Nekemiya 12:39 - Ala Wone Peenok Peebi Mbanak

³⁹ tu unggwogo menggam endage, Eparayim, kagak, Maan kagak, Yikwe kagak, o nggorek endage Kananen kagak, o nggorek wurik endage, Seratus kagak, tu unggwogo menggam endage, Ndomba kagak, tu unggwogo menggam endage, Keele Maarak Menggam kuli aret puk ari nogogurak.

Nekemiya 12:39 ပူးပေါင်းရင်းမြစ်များ

2 Endagembogut 14:13

aap Iterali inowe endagembogut Yokawat nogo nen aap Akatiya ombooluk Yowat aput Yekura inowe endagembogut Amatiya nogo, o Mbet-Temet time pigagangge nagagerik, o Yerutalem woraanuk, yugum pak wurik tu endage, Eparayim Unggwogo Menggam, kuli nen nok, tu endage, Unggu'me Unggwogo Menggam, kuli metet seratus delapan puluh aret langgunogo pereegerak.

Nekemiya 12:40

Ti'nuk, it ndawi tiyangga nen Ala, “Wa!” yoruwok nduk, aa'nduk nogogwaarak nogo inom lambumbunuk, Ala awi wurik me unggwi nogwe iigak, an togon, it inarum menggaarak inoweewi ando togon,

Nekemiya 3:1

It aap Ala unde inowe Eliyatip oreewi inom nen tu unggwogo menggam endage, Ndomba obaane'me wuppunuk, nggomoorogo pogo nogogwaarik, tu ogobakkigirik nggelenogo pit nogogwaarak. Pit nogo nogogwaarik, pak eegu kunogo wurit o nggorek wurik endage, Seratus nogo paga panggonogo punuk, nggomoorogo pugwi, ti'nuk, eegu kuninuk o nggorek endage, Kananen paga panggonogo pi nanuk, nggomoorogo pugwi,

Nekemiya 3:25

ndi, unggut me nogo panggombunuk, aap endagembogut awi o nggwok abe wurik arum menggam oore'nggam o nggorek wurik kuli aap Utayi aput Palan nen ogobakkigirogo pit nage,

Nekemiya 3:3

Tu unggwogo menggam endage, Yikwe nogo ti, aap Tema apuri nen obaane'me wuko logonet, pak ambe eyo mippunuk, tungga nggelenogo pugwi, wa'mbit narogo pugwi, eekwi iigak,

Nekemiya 3:6

Tu unggwogo menggam endage, Maan, nogo ti, aap Pateya aput Yoyara inom, Mbetoya aput Metulam inom, nen ogobakkigirogo pogo logonet, pak ambe eyo mippunuk, tungga nggelenogo pugwi, wa'mbit narogo pit nogwe, eekwi iigak,

Nekemiya 8:16

Kogo nogogwaarik, it aakumi wogoren piya nagagerak iniyokan wogogwaarak nogo abok aret nen eyo eno'mbak mbaninuk wogo nogogwaarik, it inawi wurik oo'ngget ndoonogo maarak paga inom, inawoore'nggam inom, Ala awi wurik oore'nggam inom, tu unggwogo menggam endage, Niyo, enaame tini ogobakkigirik inom, tu unggwogo menggam endage, Eparayim, enaame tini ogobakkigirik inom, nogome ooliya-ooliya wurogo patit nogo nogogwaarik, wonogogwaarak. It aakumi Iterali yi nogo nen at Nun aput Yotuwa wonage eyom paga nen nok, ooliya wureegwaarak ti eyom kuli iniki ale'nggen nen togop lako logolik kwe, ne ti eyom paga inale'nggen mondok alik negen logonet, lako nogogwaarak.

Yeremiya 31:38

Aliku ALA nen ari logonet, “An nake o kota Yerutalem yi, obaane'me wurugun me, ti wuko logonet, o nggorek wurik endage Kananen nen nok, Tu Unggwogo Menggam Unggu'me time kuli wuriyak eyom panggoni woraagin o.

Tepaniya 1:10

Aliku ALA nen ari logonet, “Ne ti eyom paga tu unggwogo menggam endage Yikwe Mbanak Me nen le yogwe, It aakumi o yaga'lelo endage Ngget Wurik Me wonogwe nogo nen leenggu maakwi, It puut-puut teberogon wonage nogo abu iya lombok yigirogo wurabit wage oone ari nogo, inaruk konenggwi, Eerugun o.

Yaya 5:2

O Yerutalem tu endage Ndomba Wogoret Unggwogo Menggam taati niyo ambi yenggenak wonagagerak. Niyo yenggenak ti, Iberani wone paga Mbetetera, yogo nogogwaarak. Niyo yenggenak nogo aa'nggi paga yengget-wangget o 5 wurik me tigitogon awe aago mban wonagagerak.