Nekemiya 12:43 - Ala Wone Peenok Peebi Mbanak

⁴³ Wakwi ne ti eyom paga at Ala nen ale'nggen nggwok inoba piyareegerak me, iniki ale'nggen nen inaanggumi apit lombok warogo Ala ake wogoreegwaarak. Ala ake warogo wogogo logonet, kumi inom, wologwe-komologwe inom, abok aret inale'nggen nen inoone nggwok paga o Yerutalem logonet yogwe nogo, o ndaanda time abok aret inaruk konenggo nogogwaarak.

Nekemiya 12:43 ပူးပေါင်းရင်းမြစ်များ

2 Mbinineegwaarak 20:13

Tamban eeke mbareegi, it aap Yekura mendek inakuwi inom, inapuri wologwe-komologwe inom, elege-aabologwe inom, abok aret Aliku ALA enggaanom paga taati mi'ndak wonogwe me,

2 Mbinineegwaarak 20:27

Eeko nogogwaarik, Aliku ALA nen inawim tebenogo piyareegerak ti paga inale'nggen nggwok eeginabeegerak me, at Yotapat nogo awuri Yekura mendek inom, Yerutalem mendek inom, wogoren iniyokan inale'nggen mbakak o Yerutalem unggwi wogogwaarak.

2 Mbinineegwaarak 7:10

Kuwak eeko mbareegwa, tut 6 penembunuk, ambi penenak tanggal 23 tut ti paga at Talomo nen, “Kiname nanip o,” yinuk, it aakumi nogo iname nappiyareegerak. Nappiyareegerak nogo logonet, “At Aliku ALA nen aap Ndawut inom, at Talomo inom, nit at apuri Iterali mendek inom, mondok iya lombok obeelom eeppinanegi o,” yinuk, iniki ale'nggen mbakwi, keyage wakwi, eerit iname nogogwaarak.

Etara 3:13

It aakumi inoone nggwok paga noone-koone yogwe nogo, nda nen koneneegwaarak me, “Inale'nggen paga yogwe ilik, le yogo logonet yogwe a?” yinuk, yelok koorak meek aret wonogogwaarak.

Nekemiya 12:27

Yugum pak Yerutalem wureegwaarak ale'nggen eerogo laago lakwi eyom paga inale'nggen nen, “Wa!” yogo logonet, togolowak tabak oone pu ndale eekwi, nggitat mbuuluk paga eekwi, nggwok paga eekwi, eeko logowak nduk, it aap Lewi mendek wonogo menggam lombok wonogwe nogo, inayonggo pereegwaarak o Yerutalem wogwe,

Nekemiya 12:42

Maateya, Temaya, Eleyatat, Uti, Yokanan, Malikiya, Elam, Etet togon, it inambokan unggwi nogogurak. Unggwi nogo nogogurik, aap Yitiraya nen ndawi wariyak kooninake kagak, it ndawi tiyangga mbere aago nogo ndawi wareegwaarak.

Ayup 34:29

At oone lek puk mban wonage kenok, Aap ta nen maluk at oba pege, At etenggen kumaappatinuk wonage kenok, Aap ta nen enegen kage, Eeriyak mbakop? Lek me, It Ala mugurok noorak ineebi mbakwi nen Keele pugu kwak aakumi yilunogo piinok, inoone omaawi yorogo logogun me, It aakumi inanebunu ambi nen ilik, aakumi abok nen a? It tebenogo piyoorak meek aret arigin o.

Ndawi 27:6

Ti eerogo panege keenok, Nawim wangge'nabemenggaarak nogo, Nabu'me iigak nuut pilak ari, Kawi wurik me kake warogo wokkege logonet, Nale'nggen nen kuum-keek ari, Karuk konenenok nduk, ndawi wake, Ndawi paga kanep tenok-mbenok ari, Eerigin o.

Ndawi 28:7

Nomaawi inom, nanggeemu kwak inom, Kaliku ALA kat aret o. Niniki koba panggonak wonage neenok, Yeenggwa nege menggendak me, Niniki ale'nggen alik negen ee'nake, “Wa!” lombok yokkege, Eeke logonet, Ndawi wake agarik o.

Ndawi 9:2

Kat Tiyanak Lombok Menggendak yi wae. Kat lombok keenok, nale'nggen mbake, Niniki ale'nggen kani omoonuk negen nggelok ari, Ndawi wake logonet kendage tiyappagage, Eeke logogin o.

Ndawi 92:4

Kaliku ALA wae. Eerit nage menggendak paga niniki ale'nggen mbake, Keenggi paga nen eeke menggendak paga Nale'nggen nen ndawi lubuk ari, Eeke agarik o.

Yeremiya 31:13

Ti eeke eyom paga komologwe tawe inale'nggen nen kwirabik-kwirabok yogwe, Wologwe tawe inom, kumi-aap inanggok inom, inale'nggen nen togop aret lubuk agan nogwe, Eeko logogun o. Iniki puru aago logomenggaarak nogo, obaane'me iniki ale'nggen eerogo piige, Inale yogo logomenggaarak nogo, obaane'me iniki eyak wappiige, inale'nggen eerogo piige, Eerigin o.

Yeremiya 33:11

aakumi inale'nggen nen yogwe, iniki ale'nggen nggelok yi unggwage logonet noone-koone yogwe, kwe aap imbirak lambunggo logonet inoone yogwe, ndi, it aakumi iniki ale'nggen nen, At Aliku ALA abu obeelom aret o. At iniki kunik ee'ninake nogo ti, lek aga'lek mondok-mondok aret ee'ninake menggerak me, At Omaawi Lombok Menggerak Aliku ALA, Wa! yogo logowok o, yinuk, an nake wo'niri wogo logonet yogwe, eekwi nogo ambinom inaruk konenggo logogun, yegerak o. Aliku ALA nen ari logonet, O aa'nduk obeelom lombok wonagagi kwak eerogo pigin o, yinuk, yegerak me nduk yagi o.

Linggineegwaarak 10:10

Ne yi eyom ndi eyom kiniki ale'nggen paga laago lakwi, tut ambi penengge kenok eekwi, ndomba warogo nake kani kunggwi, an Ala ninom lambunik logowak nduk, nake warogo wo'nugwi, eeko logonet, trompet oone pu eeppunuk mban eeko logonu o. Ti eeko logorak ti, an kinogoba Ala nen niniki abekkinake logokit nduk, eeko logorak wone nogo ti aret o, yinuk, Naliku kinogoba Ala an nen aret yokkigi o,” yinuk, yoreegerak.

Matiyut 21:15

Obeelom eeginake mbareegi, it Ala unde inoweewi inom, it Ala wone liiru mbanak unde inom, nogo nen at Yetut yi iya tit, ndi iya tit, eeke inom, ndi, it wologwe mbuulogwe nen Ala awi wurik awoore'nggam time ina'mit yogo logonet, “Ndawut ombooluk Otana yuwok o,” yogwe wonogwe nogo inom, inigen iigo nogogwaarik, inanini agaket yogo logonet,

Matiyut 21:9

eeko mbareegwa, nogo paga wage kagak, it ando inaa'nduk wogwe, it ando ambo'me wogwe, eeko logonet, “Ndawut ombooluk yi, Otana, yuwok o. Ninogoba Ala endage paga wage yi, wogoppuwok o. It mbogut irimbaga menggaarak kunduk, Otana, yuwak o,” yinuk, keekok agan wogogwaarak.

Yaya 16:22

Ti ndak-ndak, kit yogondak kiniki puru aago wonogwe kwe, peebi an ninom lambunggwi paga perak, kiniki ale'nggen age kaamunggup o. Kinale'nggen kamonggotak nogo aakumi nen lek eerogo pinagarak mondok lek o, yinuk, abet aret yokkiragi o.

Epetut 5:19

Ndi, kit-kit aret kiniki mondok ale'nggen paga ninogoba endage alut eeko logonet, Ndawut ndawi pereegerak nogo inom, ki wone ndawi inom, Ala eeke menggerak ndawi inom, abok aret warit nogo logonip o.

Yakobut 5:13

Aap ambi kinenggela'me nen aaninggin-paaninggin oba age kenok, at tamban eekkolage logowak o. Ndi, ambi iniki ale'nggen mbake kenok, ndawi wake logonet, Ala endage tiyappege logowak o.

1 Tamuwen 4:5

Aliku ALA aloobut mbanak wone yugu yonggolak nogo wonok inawooliya oore'nggam nogome unggwi wogo mbareegwa, aakumi Iterali nogo abok aret inale'nggen nen keekok piyanggogo mbareegwa, nggween apit nuk yereegerak.