk, yo'nereegwaarak.

Nekemiya 2:13

O Yerutalem pak wurik yinik-minik eerogo pugwi, pak ambe mbanak kani mbelanogo pugwi, eerak nogo oonikiya ti paga aret maloppit nage logonet, tu unggwogo menggam endage, Kobappaga, ti paga wundi nanuk, niyo endage, Waalo Eneerime nogo menggam nawok nduk, tu unggwogo menggam endage, Inambeebuk Pogo Menggam ari nanuk, nugwa,

Nekemiya 2:16

An nen, “Togop eeri na o,” yinuk, yoroolik me, pekkenet nagagirak eege, eeriyak kooneegirak eege, it Yakuri mendek inom, Ala unde inom, aap inengga warak inom, inendage warak inom, ndi, it o pak wurugun nogo inom, ineenggo'lek ugun aret wonogogwaarak.

Nekemiya 3:15

Tu unggwogo nogogwam endage, Niyo Ti'mbilili Wangge Menggim ti, aap o Mitapa unde Kolokote aput Talum nen obaane'me wurogo punuk, oo'ngget maarogo pege, tungga nggelenogo pege, wa'mbit narogo pege, eeke nagagerik, niyo narak Tilowam aap endagembogut eyabu yarak me nen nok, at Ndawut agota wambi nogo menggam nda'nggi yugum paga pugu kuli owa'nagat wurogo pege,

Ndawi 102:15

Kaliku ALA nen o Tiyon obaane'me wurogo pege, Kat kabinak pindan-pindan aago logonet wage, Eeke keenok, Yi aakumi ndi aakumi abok aret Kaliku ALA kendage kumbunuk, inagabiti mbakwi, It aap inendagembogut nggween paga wonogwe nogo Abok nen kendage abu tiyanak keenok kayuk wukwi, Eeko logogun o.

Ndawi 44:13

It aap ninom koorok wonogwe nen, “It yi maluk aret iigo o,” Ninombaruwak nduk eeppiige, It ninaagan-ninambokan wonogwe nen Meek eerogo pinanogo logonet, “Ha!” yo'niruwak nduk eeppiige, Eekendak o.

Ndawi 44:14

Yi aakumi ndi aakumi inenggela'me mbo pinanegendak wonogwe niigak, “It nogo yi aret nugu agaarik a!” Yinuk, yo'nirogo logowak nduk, Eerogo pinanegendak paga It aakumi inanebunu lombok nen, “It yi meek aret iigo o,” yinuk, Ninagi'ndok kanggo agaarik o.

Ndawi 79:12

Nogoba o. It aakumi ninaagan-ambokan wonogwe yi, Kat meek eerogo pagagaarak onggo ne 7 kuli melak togon inoba kwippiyet o.

Ndawi 79:4

Togop aago wonogwe iinok, Aakumi ninom korotok wonogwe nen ninagi'ndok kanggwi, Ninaagan-ambokan menggaarak nen, “Op eeppiiga,” yinuk, Miyuk-meya eerogo pinanugwi, Eeko agaarik o.

Yeremiya 24:9

An nen it mak eerogo piyaminggirak yi aakumi ndi aakumi inabu'me piigo menggam o nggween paga wonogwe abok aret inenggela'me time nugwi iinok, Inogole o, yogwe, inoba laarogo yogwe, it eekwi in wakkagak yogwe, meek eerogo piigwi, inagi'ndok kanggwi, pulunogo piigwi, eeko logowak nduk, eerogo piyaagin o.

Leendawi 2:2

Abuwa mbaka'lek nogoba Ala nen it Yakup mendek wonogo menggam abok aret pup eerogo pege, At anini nen o Yekura Aagalukwe obak wurik abok aret yigirik-noonom eerogo wurabit nage, At abu'me piige menggim inom, at arum menggaarak nagawan-nagawan inom, inendage maluk eerogo pege, Eereegerak.

Leendawi 3:51

Nagota aagalogwe komologwe eeginakerak wonogwe iinok, niniki andi lombok ee'nake agaarik o.

Yetikiyen 5:14

Kota Yerutalem ti, yigirik-noonom eerogo pege, yi aakumi ndi aakumi at enaagan-ambokan wonage nogo, tu ti paga nogo logonet, eeriminggirak inigen kenok, Yogobi ariyak kagak wonagaarak, ha! yinuk, yogo logowak nduk eeppiige, eerigin o.

Mika 7:11

Kat Yerutalem yi wae. Kayugum pak obaane'me wurogo pege, Kanggween kuli pugu ambe wigak togon eerogo pege, Eeriyak eyom panggoni woraagin o.

1 Tamuwen 11:2

Yoreegwaarak kwe, aap Amon mendek Nakat nogo nen wone onggo it yorage logonet, “Kit nen, Nit Iterali mendek abok aret ninenggali aruwok nduk, ninalitik-ninalitak ninigen abe'nggan pa'nggwe kilirogo pinaniyak op aret o, mbakwi kiinok, ninom wone mbaniyak op aret kwe, togop mbakwi lek kiinok perak, an ninom wone mbaniyak lek aret o.”