Nekemiya 11:16 - Ala Wone Peenok Peebi Mbanak

¹⁶ it aap Tabetayi Yotabat imbirak aap Lewi inoweewi aret me, it nen aap Ala awi wurik endekenggwe yabu eeko menggaarak inarum wonogogwaarak inom,

Nekemiya 11:16 ပူးပေါင်းရင်းမြစ်များ

1 Mbinineegwaarak 26:20

It Lewi mendek inoreewi eegu nen Ala awi wurik me yi mendek ndi mendek onggo nggwok pogo logowam nogo inom, ndi, yi mendek ndi mendek alik leenak pogo logowam nogo inom, arum logorak koonogo pereegerak yi aret.

1 Mbinineegwaarak 26:29

At Yitakat paga wiganak ti, Kenaniya aret me, at inom, apuri inom, ti, Ala awi wurik me eeko logowak nduk, unde eeppiyoolik. Ata, yi o ndi o Iterali wonogo menggam time ambi eeriyak age kenok, wone ena koonggwi, wone ambi agaatak kenok, inowak loonggwi, eeko logowak nduk, unde eeppiige,

Etara 10:15

Wone yorogogwaarak nogo it abok op aret mbareegwaarak kwe, it aap Atayen aput Yonatan aap Tikwa aput Yateya imbirak perak, aap Metulam aap Lewi mendek Tabetayi imbirak wone inikime mambiyareegwaarak paga, “Eeriyak nineebi,” yereegwaarak.

Etara 8:33

Ndi, nogo kenagan yippunuk, ko'lu ninogoba Ala awi wurik me yime nit nen mbuti perak-emas inom, yi mendek ndi mendek nogo inom, abok aret aaninggin ambinom wakkogo nogogurik, aap Uriya aput Ala unde Meremot eege, aap Pinekat aput Eleyatat eege, it Lewi mendek aap Yetuwa aput Yotabat eege, aap Mbinuwi aput Nowaya eege, ineenggime piyareegurak.

Nekemiya 11:15

It aap Lewi mendek ti, Mbuni nen Katabiya ndake, Katabiya nen Atirikam ndake, Atirikam nen Katup ndake, Katup nen Temaya ndake, eereegwaarak me, at Temaya inom,

Nekemiya 11:17

at Atap aput Tabiri ombooluk Mika aput Mataniya Ala, “Wa!” yogo logonet tamban eeriyak puninaka nogo inom, at oreewi inabu'me menggerak Mba'mbukiya inom, at Yerutun aput Nggalan ombooluk Tamuwa aput Abara nogo inom,

Nekemiya 8:7

Eeko nogogwaarik, inobaane'me lombok mi'na'nuk wonogwe iigak, it aap Lewi mendek Yetuwa, Mbani, Terebiya, Yamin, Akup, Tabetayi, Koriya, Maateya, Kelita, Atariya, Yotabat, Kanan, Pelaya nogo nen eeko logorak wone yugu liiru mbanak nogo mamunirogo logonet,