Nekemiya 13:28 - Ala Wone Peenok Peebi Mbanak28 at aap Ala unde inowe Eliyatip ombooluk Yoyara aput ambi nen aap Mbet-Koron mendek Tambalat apuluk waganeegerak me, an wonage me nen mugogo wumbereegirak. အခန်းကိုကြည့်ပါ။ |
mberirage, pulunogo piige, it aap ineebe mande negen yawi inooke, ineeruwak wiirogo nappiige, eeke nagagirik, yorage logonet, “Ninapuri komologwe ti, it inapuri wologwe wogorogwe, ndi, it inapuri komologwe nit ninapuri wologwe kolaawak nduk, wo'nirogwe, ndi, nit kunduk kologwe, eeko logogun mondok lek o, yinuk, Ala endage kumbunuk, wone kumbuk mbaninip o.
Ti eeko mbareegwa, aap Koron mendek Tambalat inom, aap Amon mendek inom eeke menggerak Tobiya inom, aap Arap mendek Nggeteyem inom, inaruk konenggo nogogwaarik, ninagi'ndok kanggwi, miyuk-meya eerogo pinanugwi, eeko logonet, nit yo'nirogwe, “Kit nano eeko ogotik? Aap endagembogut wone lengganogo yokkirage nogo, Nineebi o, yinuk, kiniki mi'nage agaarik ya?”
It aap Ala unde inowe Eliyatip oreewi inom nen tu unggwogo menggam endage, Ndomba obaane'me wuppunuk, nggomoorogo pogo nogogwaarik, tu ogobakkigirik nggelenogo pit nogogwaarak. Pit nogo nogogwaarik, pak eegu kunogo wurit o nggorek wurik endage, Seratus nogo paga panggonogo punuk, nggomoorogo pugwi, ti'nuk, eegu kuninuk o nggorek endage, Kananen paga panggonogo pi nanuk, nggomoorogo pugwi,
Nit yugum pak obaane'me wukwi nogo, at aap Tambalat nen aruk konembunuk, anini mi'nage nagagerik, eebi lombok ninomba'nuk, oreewi inom, it Tamariya mendek ineegin warak inom, inenggaanom paga nit Yakuri mendek miyuk-meya eerogo pinanege logonet, “It Yakuri mendek nen eeriyak inobam lek iigak, nano eeriyak nduk, eeko agaarik? Inawi kota pak obaane'me wukwi, inogoba ake warogo wogogwi, ndi, ne ambit paga worok togon eekwi, eeriyak op mbakop? O kota kani nengge logonet, yigirik-noonom wambeegerak yugum logonak yogobi kagak, obaane'me mippuurak op mbakop?”