Nekemiya 12:44 - Ala Wone Peenok Peebi Mbanak

^44-47 It aap Ala unde inom, aap Lewi mendek inom, inogoba Ala ake me nduk, aakumi inake liirogon eekwi, inoba maluk lenggenak kenok mbeenogo piigwi, eekwi paga it aap Yekura mendek nen inale'nggen mbareegwaarak me, it inake pogo logorak wone yugu liiru mbanak nogo ndak-ndak inawi kota-kota enaagan-ambokan ineyabu yarak me nen anggen iyaalok yugu mbanak inom, iniki nen, “Inake pikit o,” yinuk, pugwi inom, 10 wonage kenok ambi yendok ambi yendok eerogo pugwi inom, pi wogo logowam o unde logowak nduk, ne ti eyom paga aap mippiyareegwaarak. Ndi, o maan aa'nduk aap Ndawut Atap imbirak wonogwe eyom paga it ndawi tiyangga nen Ala, “Wa!” yogwi, endage tiyappugwi, eekwi iigak, inake kooninaka inom inake wonok wogo nogogwaarak nogo kokwak, aap Terubaben Nekemiya imbirak wonogwe eyom paga at Ndawut aput Talomo imbirak nen wone lengganogo pereegwaarak ndak-ndak, it ndawi tiyangga inom, tu unggwogo menggam arum waka inom, it kunduk, Ala ake obeelom aret eeko mbareegwa, it Iterali abok aret ko'lu-kii'me it ndawi tiyangga inom, tu unggwogo menggam arum waka inom, inake pi wogo nogogwaarak. Pi wogwe iinok, it nogo nen Lewi mendek ando inake leenogo pugwi, ndi, it aap Lewi nogo nen aap Karun paga wiganak inake leenogo pugwi, eeko nogogwaarak.

Nekemiya 12:44 ပူးပေါင်းရင်းမြစ်များ

1 Mbinineegwaarak 23:28

It Lewi mendek ti nen at Karun paga wiganak nen Aliku ALA awi wurik me eekwi nogo, yeenggwaarogo logowak nduk, ineyabu unde eeppiyareegwaarak nogo ti, Ala awi wurik oore'nggam endekem inom, akem ko ogoorik-ogoorak aago me inom, unde wonogwe, yi mendek ndi mendek Ala ake alik leenak wonage nogo, maluk age kero, liirogon ndegenggo logonet, Ala awi wurik me eeko logorak yugu nogo eekwi,

1 Mbinineegwaarak 26:20

It Lewi mendek inoreewi eegu nen Ala awi wurik me yi mendek ndi mendek onggo nggwok pogo logowam nogo inom, ndi, yi mendek ndi mendek alik leenak pogo logowam nogo inom, arum logorak koonogo pereegerak yi aret.

1 Mbinineegwaarak 9:26

tu unggwogo menggam arum waka inoweewi abu tiyanak wonogogwaarak Lewi mendek ineebe 4 nogo ti, Ala awi wurik ko ogoorik-ogoorak inom, ake pugu kuwak eerogo pogo menggam inom, arum wonogogwaarak.

Nekemiya 10:36

Eeko logorak wone yugu liiru mbanak ndak-ndak ninapuri manggu nda'nogwe, ninaanggumi lembu-tapi inom, kambin-ndomba inom, inaagalogwe aa'nduk nda'nogwe, eekwi iinok, wonok aap Ala unde ninogoba Ala awi wurik me eeko menggaarak nogo wogora wogwe,

Kini Wuppiige 8:34

Aap ambi an noone konenikit nduk eeke logonet, Name nen wundi nage neyo, ko'lu-kii'me to'nake, Naru ngga'nggi paga narum wonage, Eeke kenok ti, Iniki ale'nggen aret logogin o.

Yetaya 40:31

It aap, “Aliku ALA nen eeppinani woraawak o,” yinuk, iniki lunik wonogwe nogo perak, Inomaawi lek aremenggerak nogo inomaawi eekkologo logomenggaarik, Towe nggindooni a'naabit omaawi paga wiganinuk nege menggi kwak, we negen nugwi, Inomaawi lek aga'lek tu mbe agan nogwe, Iniki lek aga'lek op aret nogwe, Eeko logogun o.

Linggineegwaarak 3:10

Ndi, at Karun apuri inom mban an neebe unde logonet, ineyabu eeko logowak nduk, unde eeppiyet o. Unde eeppiyamenggendak eekwi me, aakumi we ugun mendek nen wogwe iinok, ineebe mondok inoorogo piige logomunggun o,” yinuk, yoreegerak.

Oroma 12:7

yeenggwaarogo logorak unde eeppinagareegerak kenok, yeenggwaarogwe, mamunirogo logorak unde eeppinagareegerak kenok, mamunirogwe,

Pelaareegerak 18:8

Ndi, naakit nduk, ogobamini ineyate wogoreegwaarak wu kunemenggerak nogo ko'nok namenggerak kagak kwe, it aap Ala unde ando Ala ake pugu waganggwi ti ndak-ndak aret wogogo logowak o,” yoragagerak.