Nekemiya 13:3 - Ala Wone Peenok Peebi Mbanak

³ it aakumi nen wone yugu liiru mbanak nogo konenggo nogogwaarik, it Iterali mendek lek alik mendek ndarak kenok, leenogo wumbiyareegwaarak.

Nekemiya 13:3 ပူးပေါင်းရင်းမြစ်များ

Etara 10:11

o yogondak aret kinombomini inogoba Aliku Ala enggaanom paga kinomaluk paganggo logomonggotik, Ala eeriyak iniki mbake nogo, Aret eeruwok o, yinuk, it yi aakumi ndi aakumi kinaagan-kinambokan wonogwe nogo kinom ogookkologwe, ndi, kumi alik mendek wogonakotak nogo ponggonogo wumbiigwi, ee'nip o.”

Etara 9:2

it aakumi ti inapuri komologwe nogo, it aret kologwe, it inapuri wologwe nen it aakumi ti mendek inapuri komologwe kolaawak nduk, koonogo piigwi, eeko logonet, ninanebunu abu alik leenak nogo nenggelak-kenggelak aret ogoorak o. It aap wone yugu liirogon eeka'lek inaa'nduk eekaarak nogo ti, it ninoweewi inom, aap inengga warak inom, nen inaa'nduk lombok eekaarak o,” yo'nireegwaarak.

Nekemiya 10:28

ndi, it aap ando Ala unde inom, aap Lewi mendek inom, tu unggwogo menggam arum menggaarak inom, ndawi tiyangga inom, Ala awi wurik me eeko menggaarak inom, eeko logorak Ala wone yereegerak liiru mbanak nogo eeko logowak nduk, it aakumi inaagan-ambokan wonogwe nogo inom ogookko'nok ninom ogogurak inakuwi-inogonggelomini inom, inapuri wologwe-komologwe inom, it wone op woorak kenok

Ndawi 119:11

Kat maluk eeppagukwak, koone yugu nogo woppunuk, Ninikime liirogon porogo minggirak o.

Ndawi 119:9

It wologwe tawe nogo, nano eekwi paga Maluk eeka'lek inobaabut obeelom mban logorak mbakop? Lek o. Koone yugu ndak-ndak eekwi paga nen aret o!

Wundeegwaarak 12:38

Ndi, inaanggumi kambin-ndomba inom, tapi-lembu inom, wogoren wogo logonet, aakumi Iterali mendek mban lek aakumi alik mendek apit aret inom wogogwaarak.

Kini Wuppiige 6:23

“Yogop ee'nu ndogop ee'nu,” yokkege yi ti, kandi wuninik kwak wonage, Wone mamunik yi ti, kandi eya kwak wonage, Ndi, eerit nege logorak kiniki kooniyak wone wonage, Eeke menggerak me, Mugurok nage keenok,

Linggineegwaarak 11:4

It aap ndugumbagik-perambagik mendek Iterali inenggela'me inom wonogogwaarak nogo nen wam kinduwak aret me, “Wam enggaanggum kwak nane,” yogwe iinok, it Iterali kunduk le yogo logonet, “Nit ta nen wam enggaanggum wo'niraagin o?

Oroma 3:20

Togop me, Ala nen wone lengganogo Muta yoreegerak eekwi paga Ala nen, “Kat aap obeelom aret o,” yinuk, yigin lek aret. Ata, “An maluk eeke minggirak aret kagi,” yinuk, yelok kogo logowak nduk, lengganogo Muta yoreegerak o.

Yakobut 1:27

It aap Ala oone liippunuk mondok abe eekwi iinok, ninogoba Ala nen ale'nggen mbake menggerak nogo ti, it wologwe-komologwe wenebela inom, kumi togwe inom, iniki aaninggin wonogwe iinok, inabuwa nen yeenggwaaranet nugwi, it aakumi iniki maluk nen maluk eeruwak nduk iniki nggagani wogwe iyo, tum wakkologwe, eeko menggaarak nogo it aret o.