Ala aloobut mbanak nogo aap Obet-Erom ame wonage kenok, at inom menggaarak ineebe paga inom, at amendek paga inom, Aliku ALA ale'nggen inoba piige nogo aap endagembogut Ndawut yori wogo mbareegwa, at Ndawut nen Ala aloobut mbanak aap Obet-Erom ame wonage nogo, wa nage nagagerik, at Ndawut agota nogome wonok wogo logonet, inale'nggen mbarit wogogwaarak.
Nekemiya 12:27 - Ala Wone Peenok Peebi Mbanak27 Yugum pak Yerutalem wureegwaarak ale'nggen eerogo laago lakwi eyom paga inale'nggen nen, “Wa!” yogo logonet, togolowak tabak oone pu ndale eekwi, nggitat mbuuluk paga eekwi, nggwok paga eekwi, eeko logowak nduk, it aap Lewi mendek wonogo menggam lombok wonogwe nogo, inayonggo pereegwaarak o Yerutalem wogwe, အခန်းကိုကြည့်ပါ။ |
Nekemiya 12:27
34 ပူးပေါင်းရင်းမြစ်များ
at Ndawut aakumi Iterali mendek abok aret inom inale'nggen alik negen inikime nggelok ari logonet, at Aliku ALA enggaanom paga nggitat mbuuluk mendek inom, nggitat nggwok mendek inom, togolowak oone lobale inom, togolowak tabak pu ndale eeka inom, oone nggwok eeka trompet inom, abok aret oone eerit kwirabik-kwirabok agan ndawi warit wogogwaarak.
It aap Iterali mendek Aliku ALA aloobut mbanak me wone yugu yonggolak nogo, piyaninuk wogo logonet, inale'nggen nen keekok piyanggogwe, oone nggwok eeka trompet nogo oone pu eekwi, ndomba eyak paga oone eekwi, nggitat nggwok inom, mbuuluk inom, eekwi, togolowak tabak paga oone pu ndale eekwi, eerit wonok o Yerutalem wogogwaarak.
Ala alut eekwi iigak, at Keman Yerutun imbirak nen oone nggwok eeka trompet nogo, oone pu eekwi, togolowak tabak pu ndale eekwi, yi oone ndi oone eekak nogo inom oone eekwi, eeko logorak unde eeppiige, ndi, at Yerutun apuri nogo, tu unggwogo menggam arum wako logowak nduk, unde eeppiige, eereegerak.
inarum logorak inowe Atap mippege, at abu'me Takariya mippege, ti'nuk, inawuri Yeyiyen, Temiramot, Yekiyen, Matika, Eliyap, Mbenaya, Obet-Erom, ambi endage Yeyiyen nogo mippiige, eereegerak. Eeke nagagerik, it ando nogo ti, nggitat mbuuluk mendek inom, nggitat nggwok mendek inom, eekwi, aap Atap nogo togolowak tabak oone pu ndale eekak nogo eeke,
Nda'nogwe iinok, inendage liiru mbanogo pugu mugurok it aap Keboron paga wiganak ndarak ndegek inowe ti, Yeriya aret. Ndi, aap endagembogut Ndawut nogo inowe endagembogut a'nuk, wone lengganogo yorage kagak tahun 40 eerak nogo paga, “Nda'nogwe iinok, inendage liiru mbanogo pugu paga it aap Keboron paga wiganak inendage ambi mbanak wonage ilik, lek a?” yinuk, pekkogo logonet, it aap Keboron mendek wone koonggwi inobam lombok o Yayetet-Nggileyat time wonogwe nogo inendage kwaakkogogwaarak.
Kilirogo pogo mbareegwa, “Ndogop eeko logowak o,” yinuk, at Aliku ALA nen aap abinggaanggo paga yoge kenok endagembogut yoga Nggat nogo inom, Ala nen yoge kagak yoraga Natan inom, at nen yorage kagak, Ndawut yogo mbareegwa, at Ndawut nen koonogo pereegerak ndak-ndak aap endagembogut nogo nen aap Lewi mendek togolowak tobak oone pu ndale eekak inom, nggitat mbuuluk mendek inom, nggwok mendek inom, ko'nok Aliku ALA awi wurik me li'luk aago logowak nduk nappiyareegerak
Ayuk wuko nogogwaarik, aap endagembogut Kitikiya inom, at inom eeko menggaarak inom, nen it Lewi mendek yorogo logonet, “At Ndawut inom, abinggaanggo kaga Atap inom, nen ndawi pereegwaarak nogo paga Aliku ALA alut eeko logonip o,” yorogogwaarak ndawi wakwi iigak, it abok aret inale'nggen nen Ala endage tiyappugwi, inendobanggun yindumbunuk, ayuk wukwi, eereegwaarak.
Aap trompet oone nggwok eeka inom, aap ndawi tiyangga inom, ambugwi aret Aliku ALA alut eeko logonet, “Wa!” yogo nogogwaarak. Inoone nggwok paga Aliku ALA alut eeko logonet, “At obeelom aret o. Aakumi inabuwa nen iniki kunik aganake nogo ti, Lek ageelik mondok aret wonage menggerak o,” yinuk, yogwe iigak, oone nggwok eeka trompet nogo oone pu eekwi, togolowak tabak oone pu ndale eekwi, yi oone ndi oone eekak nogo inom oone eekwi, eeko nogogwaarak. Ti eekwi iigak, ndugwi Aliku ALA awi wurik me yagabit eerogo pi unggwagagerak.
Ndi, it aap Ala unde nogo inobaane'me aret mi'nari nogwe, ndi, aap endagembogut Ndawut nen Aliku ALA alut eeke, “Kiniki kunik ee'nake ti, lek arigin lek mondok kunik aret logogin me, wa!” yinuk, ndawi tiyangge, eeke logonet, oone eeka ogobakkigireegerak nogo, it Lewi mendek nen woppunuk, inobaane'me mi'nari nogwe, eeppunuk, inengga kunna'nuk, it Iterali abok aret taati mi'ndak wonogwe iigak, ndawi wakwi, it aap Ala unde nogo oone nggok eeka trompet nogo oone pu eekwi, eeko nogogwaarak.
Wakwi ne ti eyom paga at Ala nen ale'nggen nggwok inoba piyareegerak me, iniki ale'nggen nen inaanggumi apit lombok warogo Ala ake wogoreegwaarak. Ala ake warogo wogogo logonet, kumi inom, wologwe-komologwe inom, abok aret inale'nggen nen inoone nggwok paga o Yerutalem logonet yogwe nogo, o ndaanda time abok aret inaruk konenggo nogogwaarak.
Aliku ALA nen at apuri inikilom mbake, Aap iniki tebenak, “Wi!” yogo logowak nen Nggare-nggare yippiigo mengga kwak Ineegin tiyak yuwak nduk, eeppiige, Eeke menggerak me, At endage tiyappogo logonet, kwirabik-kwirabok yogwe, Ale'nggen kaawak nduk, lobale inom, nggitat inom, Oone eeko logonet ndawi wakwi, Eeko logowak o.
Pi wogo logomonggotik, kit inom, kinapuri wologwe-komologwe inom, kinayeloman mini kumi-aap inom, aap Lewi mendek kinawi kota kinom logogun nogo inom, aap nggiru inom, elege moono inom, kumi nanu kinom logomunggup nogo inom, abok aret at Aliku kinogoba Ala nen, O yime nen mban nendage ki logowak o, yinuk, leenogo patemenggim at enggaanom paga time nen kinale'nggen paga laago lako logomunggup o.
ကြော်ငြာတွေ