Nekemiya 2:14 - Ala Wone Peenok Peebi Mbanak

¹⁴ Aap Endagembogut Aniyo Narak Me tu unggwi wogo menggam endage, Niyo Ti'mbilili Wangge Menggim nawok nduk, eereegurak kwe, tu abu kagaarogo pereegwaarak me, kuda paga kwi'na'nuk nage nogo, tu ti paga noorak meek age mbareegi, yungguninuk,

Nekemiya 2:14 ပူးပေါင်းရင်းမြစ်များ

2 Endagembogut 18:17

Ndi, at aap Atiyut inowe endagembogut nogo, o Lakit nen aap ineegin warak inowe inom, aap endagembogut awi arum waka inowe inom, aap endagembogut wonok nega inowe inom, awuri ineegin warak ambik aret inom, aap endagembogut Kitikiya o Yerutalem wonage me nappiya wage mbareegi, o Yerutalem wogo nogogwaarik, tu Yum Kooko Menggam Nogo Menggam niyo yenggenak irimbaga niyo mbininik me time ari wa'nuk, logonet,

2 Endagembogut 20:20

At Kitikiya nogo endagembogut a'nuk, wone lengganogo yorage logonet eeke nagagerak inom, eeke paga endage nggwok agagerak inom, ndi, niyo narogo pereegerak inom, niyo nage logorak yugum eno pelenogo pit nagagi-nagagi o kota manabi wagagerak inom, ando abok ti, aap Yekura inoweewi inendagembogut eeko nogogwaarak liiru mbanak paga, inom mbanak wonage nogo lek a?

2 Mbinineegwaarak 32:30

At Kitikiya nen aret niyo Nggikon eneeri narogo punuk, nage logowak nduk, nggween nenaarit nagagi-nagagi Ndawut agota oonegen kilu yi nage menggim pa'nggwe polonogo wumbi nagagerak. At eeriyak mbake abok aret a'me nggelok yit nage nagagerak kwe,

Nekemiya 12:37

tu unggwogo menggam endage, Niyo Ti'mbilili Wangge Menggim, nen Ndawut agota nda'nggi laganggo menggam lagi nanuk, aap endagembogut Ndawut awi o nggwok abe wurik kagak irimbaga tu unggwogo menggam endage, Niyo Oonegen Lagi Wage Menggim, nogome ari nogogwaarak.

Nekemiya 3:15

Tu unggwogo nogogwam endage, Niyo Ti'mbilili Wangge Menggim ti, aap o Mitapa unde Kolokote aput Talum nen obaane'me wurogo punuk, oo'ngget maarogo pege, tungga nggelenogo pege, wa'mbit narogo pege, eeke nagagerik, niyo narak Tilowam aap endagembogut eyabu yarak me nen nok, at Ndawut agota wambi nogo menggam nda'nggi yugum paga pugu kuli owa'nagat wurogo pege,

Nekemiya 3:16

at eeke nogo panggombunuk, aap o Mbet-Tut abeenok unde inowe aap Atubuk aput Nekemiya nen wurit nok, Ndawut kambeegerak pi unggwogogwam nakkandigin niyo narogo pereegwam inom, it aap wim wakaa'ngget inawi wonogogwam inom, kuli wurogo pi nage, eereegwaarak.

Wone Alom Kibingga 2:6

Eeke nagagirik, yarak nogome mili kwit agan lagangge logowak nduk, niyo kilirogo pit nagak ake nggween kabunogo pit nage,