Nekemiya 10:37 - Ala Wone Peenok Peebi Mbanak

³⁷ Gandum anggen iyaalok yigirik inom, yi mendek ndi mendek alik, Yi Ala ake o, yinuk, iyaalok pugu inom, yi eyo ndi eyo yarak anggen iyaalok mbanak inom, anggur amburu iyaalok toolak inom, tayitun amburu iyaalok toolak inom, wonok ninogoba Ala awi wurik me pogo menggam pogo logowok nduk, it aap Ala unde nogo wogora wogwe, ninawi kota-kota nineyabu eeko monggom abok aret anggen yugu 10 wonage kenok, ambi yendenogo pugwi nogo ti, it aap Lewi nen kuwak eeko menggaarak me, nineyabu yarak anggen yugu 10 wonage kenok, ambi yendenogo it aap Lewi wogora wogwe, eeko logogun aret o.

Nekemiya 10:37 ပူးပေါင်းရင်းမြစ်များ

2 Mbinineegwaarak 31:6

it aap Iterali mendek inom, aap Yekura mendek inom, o Yekura kota-kota wonogwe nogo nen 10 wonage kenok ambi yendenogo pogo mengga kwak tapi-lembu inom, kambin-ndomba inom, iyaalok ndarak kenok Ala ake pi wogwe, yi mendek ndi mendek Aliku inogoba Ala ake nggomoorogo pereegwaarak 10 wonage kenok, ambi yendenogo pi wogwe, eeko nogogwaarik, taati kalo logonogo pereegwaarak.

Nekemiya 13:10

Pi unggwage nagagirik, ti'nuk, it aap Lewi wogorogo logorak wone punik nogo wogoraga'lek iinok, aap Lewi mendek inom, it aap ndawi tiyangga inom, ineyabu inalitak lombok eeko logorak yoragagerak nogo mbo punuk, ineyabume nanuk ineyabu eekko'net nugwi neenu age nagagirik,

Nekemiya 13:12

Piya wage mbareegi, it aakumi Yekura mendek abok aret nen gandum anggen inom, anggur amburu ngget toolak inom, tayitun amburu inom, 10 wonage kenok, ambi yendenogo ake pogo menggam pi wogogwaarak.

Nekemiya 13:5

it aakumi aa'nduk nen gandum anggen yigirik ake pugu inom, obari abe kaga nogo inom, yi mendek ndi mendek Ala awi wurik me eeko menggaarak ake pugu inom, nogome pugwi, gandum anggen inom, anggur amburu ngget toolak inom, tayitun amburu inom, 10 wonage kenok ambi yendenogo Ala ake punuk, it aap Lewi mendek togon, ndawi tiyangga togon, tu unggwogo menggam arum waka togon, wogorogo logorak wone koonak nogo inake pugwi, ndi, “It Ala unde inake pikit o,” yinuk, inake pugwi, eeppunuk, pi wogo menggam ko kole ogoorak nogo at Tobiya unde logowak nduk, wogoreegerak.

Nekemiya 13:9

ko ogoorak maluk agagerak nogo obeelom aruwak nduk, “Yi werenogo pit nanip o,” yoragagirak eeko mbareegwa, yi mendek ndi mendek Ala awi wurik me eeko menggaarak gandum anggen ake pugu inom, obari abe kaga inom, waganogo obaane'me pi unggwagagirak.

Wundeegwaarak 13:12

kit apit aret kinapuri aap manggu nda'nogwe iinok, kinaanggumi anebunu lombok abok aret inaagalogwe iyaalok ngguunok nda'nogwe iinok, ti at Aliku ALA amendek me, at ake aret leenogo piigo logomunggup o.

Ala Unde 23:17

it iname lombok abok aret nen gandum anggen abu abe yigirik aaninggin mbere wakkagak waganogo ragi inom punuk, oroti mbere'ndak mban worarogo punuk, Anggen iyaalok mbanak paga oroti worarak yi, Kaliku ALA kake o, yinuk, titik eerogo niri wogwe,

Maleyaki 3:10

Togop eerak logokwak, inamendek 10 wonage kenok, ambi yendenogo punuk, enaani aret an nake pugu pogo menggam pi wogo logowak o. Pi wogwe iinok, an nawi wurik me yabu eeka nogo inambi endak aret nunggo logogun o. Nake pugu nogo it aakumi pi wogo logonet, At nen mbogut paga tu paarogo pit nanuk, ale'nggen nen yi mendek ndi mendek ngginu-ngginu eerogo wuppinani woramenggerak paga niname yagabit age kenok, Eegu ngga patuwi o, yinuk, yuurak ee'ninake kaamun ilik, lek a? yinuk, an nabut mbanggo logonet pi wogo logowak o.

Maleyaki 3:8

Aap ambi nen an Ala wi-wi ee'naburak op mbakwi ya? Togop ee'naburak meek kwe, it nen aret wi-wi ee'nako agaarik o. It wi-wi ee'nako logonet kwe, Nit nonggop togon agago at wi-wi eekoorak me yigi, yinuk, yo'nugwi iigi o. An wi-wi ee'nakwi nogo ti, inamendek 10 wonage kenok, ambi yendenogo nake leenogo pugwi, nake pi wogwe, eeko logonet, wi-wi ee'nakwi iinok, yagi o.

Linggineegwaarak 18:15

Aakumi a, kinaanggumi a, kinarowe-pagi a, agalo inikime nen aa'nduk nda'nage kenok, Naliku ALA nake leenogo pi wogwe nogo ti, abok kit kinake aret o. Togop kwe, inapuri manggu ndarak aap inom, inaanggumi noorak mage yugu nogo mendek aa'nduk ndarak ngguunok inom, ti kenok perak, obaane'me wu aret pogo logowak o.

Linggineegwaarak 18:18

Ndi, ape uruwak inom, aawi abe'nggan kinik inom, Yi Kaliku ALA kake o, yinuk, titik eerogo wo'ninuk, kit wokkirogwe nogo kokwak eebe mbanak ti kunduk, kit aret kologo logomunggup o.

Linggineegwaarak 18:21

Ndi, inanebunu Lewi mendek ninom lambungge minggim nawooliya wurik me yabu eekwi onggo ti, it Iterali inamendek 10 wonage kenok, ambi yendenogo nake pi wogwe nogo abok aret it Lewi mendek ineyate negen aret wogoragi o.

Oroma 11:16

Roti aa'nduk mbanak abe me, “Ake leenogo pugu o,” yuurak kenok, eegu nggwok pugu nogo ti kunduk, “Abe leenak aret,” yuurak op o. Ndi, eyo ero abe leenak kenok, eno'mbak ti kunduk, “Abe leenak aret,” yuurak op o.

Pelaareegerak 14:22

Yorage nagagerik, ambi yorage logonet, “Kit yi tahun ndi tahun paga kineyabume yi mendek ndi mendek awi yappogo logomonggotik, anggen mbanogo punuk, 10 wonage kenok, ambi yendok, ambi yendok, eerogo ake pogo logomunggup o.

Pelaareegerak 26:2

at Aliku kinogoba Ala nen kinanggween wokkirage ti paga yi mendek ndi mendek awi yarumonggotak anggen iyaalok yemenggerak nogo mbanogo muun yarak me yonggologo punuk, wonok at Aliku kinogoba Ala nen, An wonage me yime nen mban nendage tiyappogo logowak o, yinuk, o leenogo patemenggim nogome pi nogo logomunggup o.