Nekemiya 2:10 - Ala Wone Peenok Peebi Mbanak

¹⁰ Wogoranet nage mbareegi, aap Koron mendek Tambalat inom, aap Amon mendek inom eeke menggerak Tobiya inom, imbirak nen, “Aap Iterali mendek yeenggwaaraawak nduk wagaarak o,” yogwe inaruk konenggo nogogwaarik, inanini ambik ogogwaarak.

Nekemiya 2:10 ပူးပေါင်းရင်းမြစ်များ

Nekemiya 13:1

Ne ti eyom paga it aakumi apit aret inaruk konenggwi iigak, eeko logorak wone lengganak Muta nen liiru mbaneegerak nogo, malenggo logonet, aap Amon mendek inom, Mowap mendek inom, it Iterali wogwe me, ineebe woppiinok, mbi inom, niyo inom, wogoroorak kagak, at Mbileyam nen pulunogo piyaawak nduk, onggo wogoreegwaarak me, it aap Amon mendek inom, Mowap mendek inom, Ala apuri kuwak eekwi me, “Inom kuwak eeko logorak mage o,” yugu nogo liiru mbanak kogogwaarak. Aap Mbileyam pulunogo pinaneegerak nogo ti, ninogoba Ala melak togon ale'nggen ninoba pinaneegerak kwe,

Nekemiya 13:28

at aap Ala unde inowe Eliyatip ombooluk Yoyara aput ambi nen aap Mbet-Koron mendek Tambalat apuluk waganeegerak me, an wonage me nen mugogo wumbereegirak.

Nekemiya 13:4

Ti awo eeka'lek kagak, ninogoba Ala awi wurik me ake pogo menggam unde logowak nduk, aap Ala unde Eliyatip nogo mippereegwaarak. At Eliyatip nogo aap Tobiya imbirak kunik wonage me,

Nekemiya 2:19

Ti eeko mbareegwa, aap Koron mendek Tambalat inom, aap Amon mendek inom eeke menggerak Tobiya inom, aap Arap mendek Nggeteyem inom, inaruk konenggo nogogwaarik, ninagi'ndok kanggwi, miyuk-meya eerogo pinanugwi, eeko logonet, nit yo'nirogwe, “Kit nano eeko ogotik? Aap endagembogut wone lengganogo yokkirage nogo, Nineebi o, yinuk, kiniki mi'nage agaarik ya?”

Nekemiya 4:7

Pi laganggo mbareegu, at Tambalat inom, Tobiya inom, it aap Akap mendek inom, Amon mendek inom, Atorot mendek inom, nen, “O Yerutalem pak obaane'me wurit laganggo logonet, woonik logwe abok aret nggilik-nggelok narogo pit nogo agaarik o,” yogwe inaruk konembunuk, inanini alik negen agagerak.

Nekemiya 6:1

An nen pak ambe mbanak tungga awo nggelenogo pega'lek neegak kwe, aap Tambalat inom, Tobiya inom, aap Arap mendek Nggeteyem inom, it ninom wim mbanak mendek ando nogo inom, nen, “Lek o. At Nekemiya nen yugum pak woonik mondok lek eerogo wukerak o,” yogwe nogo inaruk konembogo nogogwaarik,

Nekemiya 6:16

Ndi, age yoboneegurak nogo, yi aakumi ndi aakumi ninaagan-ninambokan wonogwe nogo abok aret inigen kogwe, ninawim nogo inaruk konenggwi, eereegwaarak me, ninawim nen, “It inogoba Ala nen yeenggwaarage kagak, eekaarak kogo o,” yinuk, inoone lek puk aret ogogwaarak.

Etet 10:3

Aap Yakuri mendek Morekayi nogo ti, aap endagembogut Akatiwerot imbirak ndak-ndak inendage nggwok aret me, at endagembogut Akatiwerot lek kenok, obaane'me Morekayi nogo nen aret wone lengganogo yorage nagagerak. Ndi, at oreewi Yakuri mendek obeelom logowak nduk, koonogo piige, it inanebunu Yakuri abok aret wone inoba age kero, ineebe obeelom logowak nduk, inawone mbangge, eeke nagagerak me, it at oreewi Yakuri mendek abok iniki kunik eeko logonet, ayuk wuko nogogwaarak. 30

Ndawi 112:10

It aap maluk mendek nen at eeke nogo, inigen kogo logomenggaarik, inanini mbakwi, Ineebi nen ineyak nggilik maakwi, Iniki andi eekko'net unggwogwe, Eeko logogun o. “Nit ambi eekkolaawok lak,” mbaremenggaarak kwe, Lek aret age logogin o.

Kini Wuppiige 27:4

Aap anini ambik nogo nen op neebi, maluk neebi, eerit nage, Anini wungge nogo ti, niyo wurik nage logonet, yi mendek ndi mendek yigirit nage menggi kwak, eerogo pit nage, eeke nogo ti, iya negen kwe, Aap ambi nen ore ambi eeke paga, “An togon eerikit lak at mban eeke yi, ao,” yinuk, anini lombok ombake ti perak, mondok iya lombok menggerak.

Kini Wuppiige 30:22

Aap ambi ayeloman nen endagembogut age, Aap iniki lek wi negen nen amendek ambik age,

Wone Alom Kibingga 10:7

Ndi, aap inayeloman kuda paga kwi'na'nuk nogwe iigak, Aap nagawan-nagawan nogo nen aakumi inayeloman mini tu iniyok paga nogo mengga kwak nogwe, Eekwi iigirak o.

Yetaya 15:5

O Mowap mendek eeppiyoorak paga inabuwa mbake agarik o. It mugogo wumbiigwi iigirak nogo nen kole o Towat arit nogwe, O Egelat-Telitiya arit nogwe, Ando nen leenggu maarit tu puut Lukit paga lagit nogwe, Ando nen, Mugogo wumbinanega o, yinuk, inoone nggwok paga le agan tu Koronayim paga nogwe, Eeko agaarik o.

Yeremiya 41:10

At aap endagembogut eebe wonok nega inowe Nebutararan nen aap Akikam aput Nggeraliya inarum logowak nduk, mippereegerak o Mitipa wonogwe aakumi eegu yumbunik abok aret inom, aap endagembogut apurilogwe komologwe inom, abok aret at Netaniya aput Itimayen nen kugun wogonake nagagerik, wogoren o aakumi Amon mendek wonogwe me piya wundage me,

Yeremiya 48:34

It inoone yogwe konenggwi ti, niyo Nimirim nage nogo porok yegerak kenok, Aakumi Ketibon inom, Eleyale inom, le yiyi-wowo yogwe nogo aakumi Yakat nen inaruk konenggwi, Aakumi Towat nen nok, Koronayim inom, Egelat-Telitiya inom, inaruk konenit nogwe, Eeko agaarik o.

Yeremiya 48:5

Tu Lukit paga lagi nogo logonet, le yi-yi wo-wo agan laganggwi, Tu Koronayim paga wambi nogo logonet, aaninggin inoba kwi'nagaarak kenok, yiinggu-leenggu agan wambi nogwe, Eekwi nogo konenggo agaarik o.

Nappiigak 4:2

“At Yetut aakumi kanggo menggam nen eenik eerogo mippegerak o,” yinuk, Peterut Yaya imbirak nen aakumi kanggwi iinok, ineenik agago mippiyoorak wone nogo mamunirogo mbareegwa, inanini nen

Nappiigak 5:24

Wone nogo konembogo nogogwaarik, at Ala awi wurik arum menggaarak inowe inom, it Ala unde inoweewi inom, nogo nen, “Eenggi-iyok lek nonggop togon lek aga mbakop?” yinuk, yogwe me,