Nekemiya 13:1 - Ala Wone Peenok Peebi Mbanak

^1-2 Ne ti eyom paga it aakumi apit aret inaruk konenggwi iigak, eeko logorak wone lengganak Muta nen liiru mbaneegerak nogo, malenggo logonet, aap Amon mendek inom, Mowap mendek inom, it Iterali wogwe me, ineebe woppiinok, mbi inom, niyo inom, wogoroorak kagak, at Mbileyam nen pulunogo piyaawak nduk, onggo wogoreegwaarak me, it aap Amon mendek inom, Mowap mendek inom, Ala apuri kuwak eekwi me, “Inom kuwak eeko logorak mage o,” yugu nogo liiru mbanak kogogwaarak. Aap Mbileyam pulunogo pinaneegerak nogo ti, ninogoba Ala melak togon ale'nggen ninoba pinaneegerak kwe,

Nekemiya 13:1 ပူးပေါင်းရင်းမြစ်များ

2 Endagembogut 23:2

it Yekura inoweewi inom, o Yerutalem mendek inoweewi inom, it aap Ala unde inom, Ala nen yorage kagak yoraga inom, inendage lek inendage warak abok aret at inom Aliku ALA awi wurik me nogo nogogwaarik, aap endagembogut nogo o eyak oolo yinik me mi'na'nuk, Ala inom wone nggaruk togon koonogo pereegerak mbuku Aliku ALA awi wurik me kwaakkogogwaarak liiru mbanak nogo, it abok inaruk iigak, mbinineegerak. Mbiningge nagagerik, ari logonet, “At Aliku ALA nen, Yogop ee'nu ndogop ee'nu, yereegerak wone inom, eeko logorak wone yugu inom, wone lengganak inom, Iterali inom wone koonogo pugu mbuku paga liiru mbanak yi, neebe-niniki abok aret Ala wogo'nuk, mondok eeke logokit o,” yinuk, Aliku ALA enggaanom paga taati abuk nggaruk togon ari mbareegi, it aakumi abok aret, “Nit togon, wone ti, ninom aret eeko logowok o,” yinuk, yereegwaarak.

Nekemiya 13:23

Ndi, ne ti eyom paga mban it Yakuri mendek nen kumi Atorot mendek inom, Amon mendek inom, Mowap mendek inom, wogonakwi,

Nekemiya 2:10

Wogoranet nage mbareegi, aap Koron mendek Tambalat inom, aap Amon mendek inom eeke menggerak Tobiya inom, imbirak nen, “Aap Iterali mendek yeenggwaaraawak nduk wagaarak o,” yogwe inaruk konenggo nogogwaarik, inanini ambik ogogwaarak.

Nekemiya 2:19

Ti eeko mbareegwa, aap Koron mendek Tambalat inom, aap Amon mendek inom eeke menggerak Tobiya inom, aap Arap mendek Nggeteyem inom, inaruk konenggo nogogwaarik, ninagi'ndok kanggwi, miyuk-meya eerogo pinanugwi, eeko logonet, nit yo'nirogwe, “Kit nano eeko ogotik? Aap endagembogut wone lengganogo yokkirage nogo, Nineebi o, yinuk, kiniki mi'nage agaarik ya?”

Nekemiya 4:3

Ari mbareegi, at imbirak wonagagerak aap Amon mendek Tobiya nen ari logonet, “It yugum paga pak wukwi ti, nggeewo mba'ngge obaga mbo lagangge logonet, mbaanggage kenok, langguk togon eerogo pigin nogo lek a?” yinuk, yogogwaarak.

Nekemiya 8:2

Yogo mbareegwa, tut 7 penenak tanggal 1 paga it kuwak ari wogogwaarak aap inom, kumi inom, it wone op woorak abok aret inom, inigen iigak, aap Ala unde Etara nen eeko logorak wone yugu liiru mbanak nogo wonok wage nagagerik,

Nekemiya 9:3

Pagambunuk, nogome mi'ndak wonogo logonet, kubondendok nen nok, liingge ari nage kagak, Aliku inogoba Ala nen eeko logorak wone yereegerak liiru mbanak nogo malenggwi, ndi, liingge nen nok, o kiyoma ari nage kagak, inomaluk paganggo nagaatik, inendobanggun yindumbunuk, Aliku inogoba Ala alut eekwi, eekwi iigak,

Yetaya 34:16

“At Aliku ALA nen wone lengganogo yorage kenok, At Aberiniki nogo nen kuwak eerogo piyaagin me, Yi mendek ndi mendek endage yagarak nogo ambi lek ti lek abok aret ogonggelo-akweegelo imbirak lunik aret logogun o. At Aliku ALA nen yugum wakkogo mengga kwak, wakkaanuk it inowagam ari nage kenok, it time aret unde eeppiige, Wakkagak paga wakkaanuk tumburirage, Eeke mbaremenggi, Unde eeppatinuk mondok-mondok wonogwe iigak, nda'narit wundi wogo logogun o,” yinuk, Aliku ALA oone mbuku perek-parek aago togop aret mbanak me, maleninip o.

Yeremiya 48:1

O Mowap eeppuurak wone nogo yi aret. At Omaawi Lombok Menggerak Iterali inogoba Aliku Ala nen ari logonet, “O kota Nebo nogo ti, lek eerogo pugun me, inabuwa o! O Kiriyatayim tebenggolaagun me, inenggali ogwe, Kota yugum pak omaawi wurik nogo langgunogo pugun me, inenggali ogwe, Eerugun o.

Amot 1:13

Aliku ALA nen ari logonet, “It aakumi o Amon menggaarak ti, ne kenagan mban maluk eerulik, ne ambi inom eekak mban eeko nogogwaarak me, An nanini eeppiyoorak koonak wonage nogo teppiyaagin lek eeppiyaagin aret o. It Amon mendek nen inanggween nggwok aruwak nduk, kuli pugu kagak ya langgok eerogo pogo logonet, Kumi o Nggileyat mendek inabila wonogwe nogo, inaagalogwe kilirik-ndowanak eerogo wumbiinet nogo nogogwaarak me,

Linggineegwaarak 22:5

at Mbeyot aput Mbileyam o Petot niyo Eparat ambet paga at nda'nagagim owe-awot inom wonage nogo yori nawak nduk wone eerogo nappiige logonet, “It aakumi ambi o Metit nen ineebe apit aago wundi wogo nagaarik, nit niname yime mondok nggween yi enete kuurik lek eeppunuk logonet, an wonage me panggok togon inawooliya wuppatinuk aret agaarik o.

Lukat 10:26

Yoge mbareegi, at Yetut nen, “Ala wone yugu liiru mbanak ti, nonggop mbanak o? Kat nonggop pekkage menggendak?”

Nappiigak 13:15

Kwi'nogogwaarak wonogwe me, it tamban eeko menggam arum menggaarak nogo nen Ala yereegerak Muta nen liiru mbaneegerak wone inom, Ala nen yorage kagak yorogo nogogwaarak wone liiru mbanak inom, pekkagak yorogo nogogwaarik, “Nit niniki eyak wappinaniyak wone ambi wonage kero yo'niraawak nduk, ninoreewi ti, kin wogiyet o,” yinuk,

Nappiigak 15:21

At Muta lengganeegerak wone nogo maan aa'nduk nen nok, yogondak kuli yi awi ndi awi Yakuri tamban eekwi paga it tamban eeko menggam lombok pekkagak yorogo menggaarak ineenu me, liiru togop aret mbanogo punuk, wogoroorak op aret mbaki o,” yinuk, yoragagerak.