Nekemiya 10:35 - Ala Wone Peenok Peebi Mbanak

³⁵ Tahun ambi eekak paga yi mendek ndi mendek yappunuk, anggen iyaalok yugu inom, yi eyo ndi eyo anggen iyaalok mbanak inom, ti wonok Aliku ALA awi wurik me pi wogwe, eeko logogun aret o.

Nekemiya 10:35 ပူးပေါင်းရင်းမြစ်များ

Pelaareegerak 26:2

at Aliku kinogoba Ala nen kinanggween wokkirage ti paga yi mendek ndi mendek awi yarumonggotak anggen iyaalok yemenggerak nogo mbanogo muun yarak me yonggologo punuk, wonok at Aliku kinogoba Ala nen, An wonage me yime nen mban nendage tiyappogo logowak o, yinuk, o leenogo patemenggim nogome pi nogo logomunggup o.

Wundeegwaarak 23:19

Yi mendek ndi mendek anggen iyaalok yugu abu kole obeelom kenok mban waganogo Naliku an inogoba Ala nawi wurik me pi wogo logowak o. Ndi, kambin-ndomba aagalogwe warogo lariyak kenok, inagalo elak amburu paga lariyak mage o,” yinuk, yoraawak nduk, yoreegerak ti aret.

Linggineegwaarak 18:12

Iyaalok mbanogo Naliku ALA nake leenogo pi wogo mengga kwak, anggen iyaalok aambiranak tayitun amburu inom, anggur amburu inom, ndi, gandum anggen inom, abu obeelom mendek kero, abok aret kit kinake leenogo pinagagi o.

Wundeegwaarak 34:26

Kit nen yi mendek ndi mendek anggen iyaalok yugu abu obeelom mendek kenok mban waganogo Naliku kinogoba Ala nawi wurik me pi wogo logomunggup o. Ndi, kambin-ndomba aagalogwe warogo lariyak kenok, inagalo elak amburu paga lariyak mage o.”

Linggineegwaarak 18:2

Togop me, kat inom, kapuri inom, an nawooliya wurik me noone yugu naloobut mbanak me yonggolak wonage enaame nogome yabu eeko logonet, yeenggwa kiruwak nduk, kogobamini inom ndarak kowe-kawot kanebunu Lewi mendek yorogo logonu o.

Yetikiyen 44:30

Anggen iyaalok mbanak abu abe kero, nake pugwi, aakumi iniki ale'nggen nen yi mendek ndi mendek abok aret nake leenogo punuk, pi wogwe, eekwi nogo ti, it aap an neebe unde inamendek aret o. Nale'nggen it aakumi ugun inawi paga logowak nduk, anggen iyaalok abu abe yigirik nogo, mogonogo aa'nduk it an neebe unde wogora wogo logowak o.

Ala Unde 6:5

Kwaarulik o, yinuk, kumbuk mbangge kenok a, ti maluk aret me, omaluk ti, an nen lek eerogo pikit nduk, onggo pi wage logonet, wamenggerak nogo amendek unde wogoge logonet, oba lunogo ambinom seperlima aret wogoruwak o.

Ala Unde 6:6

Wogoge logomenggerik, maluk eeremenggerak nogo, lek eerogo pikit nen onggo Naliku ALA nake wo'niri woroorak ti, aanggumi kambin-ndomba ngguunok ambi awinde-obaande eerak lek amuni mbanak, Onggo ndogop puurak, yugu nogo ndak-ndak aret wonok, aap an neebe unde wogori woraawak o.

Nekemiya 13:31

Ndi, “O ndi eyom paga kani ira wogo logu o,” yinuk, koonogo piige, yi mendek ndi mendek iyaalok yugu pi wogo logowak nduk, koonogo piige, eereegirak o. “Ai, nogoba Ala o. Nabuwa mba'nuk, noba aberak logot o,” yinuk, tamban eereegirak nogo ti aret. 1