Nekemiya 13:26 - Ala Wone Peenok Peebi Mbanak

²⁶ Kit eekwi yogobi it Iterali inowe endagembogut Talomo nogo nen eerit nage logonet, maluk eereegerak lek mbakop? At Ala nen iniki kunik eeke nagagerik, aakumi Iterali abok aret inowe endagembogut mippereegerak yi aakumi ndi aakumi inoweewi inendagembogut at ndak-ndak ambi lek aret kwe, kumi alik mendek wogonabeegerak nen maluk eerit nawak nduk, inikime mambereegwaarak.

Nekemiya 13:26 ပူးပေါင်းရင်းမြစ်များ

1 Endagembogut 21:25

Ti yoreegerak nogo ti, Akap akwe Iteben nen ogonggelo maluk eeruwak nduk, inikime manake kagak, Akap nen, “Maluk ayeloman arikit o,” yinuk, miike nagagerik, Aliku ALA enegen kagak maluk mban eerit nage nagagerak kokwak, aap togop ambi lek aret o.

1 Endagembogut 3:12

kat mi'naga'lek keegak wonogogwaarak inom, mi'nagandak keegak logorak inom, ti kat ndak-ndak ambi lek aret o. Kat nggino yo'negendak ndak-ndak kiniki warak inom, yi wone ndi wone liippunuk yelok kage logorak inom, eeppagagin o.

1 Endagembogut 3:13

Ti eeppagage logonet, kat kangga'lek awo keenik wonage keegak, eeppagaminggirak paga aap inendagembogut inenggela'me kat kokwak ambi arigin lek kat inirimbaga tiyanak logonok nduk, nggino yo'nirulik mendek keenggi warak ariyak inom, kendage tiyanak logorak inom, oba lunogo eeppagagin o.

1 Endagembogut 4:1

At Talomo nogo aakumi Iterali mendek abok aret inowe endagembogut age nagagerik, wone lengganogo yorage kagak,

2 Mbinineegwaarak 1:12

kat nggino yo'negendak ndak-ndak kiniki warak lombok eeppagage, wone yelok kenok koongge logorak mendek eeppagage, eerigin o. Ti eeppagage logonet, obaga lunogo eeppagarak nogo ti, keenggi warak eeppagage, yi mendek ndi mendek wokkege, kendage tiyappagage, eerigin ti aret o. Ti eerogo pagagin nogo ti, kat mi'naga'lek keegak inendagembogut mi'nogogwaarak inom, mi'ndak keegak logorak inom, ti, kat ndak-ndak ambi lek aret o,” yinuk, yoreegerak.

2 Mbinineegwaarak 9:22

Ndi, aap endagembogut Talomo nogo ti, iniki warak logonet, eenggi warak mondok iya alik negen aret wonagagerak me, it yi aakumi ndi aakumi inoweewi inendagembogut o nggween paga wonogwe abok aret at kokwak ambi wonogo logolik aret.

Kini Wuppiige 31:3

Kumi muguren nege logonet komaawi lek eerogo pake, It aap inendagembogut inendage maluk eerogo pugwi kumi nogo mban eeginabit nage, Eeriyak mage o.

Wone Alom Kibingga 7:26

Kumi ti, towe nggelok yaga yum tugunik kwak, Iniki nengge ti, keele pugu kwak, Ineenggi ti, mbutigeele paga maarogo piiga kwak, Wonogo menggaarak me, Kanggwi ti aaninggin me, neebi mbake kwe, It kumi ti mendek ti, aaninggin iya lombok me, abu neebi lombok mbake minggirak o. It aap Ala iniki kunik eeko menggaarak kenok, pugume time nggerok yaga'lek mbaganggo menggaarak kwe, It aap maluk mendek perak, kumi inageele pugu ti paga nggelok yi nogo menggaarak.