Nekemiya 13:19 - Ala Wone Peenok Peebi Mbanak

¹⁹ Nogo 6 yippunuk, ko'lu yonggonggologo logorak ari naakit nduk, oonegen kilu yi nage kagak tu unggwi wogo menggam yumaak arit nage kenok, “Tu unggwit wogo menggam abok aret narogo pit namonggotak paaka'lek kiigak, ko'lu yonggonggologwe paga o kiyoma abu aret ari nage kenok, tu paarogo pit namunggup o,” yinuk, wone lengganogo yorage nagagirik, nogo 6 yippunuk, ko'lu ti paga yi mendek ndi mendek wonok unggwi wogwe iyo, tu unggwogo menggam lombok tum wako logowak nduk, napuri piinet nagagirak.

Nekemiya 13:19 ပူးပေါင်းရင်းမြစ်များ

Nekemiya 13:20

Piinet nage mbareegi, it aakumi kunggo menggaarak inom, yi mendek ndi mendek enete alik-alik kunit nogwe nogo inom, ne mbere-kenagan o Yerutalem pak endekenggwe nogo yogo mbareegwa,

Nekemiya 7:3

Eeke nagagirik, it yorage logonet, “It tu arum menggaarak nogo, o mo pi waga'lek kagak, o Yerutalem tungga paarogo pit noorak mage o. Ata, mo pi wage kenok mban paarogo pit nogwe, ndi, abu aret arum logomenggaarik, o kiyoma iname nogo logonet, tu nappunuk, wa'mbit omaawi eerogo pit nogwe, eeko logowak nduk, yoret o. Ndi, it ando o Yerutalem inaworak nen tu unggwit wogo menggam inom, inawoore'nggam lombok inom, arum logowak nduk, aap mippiinet namunggup o,” yoragagirak.

Ala Unde 23:22

It nen yaremenggaarak anggen kole aremenggerak mbanggo logonet, ineyabu ambet paga wundit namenggerak abok aret mbanggwi, anggen mbanggo logonet, nggigi-nggigi wagangge kenok anabenggwi, eeriyak mage o. It aakumi ineenggi lek mendek inom, aakumi nggiru inom, kolaawak nduk, teppiigo logowak o. Naliku inogoba Ala an nen aret yagi o, yinuk, yegerak, yoret o,” yoreegerak.

Ala Unde 23:32

Ne ti eyom ti, nogo 6 yippunuk, ko'lu paga yonggonggologo logorak nogo aret me, kit kinambe mage negen logonet, yabu eeka'lek tat yonggonggologo logomunggup o. Tut ti nogo penenak tanggal 9 oonegen kilu yi nage kuli nen nok, ko'lu oonegen kilu yi nage kuli ti, kit kinake aret me, yonggonggologo logonet, nalut eeko logomunggup o,” yinuk, yoreegerak.

Yaya 5:10

Tamban eekwi paga eereegerak me, it Yakuri mendek nen aap obeelom agagerak nogo yogwi, “Wulaga! O yogondak nit Yakuri tamban eekwi paga me, kat ndoonak nogo yege menggendak nogo wonok nage ti mage ubi!”