Nekemiya 2:12 - Ala Wone Peenok Peebi Mbanak

¹² an o Yerutalem nonggop eeriyak nogo, Ala nen koonogo ninikime pereegerak me, aap ambi yoraga'lek aret oonikiya ti paga neenik age nagagirik, an noreewi ineebe mande negen ninom nogo logonet, it kuda paga lagi noolik nalik aret kuda paga lagi nanuk nagagirak.

Nekemiya 2:12 ပူးပေါင်းရင်းမြစ်များ

Etara 7:27

Ndi, liiru an Etara nake mbaneegerak nogo woppunuk, pekkage nagarik, “Ala wa,” yinuk, yoge logonet, “Kaliku ALA kawi wurik o Yerutalem wonage nogo obeelom eerogo puwak nduk, aap endagembogut inikime mambege, ndi, kat an nabuwa mba'nuk aap endagembogut inom, inom wone koongga inom, inom eeko menggaarak inendage warak nagawan-nagawan inom, abok aret yeenggwa niruwak nduk, eeppiige, eekendak me, Kaliku ninombomini inogoba Ala kendage tiyappagage agarik o.” Ari nagarik, at Aliku nogoba Ala eenggi nggorek paga nobappanogo wonagagerak me, nogogumbuk a'nuk, aakumi Iterali inenggela'me nen inoweewi ninom woraakit nduk, kuwak eeppiinok, ninom wogogurak ti aret.

Nekemiya 2:11

Ndi, an o Yerutalem abu aret wage nagagirik, nogo kenagan yippunuk,

Nekemiya 2:13

O Yerutalem pak wurik yinik-minik eerogo pugwi, pak ambe mbanak kani mbelanogo pugwi, eerak nogo oonikiya ti paga aret maloppit nage logonet, tu unggwogo menggam endage, Kobappaga, ti paga wundi nanuk, niyo endage, Waalo Eneerime nogo menggam nawok nduk, tu unggwogo menggam endage, Inambeebuk Pogo Menggam ari nanuk, nugwa,

Ndawi 122:6

Kat Yerutalem kiniki ugun tayenak logonok nduk, Kake tamban eeko logonet, “Aap iniki kunik eekkako menggaarak nogo Iniki ugun tayenak wonogwe,

Ndawi 51:18

Eeriyak op mbake keenok, o Tiyon obeelom eerogo pege, Kota Yerutalem yugum pak wurogo pit nage, Eeru o.

Kini Wuppiige 12:23

Aap iniki penenak nen yi wone ndi wone ineenu nogo inikime tebembunuk menggaarak kwe, It iniki lek nogo nen aap wi yogo mengga kwak ugun-ugun agan nugu menggaarak.

Wone Alom Kibingga 3:7

Nibik yuurak eyom wonage, penggaariyak eyom wonage, Inoone yuurak lek eyom wonage, inoone yuurak eyom wonage,

Yeremiya 31:33

“Ti eyom abu aret age kenok, it Iterali paga wiganak wone ngget mendek ninom koonogo puurak nogo yi aret. Eeko logorak yoragagirak nogo inikime nabenogo piige, Inikime liiru negen mbanogo piige, Eerigin me, An nen it inogoba age, ndi, it nen an napuri ogwe, Eerugun o.

Yeremiya 32:40

Eeko logorak wone ninom mondok-mondok koonogo pigin nogo ti, an nen obeelom eeppiige nogo lek arigin lek mondok-mondok aret eeppiinet wundi wage, it an mbo paninuk nomo agan naga'lek an paga mondok-mondok inagabiti mbako logowak nduk, eeppiige,

Amot 5:13

It aap iniki warak nogo nen, “Inowak loonggwi eyom ti, maluk ariyak eyom aret me,” yinuk, Inoone ambi yaga'lek puk aret menggaarak o.

Mika 7:5

Aap aput wulaga nen ogoba meek eerogo pege, Apuluk kolaga nen mi'nage logonet, agalo imbirak ogookkologwe, Enggelo nen enggelo imbirak ogookkologwe, Aap ambi inom wim mbanak ti, owe-awot aret wonogwe, Eerugun me, Kinom monggotak kiniki inoba panggombugwi, “Ninore aret o,” yinuk, it inoba panggonak wonogwe, Eeriyak mage o. Ndi, kwe ambi kinaawi paga windak aruk konengge kero, kinoone yogwe nogo liippogo logonip o.

Matiyut 10:16

Wone ambinom yorage logonet, “Kit ndomba kokwak yi, it aakumi nggeewo endekem mendek pogom wonogwe me, inowagam nappinagage agarik o. Nappinagaminggirak inenggela'me logonet, waalo yimela-nimela nege menggi kwak nugu logonet, towe puume enegen waanggo pogom nugu logomunggup o.

Matiyut 2:14

Abi paga yoge mbareegi, at Yutup nogo oonikiya aret mi'na'nuk, elege nogo agalo imbirak wogoret o Metit nage nagagerik,

2 Korindut 8:16

Nit nen kinoba aberak me, yeenggwaagiroorak mbako monggoorak nogo kokwak, aap Titut togop aret yeenggwaagirage logowak nduk, Ala nen iniki koonggerak me, “Ala wa,” yoge minggirak.

Yotuwa 10:9

Yoge mbareegi, at Yotuwa awuri inom o Nggilagan nen oonikiya aret wundi nogo nogogwaarik, nogwe iigak, o weege mbareegi, yini-panip aret inoba kwi'nogwe iigak,

Owak Loongga 6:27

Yoge mbareegi, Nggireyon nen ayeloman ineebe 10 wogoren Aliku ALA nen at yoreegerak nogo ndak-ndak eeriyak nduk, nogogwaarak kwe, at owe-awot inom, aap o time mendek inom, inenggaanom paga eeriyak agabiti nen, liingge paga eerulik, ata, oonikiya paga aret eereegerak.

Owak Loongga 9:32

Togop aret me, kat inom, kat koreewi kinom wonogwe ti inom, oonikiya paga aret wogo logomonggotik, yabu yarak me time kumaarak ambe nggaganak a woramonggotak me,