Nekemiya 13:5 - Ala Wone Peenok Peebi Mbanak5 it aakumi aa'nduk nen gandum anggen yigirik ake pugu inom, obari abe kaga nogo inom, yi mendek ndi mendek Ala awi wurik me eeko menggaarak ake pugu inom, nogome pugwi, gandum anggen inom, anggur amburu ngget toolak inom, tayitun amburu inom, 10 wonage kenok ambi yendenogo Ala ake punuk, it aap Lewi mendek togon, ndawi tiyangga togon, tu unggwogo menggam arum waka togon, wogorogo logorak wone koonak nogo inake pugwi, ndi, “It Ala unde inake pikit o,” yinuk, inake pugwi, eeppunuk, pi wogo menggam ko kole ogoorak nogo at Tobiya unde logowak nduk, wogoreegerak. အခန်းကိုကြည့်ပါ။ |
Nekemiya 13:5
9 ပူးပေါင်းရင်းမြစ်များ
ndi, it aap eyo paga o wuka inom, yugum paga o wuka inom, nen yugum poorak inom, eyo karo-karo nappit noorak poorak inom, it Yekura mendek inoweewi inendagembogut nen o wurik miya-miya wangge kagak, eraangge mbo pereegwaarak nogo pelan wariyak eyo poorak inom, kunggak yuwak nduk, wogorogwe, eereegwaarak.
Gandum anggen iyaalok yigirik inom, yi mendek ndi mendek alik, Yi Ala ake o, yinuk, iyaalok pugu inom, yi eyo ndi eyo yarak anggen iyaalok mbanak inom, anggur amburu iyaalok toolak inom, tayitun amburu iyaalok toolak inom, wonok ninogoba Ala awi wurik me pogo menggam pogo logowok nduk, it aap Ala unde nogo wogora wogwe, ninawi kota-kota nineyabu eeko monggom abok aret anggen yugu 10 wonage kenok, ambi yendenogo pugwi nogo ti, it aap Lewi nen kuwak eeko menggaarak me, nineyabu yarak anggen yugu 10 wonage kenok, ambi yendenogo it aap Lewi wogora wogwe, eeko logogun aret o.
It aap Ala unde inom, aap Lewi mendek inom, inogoba Ala ake me nduk, aakumi inake liirogon eekwi, inoba maluk lenggenak kenok mbeenogo piigwi, eekwi paga it aap Yekura mendek nen inale'nggen mbareegwaarak me, it inake pogo logorak wone yugu liiru mbanak nogo ndak-ndak inawi kota-kota enaagan-ambokan ineyabu yarak me nen anggen iyaalok yugu mbanak inom, iniki nen, “Inake pikit o,” yinuk, pugwi inom, 10 wonage kenok ambi yendok ambi yendok eerogo pugwi inom, pi wogo logowam o unde logowak nduk, ne ti eyom paga aap mippiyareegwaarak. Ndi, o maan aa'nduk aap Ndawut Atap imbirak wonogwe eyom paga it ndawi tiyangga nen Ala, “Wa!” yogwi, endage tiyappugwi, eekwi iigak, inake kooninaka inom inake wonok wogo nogogwaarak nogo kokwak, aap Terubaben Nekemiya imbirak wonogwe eyom paga at Ndawut aput Talomo imbirak nen wone lengganogo pereegwaarak ndak-ndak, it ndawi tiyangga inom, tu unggwogo menggam arum waka inom, it kunduk, Ala ake obeelom aret eeko mbareegwa, it Iterali abok aret ko'lu-kii'me it ndawi tiyangga inom, tu unggwogo menggam arum waka inom, inake pi wogo nogogwaarak. Pi wogwe iinok, it nogo nen Lewi mendek ando inake leenogo pugwi, ndi, it aap Lewi nogo nen aap Karun paga wiganak inake leenogo pugwi, eeko nogogwaarak.
ကြော်ငြာတွေ