Nekemiya 13:13 - Ala Wone Peenok Peebi Mbanak

¹³ Pi wogo mbareegwa, pogo menggam nogome arum logowak nduk, aap Ala unde Telemiya inom, at liiru mbangga Tarok inom, aap Lewi mendek Peraya inom, li'lak eekwi iige nagagirak me, mippiige nagagirik, it yeenggwaarage logowak nduk, aap Mataniya ombooluk Takut aput Kanan inom mippereegirak. It aap mippiyareegirak ti, ake pugu nogo inoreewi tumburirogo logowak nduk, ineyabu ti aret unde eeppiyareegirak.

Nekemiya 13:13 ပူးပေါင်းရင်းမြစ်များ

2 Endagembogut 12:15

Ndi, it aap Ala awi wurik ogobakkigikwi inarum wonogwe nen wu wogorogo logonet, eegu kolagak eeko logolik liirogon nggilik-nggelok wogorogo nogogwaarak me, “Wu wungge nineenu aruwok nduk, liiru mbanogo wo'niraanip o,” yinuk, yoraga'lek aret wonogogwaarak.

2 Endagembogut 12:16

It aakumi inomaluk aberak wonogwe iyo, Ala ake warogo wogogo logonet wu pugwi inom, ndi, inomaluk lek eerogo piyaawak nduk, Ala ake warogo wogogo logonet wu pugwi inom, ti, it Ala unde inamendek aret me, Aliku ALA awi wurik me pi wogo logolik o.

2 Endagembogut 22:7

ndi, it aap Ala awi ogobakkigikwi inarum wonogwe nen it o wuka wu wogorogo logonet, liirogon nggilik-nggelok wogorogwe me, Wu wungge nineenu aruwok nduk, liiru mbanogo wo'niraanip o, yinuk, yoraga'lek teppiige, eeruwak nduk wone wonok nak o,” yinuk, nappereegerak.

Nekemiya 10:12

Takut, Terebiya, Tebaniya,

Nekemiya 10:38

It Lewi mendek nen Ala ake pugu nogo waganggo logomenggaarik, 10 wonage kenok, ambi yendenogo punuk, ninogoba Ala awi wurik me pogo menggam nogome pi wogwe iigak, aap Ala unde Karun paga wiganak ambi nen enegen wogonake,

Nekemiya 11:22

At Ala awi wurik me tamban eeko logonet, ndawi tiyangga at Atap paga wiganak mendek ambi Mika nen Mataniya ndake, Mataniya nen Katabiya ndake, Katabiya nen Mbani ndake, Mbani nen Uti ndake, eereegwaarak me, at Uti nogo ti, it aap Lewi mendek o Yerutalem wonogwe inarum waka inowe aret wonagagerak.

Nekemiya 12:35

Atap nen Takut ndake, Takut nen Mika ndake, Mika nen Mataniya ndake, Mataniya nen Temaya ndake, Temaya nen Yonatan ndake, ndi, Yonatan nen Takariya ndake, eereegwaarak me, it aap Ala unde oone nggwok eeka trompet wonok nogo nogogwaarak ambi Takariya nogo inom,

Nekemiya 12:44

It aap Ala unde inom, aap Lewi mendek inom, inogoba Ala ake me nduk, aakumi inake liirogon eekwi, inoba maluk lenggenak kenok mbeenogo piigwi, eekwi paga it aap Yekura mendek nen inale'nggen mbareegwaarak me, it inake pogo logorak wone yugu liiru mbanak nogo ndak-ndak inawi kota-kota enaagan-ambokan ineyabu yarak me nen anggen iyaalok yugu mbanak inom, iniki nen, “Inake pikit o,” yinuk, pugwi inom, 10 wonage kenok ambi yendok ambi yendok eerogo pugwi inom, pi wogo logowam o unde logowak nduk, ne ti eyom paga aap mippiyareegwaarak. Ndi, o maan aa'nduk aap Ndawut Atap imbirak wonogwe eyom paga it ndawi tiyangga nen Ala, “Wa!” yogwi, endage tiyappugwi, eekwi iigak, inake kooninaka inom inake wonok wogo nogogwaarak nogo kokwak, aap Terubaben Nekemiya imbirak wonogwe eyom paga at Ndawut aput Talomo imbirak nen wone lengganogo pereegwaarak ndak-ndak, it ndawi tiyangga inom, tu unggwogo menggam arum waka inom, it kunduk, Ala ake obeelom aret eeko mbareegwa, it Iterali abok aret ko'lu-kii'me it ndawi tiyangga inom, tu unggwogo menggam arum waka inom, inake pi wogo nogogwaarak. Pi wogwe iinok, it nogo nen Lewi mendek ando inake leenogo pugwi, ndi, it aap Lewi nogo nen aap Karun paga wiganak inake leenogo pugwi, eeko nogogwaarak.

Nekemiya 3:30

at eeke nogo panggombunuk, aap Telemiya aput Kananiya inom, aap Talap apuri 5 ndarak iigak ambi Kanun nogo inom, nen ogobakkigirogo pugwi, it eekwi nogo panggombunuk, aap Mberekiya aput Metulam nen at wonage menggim enaame ogobakkigirogo pege,

Nekemiya 7:2

ndi, it aap ando Ala inagabiti mbuuluk mbakwi iigak, Ala agabiti nggwok mbake logonet, abet mban ari menggerak pak wurik enegen me aap endagembogut awi arum waka aap Kananiya inom, nawot Kanani inom, imbirak o Yerutalem unde logowak nduk, mippiige, eereegirak.

Lukat 12:42

Yoge mbareegi, at ninogoba Yetut nen, “Ti kenok, aap nggwok ayeloman ambi nen oreewi at ogoba ayeloman mini ando nogo inarum logonet, inambi noorak wogorage logowak nduk, mippuurak iniki warak yabu li'lak eeke menggerak ambi ta o?

Nappiigak 6:1

O ti eyom paga at oone woorak nduk ambi nabek unggwagak mban eeko logonet, it aap Yakuri mendek kwe, Yunani wone yogo menggaarak nogo nen, “Ko'lu-kii'me mbi tumburirogo logonet, nit ninagalomini kumi togwe nonggop nduk mbi wogoraga'lek mbo piigo ogotik?” yinuk, it Yakuri inaworak nogo inom neebi-keebi yogo nogogwaarak.

Nappiigak 6:3

it aap Aberiniki inikime mondok liinik iniki warak logonet yogo menggaarak kineenu kero, kinenggela'me nen aap ineebe 7 leenogo mippiyaanip o.

1 Korindut 4:2

Inogobamini nen inayeloman mini eeriyak unde eeppiinok, eerit nogwe iigak, “An yoragarak liippunuk, eekwi iyaamun ilik lek a?” yinuk, inigen wogonako menggaarak o.

1 Timotiyut 1:12

An nomaawi eeppanege menggerak nowe Keritut Yetut nogo nen, “Aap yi, ambi eeke logowak nduk, unde eeppege neenok, liirogon aret eeke logogin,” nombake nagagerik, an yabu ambi eeke logokit nduk, unde eeppaneegerak me, “Wa,” yoge minggirak.

1 Timotiyut 3:10

It aap yeenggwaaragak logorak ti, aa'nduk inabut mbambunuk, inoone inoba piigulik kenok, mippiyoorak op o.