Nekemiya 13:10 - Ala Wone Peenok Peebi Mbanak

¹⁰ Pi unggwage nagagirik, ti'nuk, it aap Lewi wogorogo logorak wone punik nogo wogoraga'lek iinok, aap Lewi mendek inom, it aap ndawi tiyangga inom, ineyabu inalitak lombok eeko logorak yoragagerak nogo mbo punuk, ineyabume nanuk ineyabu eekko'net nugwi neenu age nagagirik,

Nekemiya 13:10 ပူးပေါင်းရင်းမြစ်များ

2 Mbinineegwaarak 31:4

ndi, eeko logorak Aliku ALA wone yereegerak liiru mbanak nogo, li'lak eerit nogo logowak nduk, Ala unde inom, Lewi mendek inom, inake wogorogo logorak wone yugu nogo ndak-ndak wogorogo logowak nduk, it aakumi o Yerutalem wonogwe nogo wone lengganogo yorage, eereegerak.

Nekemiya 10:37

Gandum anggen iyaalok yigirik inom, yi mendek ndi mendek alik, Yi Ala ake o, yinuk, iyaalok pugu inom, yi eyo ndi eyo yarak anggen iyaalok mbanak inom, anggur amburu iyaalok toolak inom, tayitun amburu iyaalok toolak inom, wonok ninogoba Ala awi wurik me pogo menggam pogo logowok nduk, it aap Ala unde nogo wogora wogwe, ninawi kota-kota nineyabu eeko monggom abok aret anggen yugu 10 wonage kenok, ambi yendenogo pugwi nogo ti, it aap Lewi nen kuwak eeko menggaarak me, nineyabu yarak anggen yugu 10 wonage kenok, ambi yendenogo it aap Lewi wogora wogwe, eeko logogun aret o.

Nekemiya 10:39

Ndi, it aakumi Iterali mendek inom, Lewi mendek inom, nen gandum anggen inom, anggur amburu iyaalok toolak inom, tayitun amburu toolak inom, wonok Ala awi wurik ake yi mendek ndi mendek pogo menggam it Ala awi wurik me eeko menggaarak Ala unde inom, tu unggwogo menggam arum menggaarak inom, ndawi tiyangga inom, wonogo menggam nogome pi wogwe, eeko logogun aret o. Ninogoba Ala awi wurik eraangge mbo pugun mondok lek o,” yinuk, wone koonogo punuk, kumbuk mbanggo nogogurik, nineenggi amburu pereegurak nogo ti aret.

Yetaya 43:23

Nake warogo kani kuniyak ndomba wonok niri wogwe, Nayuk wuko logonet, nake warogo wo'nugwi, Eeka'lek aret agaarik o. Ndi, aaninggin inoba age kero, anggen yigirik nake wo'niri wogwe, Obari abe kaga nogo kani kuni wogwe, Eeko logowak o, yinuk, Noone omaawi paga yoraga'lek aret agarik o.

Maleyaki 3:8

Aap ambi nen an Ala wi-wi ee'naburak op mbakwi ya? Togop ee'naburak meek kwe, it nen aret wi-wi ee'nako agaarik o. It wi-wi ee'nako logonet kwe, Nit nonggop togon agago at wi-wi eekoorak me yigi, yinuk, yo'nugwi iigi o. An wi-wi ee'nakwi nogo ti, inamendek 10 wonage kenok, ambi yendenogo nake leenogo pugwi, nake pi wogwe, eeko logonet, wi-wi ee'nakwi iinok, yagi o.

Linggineegwaarak 35:2

“It aakumi Iterali wone yoroorak nogo yi aret. It inanggween yate wogoragagim nogo, eegu it aap Lewi mendek inawi unde logowak nduk, o kota-kota wogorogwe, ndi, it inaanggumi logorak ake kunduk inanggween wogorogwe, eeruwak o.

Pelaareegerak 12:19

Ndi, o kit unde eeppatinuk logowam time ari nogo logomonggotik, kangga'lek awo kineenik wonogo logonet, it aap inanebunu Lewi mendek ti, we eraanggi teppiyoorak mage o. Ata, liirogon aret kinigen wogonako logomunggup o.