Nekemiya 13:25 - Ala Wone Peenok Peebi Mbanak

²⁵ mberirage, pulunogo piige, it aap ineebe mande negen yawi inooke, ineeruwak wiirogo nappiige, eeke nagagirik, yorage logonet, “Ninapuri komologwe ti, it inapuri wologwe wogorogwe, ndi, it inapuri komologwe nit ninapuri wologwe kolaawak nduk, wo'nirogwe, ndi, nit kunduk kologwe, eeko logogun mondok lek o, yinuk, Ala endage kumbunuk, wone kumbuk mbaninip o.

Nekemiya 13:25 ပူးပေါင်းရင်းမြစ်များ

2 Endagembogut 2:24

Yogwe iigak, at Elita nogo ena logurogon pegiige logonet, at Aliku ALA endage paga pulunogo piige mbareegi, wam nggwiya negen beruang ineebe mbere eyonggaame nen nggigik togon wundi wogo logonet, wologwe-aabologwe ineebe 42 ineyak nibik-nobak eerogo piinet nogogwaarak.

Etara 10:5

Yoge mbareegi, at Etara nogo mi'nage nagagerik, it aap Ala unde inengga warak inom, Lewi mendek inom, it Iterali abok aret inom, yoreegerak nogo ndak-ndak it eeko logorak kumbuk mbanuwak nduk, yorage mbareegi, “Eeko logowok o,” yinuk, kumbuk mbaneegwaarak.

Etara 7:26

Kogoba Ala eeko logorak wone yereegerak inom, an nendagembogut nawone lengganak inom, it nen ndak-ndak eeka'lek mbo pugwi iinok, aaninggin inoba piigo logonet inoorogo piigwi, endekem mbo wumbiigwi, inamendek abok aret ndinggologwe, keele maarogo mambiigo menggam mambiigwi, eeko logowak o,” yinuk, liiru mbanogo Etara wogoreegerak ti aret.

Nekemiya 13:11

it aakumi inarum menggaarak inoweewi nogo mberirage logonet, “Nonggop nduk Ala awi wurik yi, eraangge mbo pogotak?” Ari nagagirik, it aap Lewi mendek nogo wiiragagirak wogo mbareegwa, ineyabu eeko menggam eeko logowak nduk wogoren piya wagagirak.

Nekemiya 13:17

it aap Yekura inoweewi inengga warak nogo mberirage logonet, “Nogo 6 yippunuk, ko'lu yonggonggologo logorak yugu kagak maluk eeppugwi ti, maluk nggwok lombok eekwi me, nonggop nduk eeko ogotik?

Nekemiya 13:24

ndi, it inapuri ndaganabeegwaarak nogo eegu nen wone Yakuri inoone paga yogwe lek Atorot inoone paga a, it aakumi alik inoone paga a, yogwe, eekwi iige nagagirik,

Nekemiya 5:13

Kumbuk mbanggo mbareegwa, an nayum nggorek yungguk-pangguk eerak nogo, yumbuk-yumbuk eeke logonet yorage, “Aap ambi wone yegerak yi, ndak-ndak eeka'lek kenok, yum yungguk-pangguk eerak yumbuk-yumbuk eekirak ti kokwak, at Ala nen aap ti togop aret eeppege logonet, ame nen wumbege, anggween paga nen mugogo nappege, eerigin aret o.” Yorage mbareegi, it kuwak eeri wogogwaarak abok aret, “Abet aret yagan o,” yinuk, Aliku ALA alut eereegwaarak. Eeko nogogwaarik, wone yereegwaarak nogo ndak-ndak eeko nogogwaarak.

Nekemiya 5:6

Inoone nggwok paga yogwe ti, naruk konengge nagagirik, nanini ambik agagirak.

Ndawi 119:53

It aap maluk mendek nogo nen kat koone yugu Muta liiru mbaneegerak nogo mbo pereegwaarak kenok, Nanini kani omoonuk kwak mi'nage menggerak o.

Ndawi 15:4

Aap maluk mban eerit noorak mbakwi nogo Ineebi inombako logonet kwe, Aap Ala inagabiti mbakwi nogo tiyappiigwi kenok, “Yogop eeppagagun o,” yinuk, Wone kumbuk mbanogo yoragaatak nogo Inamendek lek kwe, kagak eeppiigwi kenok,

Wundeegwaarak 34:16

Kit nen kinapuri yorogo logonet, It kumi time mendek kolaanip o, yoramonggotak wogonakwi iinok, kwe mbabi eeke menggi kwak it kumi ti nen, inagugi eeko logonet, kinapuri ti nomoniren nookwak, wogonako logorak mage o.

Kini Wuppiige 28:4

It aap wone yugu mbo pugwi nogo nen it aap maluk mendek tiyappiigo menggaarak kwe, It aap wone yugu liirogon porogo wonogwe nogo nen aap maluk mendek inoone lek eerogo piigo menggaarak.

Yetaya 50:6

It an nooriyak eekwi iinok, nambot wogorage, Namboro wiiriyak eekwi iinok, nena koonogo nagiige, It meek eerogo panugwi, inawoori lengge eerogo panugwi, eekwi iinok, nenete kumaakkolaga'lek aret wonage, Eekirak o.

Pelaareegerak 6:13

Kit nen at Aliku kinogoba Ala mban ayuk wuko logonet, at mban alut eekwi, at mban endage paga kumbuk mbanggwi, eeko logomunggup o.

Pelaareegerak 7:3

Kit nen it wogonakwi, it nen kit wokkinakwi, eeko logorak mage o. Kinapuri nen it komologwe inanebunu alik mendek wogonakwi iinok, it komologwe nen, Ninom ninagugi alut eeri nawok o, yorogwe iinok, Aliku ALA mbo punuk, inom eerit namenggaarak paga at Aliku ALA anini mi'nage logomenggerik, kit kineebe mbet-mbet aret lek eerogo pinagagin me, kit kinapuri komologwe it inapuri wologwe wogorogwe, ndi, it inapurilogwe komologwe kit kinapuri wologwe nogo nen wogonakwi, eeko logorak mondok mage o.

Yotuwa 23:12

Ndi, togop eeka'lek, yungguninuk wogo logonet, yi aakumi ndi aakumi wumbiyoolik kinom wonogwe nogo, kinom kiniki ambit a'nuk, komologwe kit mendek it wogonakwi, ndi, it mendek kit wogonakwi, eeko logonet, kinom kunggologwe kiinok,